Deuteronômio 4:32 - Kaxinawá Bíblia (BR)

³² Shinãkãwẽ. Unu hiwei taenibutiã inũ hari mã hiwei taenitiã ikubirãshinaburã, Senhor Deusũ mai hirabi dami wakĩ huni wani anua mai nati ikĩ tsuabura mã hatu yukatiruki. Na haska ẽ matu yuiai keska nukũ Senhor Deusũ kushipa keska betsabũ unanibumẽkaĩ. Uĩriakanimẽkainã, na haska nũ uĩshina keskarã.

Deuteronômio 4:32 Referencias Cruzadas

Gênesis 1:27

ha itsa huni inũ aĩbu hatu damiwashũ

2 Samuel 7:23

Israel minabu wakĩ mĩ hatu katuni habu hiwepakeshãkanikiki. Hiweabũ, miarã, Senhor Deusuũ, mĩ hatũ Deus ipakeshanaii. Yurabu shukua betsa betsapa hiweabu keska Israel minabu hatu keska hiweama iriashãkanikiki. Deusuũ, hau minabu ikubaĩshanũbũ hatu tsumawanibu mĩ hatu mebikinãkirãkĩ mina mĩ hatu waniki. Ha dikabi mĩ kushipawẽ dasibi hatu datekĩ hatũ kena ewapa wakĩ habuwẽ ‘Habaa!’ imati wakĩ dasibi hiwebaunabu bebũshũ Egito nawabu anua hatu tashnimabirãkĩ nawa shukua tibibũ hatũ yushibu hatu sa amakĩ mĩ kushipa mĩ hatu uĩmakubiraniki.

Jó 8:8

Nukurã, nũ dama kaĩshinaki, hawa unãmarã. Nukũ shenipabu uatiã hiwekubiranibu miyui nĩkakĩ nukũ hutxiburi yukakĩ habias ẽ miki txaniai miãri mĩ tapĩtiruki.

Êxodo 34:10

hanushũ Senhor Deusũ Moisés ana hãtxa wakĩ yuikĩ: “Natiã ana minabukiri ẽ mia yubai ea nĩkairawe. Haska ẽ kushipawẽ ẽ matu ashuaĩ dami itxapa dasibibũ uĩshãkanikiki, haska nawa betsabũ uiãma ipauniburã. Ẽ hatu e imaiwẽ taeshũ hanira mã bukubainaibu anushũ ẽ kushipa dami itxapa nawa betsa betsapabũ uĩkubaĩshãkanikiki, ẽ pepa matu anushũ ẽ hatu uĩmakubainairã.

Isaías 45:12

Eã ẽ aniki, mai inũ yurabu dami wakinã. Ẽ mekẽwẽ nai hirabi hatishũ kesũtã hanushũ ẽ yunua dasibi habu txashatirubu tashni keyunibuki.

Joel 1:2

Anibu unanepabu inũ nukũ mai pakea anu mã dasibi hiwebaunabuũ, na hãtxa ẽ matu yuiai nĩka peirawakãwẽ. Na txakabu haska huai tenekĩ mã memis keskama ma hayaki. Habias matũ epabu inũ matũ shenipabũ haska ikai uiãma ipaunibuki.

Amós 3:2

“Mai hirabi anu nawa shukuabu tibi hiwebiabaunabũ habukiri shinãma matu besti katukĩ enabu ẽ matu waniwẽ taeshũ txakabu betsa betsapa mã akubaĩmisbuwẽ taeshũ ha shinãkĩ ẽ matu kupishanaii”, akĩ matu yuikiki.

Mateus 24:31

Deusũ hawẽ nai tsumabu yunua hawẽ trombeta txaã akĩ hawẽ katuabu mai hirabi anu manibaunabu hatu itxawashãkanikiki.

Marcos 13:27

Deusũ hawẽ nai tsumabu yunua hawẽ katuabu mai hirabi kesua anu manibaunabu hatu itxawashãkanikiki.

Deuteronômio 4:7

Hakia nawabũ hatũ kẽwãti yushibu itxapa hayabũ kẽwãkĩ yukabiabu hawa hatu nĩkatã kematirumaki. Hakia nukuburã, nukũ mekenika Senhor Deus nũ haya hawẽtsaĩs nũ yukai tibi nuku nĩkatã kemakubainikiki.