2 Coríntios 6:16 - Kaxinawá Bíblia (BR)

¹⁶ Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”,

Kashinawa : Diosun Jesúswen taexun yuba bena yiniki

¹⁶ Januxun Dios kenwanti Templodan, januxun yushin dami betsa ja medanxun kenwantidubumaki. Nukun yudadan, januxun Dios jiwea kenwanti Templo keskaki. Jaska Diosun jamebi ibubiskidi yuini ninkakanwen: “Jabu anu jiwei jatube nikukaini ea en jatun mekenika Dios ikaya, jabudan, enabu ixankanikiki”,

2 Coríntios 6:16 Referencias Cruzadas

1 Reis 18:21

Israelĩ enabu dasibibu ma itxabu anu Elias hatu dapi kashũ yuikĩ: —Na shinã daberã, hatiã kaya mã ana taewabaĩshanai? Senhor Deusrã, hawẽ mekenika Yushĩ Kayabikenã, ha besti txibãkubaĩkãwẽ. Hakia Baalrã, hawẽ mekenika Yushĩ Kayabikenã, ha bestiri mã txibãkubaĩtirubuki. Haratura katukãwẽ, ha dabe txibãmarã— hatu wa ha yurabu hawa hãtxa betsa taska yuimabumakẽ

Êxodo 20:3

Haskakẽ hamapai yushĩ betsa betsapa duawakĩ kẽwãyamakubaĩshãkãwẽ, ea besti ẽ matũ Senhor Deuskirã.

Jeremias 31:33

Hawatiãra Israelĩ enabube eska ana yubakai ẽ benashanaii. Ẽ yusĩti hãtxa hatũ huĩti anu mistua keska wakĩ hatũ shinã merã ẽ kenea keska washanaii. Hatũ mekenika Deus ẽ ikũkaĩshanaii. Haburã, enabu ikubaĩshãkanikiki. Ea ẽ Senhor Deusũ ẽ hãtxa ẽ mestẽwaiĩ.

Ezequiel 36:25

Ũpash kayabi beshnahairawẽ matũ beya betsa betsapa detsis keska ẽ matu txukashanaii, mã yushibu dami kẽwaĩ mã atimapamis tibi matu tere akĩ keyukinã.

Ezequiel 36:28

Ha mai pakea betsa matũ shenipabu ẽ hatu ibuwamani anu ana mã hiwekũkaĩshanaii, mã hari ana hiwea mã enabuwẽ taea eari ẽ matũ mekenika Deus iriakũkaĩshanaii.

Mateus 16:16

Simão Pedrõ kemakĩ: —Miarã, Epa Deus hiweatũ bake mĩ nukũ mekenika Messias Cristoki— aka

Mateus 6:24

—Ha inũ, haratura dayarũ hawẽ shanẽ ibu dabe dayashũkĩ ha dabe merabewatirumaki, betsa abukĩ txibãkĩ betsa abuama danãkĩ nĩkamarã. Habiaskari wakĩ pei inũ Deusri txibãkĩ ha dabe haska washũ mã duawatirumaki— iwanã,

Lucas 5:36

ana hatu yusĩpakekĩ miyuiwẽ yuikĩ: —Ẽ yusĩanã, tari bena esteriama keskaki. Matu yusĩnũ nĩkakãwẽ. Tari sheni bashnekea tari bena tuash esteriama meshteshũ hawẽ tari sheni tsamĩa patsa estei ana bashnekei pikumiski. Hamẽ matũ yusĩanã, tari sheni bashnekea keskaki. Ẽ yusĩawẽ tsamĩa keska wakĩ matũ yusĩa ẽ pewatirumaki.

João 14:23

Jesusũ kemakĩ: —Tsuabũra ea abukinã, ẽ yusĩa hãtxa txibãkanikiki. Ẽ Epã hatu abuaya ea inũ ẽ Epa hua nũ hatuwẽ hiweshanaii.

João 6:56

Tsuabũra ẽ nami pi inũ ẽ himi akirã, ebe hiweaibũ eari hatube dasitã ẽ hiwekũkaĩshanaii.

Romanos 8:11

Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.

Romanos 8:9

Hakia natianã, Deusũ Yushĩ Pepa mã haya matuki dasishũ matu mekeaya txakabuki petxitã mã ana ha txibãmaki. Hamẽ tsuabura Jesusũ Yushĩ Pepa hayama haki dasiama Cristonabumaki.

Romanos 9:26

Ha inũ, habianushũs ana hatu yuikĩ: “Maturã, mã enabuma ibiani hakia ẽ matu katukẽ: ‘Mã Deus hiweatũ bakebu’, matu kenashãkanikiki”, aka nĩkatã Oséiasĩ keneshuniki.

1 Coríntios 10:21

Ha inũ, Deus kẽwãkĩ Jesus nuku mawashuni xinãmati nushuti akatsis ikĩ yushĩ dami betsa hawẽ kẽwãti nushuti inaĩbu ayamakãwẽ. Jesusũ yura xinãmati misi pikatsis ikĩ yushĩ dami betsa hawẽ kẽwãti inaĩbu piyamariakãwẽ. Haska inũ, ma Deus kẽwãbiai ana husikaĩ yushĩ dami betsa kẽwãtimahairaki, txakabu irumai keskairã.

Efésios 2:20

Haskakẽ mã ikũwaĩbu dasibirã, mã mixki hiwe keskabuki. Habu dukũtũ mixki hiwe wakatsi bepushkĩ buyamisbu keskarã, Jesusũ kuxipayabu inũ hawẽ hãtxa yuishunikabũ yusĩkĩ Jesus Cristokiri besti akaibu txanima Cristo hamebi hawẽ mestẽwãti kayabiki, mixki ewapa maratãshũ tsamĩkĩ mestẽwãmisbu keskarã.

Efésios 2:22

Ha dikabi maturã, Deusũ Yushĩ Pepa mã haya Cristoki dasiarã, mã hawẽ kