Malaquias 2:15 - Kaxinawá Bíblia (BR)

¹⁵ Na habias Deusunã, nukũ yura inũ nukũ yushĩ nuku inaĩsmamẽ? Deusũnã, eska betxipaimiski. Tsuabura hawenabus meribi pepabu watã hatu hiwemakatsis imiski. Haskawẽ taeshũ berunãtũ aĩbu mã aĩwaĩ habe yubakani hawa kaneama habe hiwekĩ matũ yushĩ ibubis pe mekekubaĩkãwẽ.

Malaquias 2:15 Referencias Cruzadas

Gênesis 1:27

ha itsa huni inũ aĩbu hatu damiwashũ

Gênesis 2:7

Senhor Deusũ mai mishpu bitã damiwakĩ ha keska wakĩ huni hiwemanũ ishũ hawẽ dekĩ anu shũ aka huni haskai hiwei taenikiaki.

Gênesis 27:46

hanua Rebeca hawẽ bene Isaque anu kashũ yuikĩ: —Heteu nawa aĩbu ẽ betxipaiamaki, Esaú aĩ dabe keskarã. Habiasriai Jacó Heteu nawa aĩbu nenu Canaã anu hiweshũ aĩyaĩ ẽ betxipaiamawẽ taea ẽ huĩti nishmai sinai haska ẽ hiwetirumaki— aka

Gênesis 6:2

Deus kẽwaĩbũ Deus kẽwãbumã aĩbu bake uĩkĩ shinãkĩ: “Aĩbuaibu hawẽruabuki”, ikĩ betsa betsapa sharabu katushũ aĩwanibukiaki.

Êxodo 20:14

Ha inũ, betsarã, kemui aĩyã inũ beneyabia betsabe txutanameyamashãkãwẽ.

Provérbios 4:23

Haskakĩ hiwea kayabi mĩ bitiruwẽ taeshũ hawara betsa mai anua mĩ betxipaiai binumakĩ mĩ shinã pe mekekubaĩshãwẽ.

Provérbios 6:25

Ha aĩbu hawẽruatũ mia uĩkĩ mia kemumabiaya hawẽ yurawẽ kemukĩ shinãyamakubaĩshãwẽ.

Provérbios 7:25

Ha aĩbu hininipã hiwe anu kai hawẽ bai tanabaini itxapa mawamisbuki. Aĩbu hininipã hatu iyushũ txakabuwaya huni itxapa ma debuabuwẽ taeshũ haska aĩbu hininipã hatu amisbu shinãkĩ miãri kanei hatxũ kayamashãwẽ, ha baiwẽ kai mawai benukatsi ikamarã.

Jeremias 2:21

Uva nishi pepa katutã ẽ matu banakĩ akawaniki, hiwemakinã. Hakia pepa ibiani txakabui mã pikukũkainaiwẽ taea ẽ matu unãbiani ikis mã tsuabura ẽ ana matu unãmaki.

Malaquias 2:14

Hakia: “Haskakĩ nukũ inãkuĩ nami Senhor Deusũ nuku dananaĩ ikimẽkaĩ?” ika mã yuka ikairã. Eskaki, matu yuinũ nĩkakãwẽ. Berunã aĩyãtã hawa heneama habe hiwekũkaĩkatsi mĩ habe yubakabiani mĩ haska habe yubakani habe hiwei ikibi ikama itxakawakĩ putai mimebi mĩ parananaĩ Senhor Deusũ matu uĩkĩ unaĩwẽ taeshũ matu danãkubainikiki.

Mateus 15:19

Hanua eska yurabu haya hatũ xinã uke merã aruabu txakabu xinãkĩ shabakabi tashnimamisbuki, eska tibi xinã meranua shabakabi kaĩkinã, huni betsaki yubakatã tenãkinã, huni betsã aĩ txutãkinã, shebi hayabu txutabaũkinã, yumetsuirã, txani txakairã, yura betsa ha akinã.

