Apocalipse 21:4 - Kaxinawá Bíblia (BR)

⁴ Haskawẽ taea habu kashamisbu hatũ beũ tashka watã ana mawa hayama inũ, ana saĩ ikama inũ, kasha hayama inũ, isĩ hayama dasibi haska Deusũ hawẽ bika hiweti wani beshtekĩ ana ha hayama waki”, ikaya

Kashinawa : Diosun Jesúswen taexun yuba bena yiniki

⁴ Jaskawen taea jabu kaxamisbu jatun beun taxka watan ana mawa jayama inun, ana sain ikama inun, kaxa jayama inun, isin jayama dasibi jaska Diosun jawen bika jiweti wani bextekin ana ja jayama waki”, ikaya

Apocalipse 21:4 Referencias Cruzadas

Isaías 35:10

tsuabura Deusũ hawenawakĩ hatu binirã. Hawẽ maewã Sião anu hikibaini kãtai benibaĩshãkanikiki. Hari hikitã hiwea benimai heneama ipakeshãkanikiki. Haburã, benimai shinã txãkã bestishãkanikiki, haria ana kashai bika tenei eẽ ikama yamakaini pes dakashanikiki.

Isaías 60:20

Ea ẽ matũ Senhor Deus ẽ txasha ikibi ishanaiwẽ taea matũ bari hawa nuka taskama inũ matũ ushe hawẽ txasha keyui nukama ishanikiki. Hawara bika betsa betsapa mã tenekubaĩmis haskaitiã keyushãkanikiki.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Jeremias 31:12

Mati Sião anu bei benimai Israelĩ enabu kãtakubirãshãkanikiki. Senhor Deusũ hatu merabewa shekiwã trigo itxapa inũ, uva vinho inũ, piti sheni itxapa inũ, txashuwã nami itxapa inũ, ina awa nami itxapa hayawẽ taea benimahairakubirãshãkanikiki. Bai mibã bana uiã txa amis keska Israelĩ enabu hatũ kushipa hawa ana benuama ikubaĩshãkanikiki.

Jeremias 31:13

Txipashbu inũ, berunãbu inũ, anibubu benimai besi nawakubirãshãkanikiki. Nui kashabiaibũ hatu benimawakĩ isĩ tenẽbiaibũ benima pae inãkĩ nuitapabiaibũ ẽ hatu daewakubaĩshanaii.

Mateus 24:35

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

1 Coríntios 7:31

Haskarara na mai anu dayakĩ mabu hayai inũ mabu hayama mã haskai hiwearã, ana haska tibiwẽ benimayamakubaĩkãwẽ. Hatiara nukũ Shanẽ Ibu Jesus huaitiã na haska nũ haya tibi dasibi yamawashanikiki. Haska xinãkãwẽ.

2 Coríntios 5:17

Hanushũ tsuabũra Cristo ikũwaĩ haki nukui dasiayarã, habũ xinã sheni Deusũ betsa waya hawara mekĩ txakabuwamis henetã hatũ Shanẽ Ibu Cristo txibãnũ ika yura bena keskabuki.

2 Coríntios 6:17

ikaya kene betsawẽ ana habias hãtxawẽ Deus Yavẽ yuikĩ: “Habũ ea danaĩbu anua kaĩbaĩkĩ henebaĩkĩ ana txakabu mei atimapayamakãwẽ. Mã haskakũkainaya matuwẽ benimakĩ ẽ matu beyawashanaii,

Hebreus 12:27

Hakiri yuikĩ: “Ana bestiwakĩ ẽ ashanaii”, inirã, ha mai damiwani anua hamapai tibi maewakeaketã hanushũ hawara Deusũ abuai maewama hau betsama ipakeshanũbũ dasibi damiwani Deusũ ana patxa sakumaya hawara Deusũ mekekatsi ikama hamebi yamai keyushanairã, nũ tapĩtirubuki.

2 Pedro 3:10

Hawatiãra nukũ Shanẽ Ibu huirã, tsuã ana hakiri xinãmakẽ yumetsu hua keskanũbarikiaki. Hanua kanatũ itxakayamai keskawẽ nai anu yamawakĩ habũ tsumabauna txi kuxipahairawẽ menukĩ mai hirabiri damiwani kupikĩ yamawashanikiki.

1 João 2:17

Hanua yurabũ haska xinãkĩ abiamisburã, hatũ kemu paerã, keyukũkainikiki. Hakia xinã betsa watã haska Deusũ abumis aki hiwekubainaiburã, habe hiwekuĩshãkanikiki, ikibi ikirã.

Apocalipse 20:13

iãnẽwã batapa anua mawanibu inũ hanu mawabu bumisbu anua mawanibu habu Deusũ bestẽwãtã itxawashũ haskarara hiwekubainibu habu tibi unãti wakĩ pepabu inũ txakabubu hatu kupiaya

Apocalipse 20:14

hatũ hatu mawamanika inũ hanu mawabu bumisbu anu ha iã hanu menui here hi hi ikai anu hau dabeki mawakĩ menunũbũ hatu urẽa

Apocalipse 21:1

Ha haskaibutiã habu dukũ bari inũ, ushe inũ, bixi inũ, mai damiwani bepemanai shabakainaya iãnẽwã batapari hayamaya habiatiãri ana uĩkĩ nai bena inũ mai bena tashniriai ẽ uĩriaxinaki.

Apocalipse 22:3

Ha inũ, Deusũ mae anu hawa yupukunãti hayamaki. Ha inũ, shanẽ ibu haki tsauti anua Deus inũ hawẽ bake txashuwã bake tsauwabũ ha mae merãshũ Deusunabũ habũ hatu kẽwãkubaĩshãkanikiki.

Apocalipse 7:17

Ha inũ, txashuwã bake Deus shanẽ ibu haki tsauti namakis niatũ ũpash paisma pehaira txatxa hene hawẽ hiwemati haya anu hatu iyushũ amai hatũ mekenã ishanikiki. Hanushũ ha kashamisbu Deusũ hatũ beru beũ hene dasibi tashka washanikiki”, ea wa