Apocalipse 21:3 - Kaxinawá Bíblia (BR) shanẽ ibu haki tsauti anushũ hui kuxipawẽ yuiai ẽ nĩkaya: “Uĩa. Na maerã, haki, ha merã yurabube Deus hiwepakeshanairã. Hawẽ hatube hiweirã, hawenabubes ishanikiki. Deus ha besti habũ mekenika ishanikiki. Kashinawa : Diosun Jesúswen taexun yuba bena yiniki xanen ibu jaki tsauti anuxun jui kushipawen yuiai en ninkaya: “Uian. Na maedan, jaki, ja medan yudabube Dios jiwepakexanaidan. Jawen jatube jiweidan, jawenabubes ixanikiki. Dios ja besti jabun mekenika ixanikiki. |
Hawatiãra Israelĩ enabube eska ana yubakai ẽ benashanaii. Ẽ yusĩti hãtxa hatũ huĩti anu mistua keska wakĩ hatũ shinã merã ẽ kenea keska washanaii. Hatũ mekenika Deus ẽ ikũkaĩshanaii. Haburã, enabu ikubaĩshãkanikiki. Ea ẽ Senhor Deusũ ẽ hãtxa ẽ mestẽwaiĩ.
shaba tibi hanu haki nukuti tari hiwe kuinẽ atxikubainaya meshu merã tibi txi here dekeã keska uĩkubaĩpaunibukiaki.
Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.
Jesusũ kemakĩ: —Tsuabũra ea abukinã, ẽ yusĩa hãtxa txibãkanikiki. Ẽ Epã hatu abuaya ea inũ ẽ Epa hua nũ hatuwẽ hiweshanaii.
Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”,
matu haska watã ẽ bakebu matu wai matũ epa ẽ ikũkaĩshanaii”. Deus kuxipa dasibi binuatũ yuiai hawẽ hãtxa yuishunikabũ nĩkatã keneniki. Habiaskari ẽ matu yuiaii.
Haskakẽ nukũ Epa Deus inũ nukũ Shanẽ Ibu Jesusũ nuku merabewakĩ hau matu anu nuku nitxĩkĩ nuku yunushanũbũwẽ, nũ matu uĩ kanunã.
Haskama ha mae pepahaira hawẽrua nũ haska uĩriama txakabuma nai anu Deusũ hatu yubayama xinaĩ habianus hiweyunibukiaki. Haskakẽ habu katuni Deusũ ma hatũ maewã pewashuniwẽ taea Deus hatuki dakeama hatu xinaĩ: “Ẽ hatũ merabenã Yushĩki”, imiski.
Hamẽ hanu hatiara Israelĩ bababukiri ẽ ana hatukiri yubakairã, eska ẽ ishanaii. Hatiara haska ẽ hatube yubakai benairã, ana bemakis ẽ hãtxa ẽ hatu yunuamaki. Hanua hanu hatuki dasikatsi hatũ bushka anu ẽ hãtxa mistukĩ hatũ huĩti bena watã ẽ hãtxa hatuki kenea keska ẽ washanaii. Hanushũ habũ mekenika Deus ea ẽ ikaya habu enabu bena meribi kayabi ikubaĩshãkanikiki.
Hanu Deus hiwea anua Deusbe nuku habi hãtxashunika kayabi hawẽ daya akirã, haska hatu yusĩmaniwẽ taeshũ hatũ yusĩa nũ ikũwaiĩ. Txanima Deusbe nuku hãtxashũmistũ hatu dasibi binutã hanushũ tsuã ana itxakawatima anu Deusbe shanẽ ibukĩ hanu Deuski nukuti kayabi Deusũ besti ani anushũ nuku inũ hawẽ Epa Deus daewakĩ nuku haibunamemaikiki, ana sinatamamarã, hunibũ Templo wama ini anushunã.
Hawẽtxaĩs seteki dẽke iki betsa betsapai hãtxa nĩkatã hawẽ hãtxa kenẽnũ ishũ ẽ pewaya naiurishũri hui betsawẽ tsuãra ea yuikĩ: “Ha hawẽtxaĩs ha seteki dẽ iki betsa betsapai mĩ nĩkabiashurã, ha keneama hunewe, tsua yuiyamarã”, ea waya
ha hui nai anua tashniai ẽ nĩkaxinatũ ana ea yuikĩ: “Ha nai tsuma hawẽ tae betsa iãnẽwã bepaia hawẽ tae uke betsa maiki paiatũ una pixta sebi bepemana tsumaki nukushũ mebĩwẽ”, ea wa
hanua hui kuxipa nai anua kaĩaĩ ẽ nĩkaya yuikĩ: “Nukũ betsabu habũ ikũwaĩbu bariri inũ mexu merã Deus bebũshũ nuku hatu txitẽkĩ yuãmis ma putabuki. Pehairaki. Natiã Deus shanẽ ibuaya hawẽ bake Messias Jesus Cristo habe shanẽ ibukĩ hatũ kuxipahairawẽ nuku mekekĩ taewakanikiki, ha yauxikĩ ana hawenabu benutimarã.
Ha inũ, tsuabũra ea danãma habũ maemakĩ binumisburã, ea ẽ hatũ mekenika Deus ikaya habu ẽ bakebu na mae bena anu hawa benuama ebe hiwei ikibi ipakeshãkanikiki.
Ha inũ, Deusũ mae anu hawa yupukunãti hayamaki. Ha inũ, shanẽ ibu haki tsauti anua Deus inũ hawẽ bake txashuwã bake tsauwabũ ha mae merãshũ Deusunabũ habũ hatu kẽwãkubaĩshãkanikiki.
“Jesusũ haska wakĩ na mapubaunabu hatu pepawa Deus shanẽ ibu haki tsauti anu manishũ mexu merã inũ bariri Deus hanu hiwea anushũ duawakubainaibu Deusũ habu mekekubaĩshanikiki, xinã txãkaĩburã.