João 20:22

kuxipa wakĩ nukukiri kũtxũkaĩ kuxu atã nuku yuikĩ: —Yushĩ Pepa hayarikãwẽ. Haskatã tsuabura Deuskiri habu txakabu haya mã hakimawakẽ Deusũri hatũ txakabu hatu buashũshanikiki. Hakia hatũ txakabu mã hakimawamakẽ Deusũri hatũ txakabu hatu buashunama ishanikiki— nuku watã haniraki ana dami kaĩkẽ

Hechos 3:25

Haska inũ, matu henekatsi ikama Deusũ hawẽ hãtxa yuishunikabu hãtxamai habuwẽ Deus matuki yubakaniki. Haskawẽ taeshũ matũ shenipabu Deusũ yubai nukũ shenipabu Abraãobe Deus hãtxakĩ matu heneama inũbariaikiri yuikĩ: “Mĩ baba betsawẽ taeshũ mĩ bababu inũ dasibi nawa betsa betsapabu shukua tibibu ẽ hatu pepawariashanaii”, aniki.

1 Coríntios 7:14

Haska inũ, mĩ benẽ ikũwãmabiakẽ mĩ ma habe biakananiwẽ taeshũ Deusũ mia danãma hakia mĩ ikũwaĩwẽ taeshũ mĩ benẽ ikũwãtirukẽ duawaikiki. Habiaskari wakĩ mĩ aĩnẽ ikũwãmabiakẽ Deusũ danãma hakia mĩ ikũwaĩwẽ taeshũ mĩ aĩnẽ ikũwãtirukẽ duawariaikiki. Huni inũ aĩbũ Jesus ikũwãbumã bake yumeriabumarã, meribi pepatirubumaki. Hakia hunĩ Jesus ikũwaĩ kasmai aĩbũ ikũwaĩ kasmai ha dabe bakeya hatũ bake yumeriamarã, Deus hatuwẽ nuiaya habũ bakẽ ikũwãtiruki, Deusũ duawaiwẽ taeshunã.

1 Coríntios 7:2

Hamẽ dasibibu txutanamekatsi ikirã, huni tibi hau meribi aĩyanũbũwẽ. Habiaskariai aĩbu tibiri hau meribi beneyarianũbũwẽ. Hamẽ mã haskabumarã, atimapa hiwei mã txakabuskubaĩtirubuki.

2 Coríntios 6:18

matu haska watã ẽ bakebu matu wai matũ epa ẽ ikũkaĩshanaii”. Deus kuxipa dasibi binuatũ yuiai hawẽ hãtxa yuishunikabũ nĩkatã keneniki. Habiaskari ẽ matu yuiaii.

Efésios 6:4

Bakeyabuũ, maturi yununũ nĩkakãwẽ. Matũ bakebu tapĩmakĩ hau matuki datei sinatayamanũbũ yunutxakayamakĩ nemahairayamakãwẽ. Hakia hiwea tapĩmakĩ Deusũ hãtxa tapĩmakĩ hawẽ yunuti hãtxa inũ hawẽ nemati hãtxa unãmakĩ pe yusĩkĩ haska nukũ Shanẽ Ibũ abumis keskawẽ hatu yumewakubaĩkãwẽ.

Tito 1:6

Mekenika katukinã, eska hiweabu hatu unãkĩ uĩtã akubaĩwẽ. Tsuã hatukiri txakabu yuisma inũ, aĩyãkatsi ikĩ aĩbu bitã heneisma betsawẽ kemuisma inũ, hawẽ bakebu habetã Jesus Cristo ikũwaĩbu hawẽ bakebu hawa metimakĩ hatu uĩmai hatuki ha imaisbuma ha hawẽ bakebu huĩti kuxi sinatapaisbumakẽ mĩ hatu katushũtiruki.

Rute 4:12

Nukũ shenipabu Judá inũ Tamarĩ huni bake Perezĩ bake mirima bawani keska wakĩ ha aĩbuki Senhor Deusũ hau mia bake itxapa inãkĩ niri amariakubaĩshanũwẽ— akabu

1 Samuel 2:20

hawẽ bake Samuel duawaya ano tibi Elĩ uĩkĩ Elcana inũ hawẽ aĩ Anã hãtxa pepawẽ ana hatu yuikĩ: “Senhor Deus duawamakubaĩkĩ hawẽ bake iyua inãkĩ yunuimawẽ taeshũ mĩ aĩ Ana bake itxapa bimakĩ Senhor Deusũ hau mia manakushanũwẽ”, hatu wa benimabaini hatũ hiwe anu txĩtuãbu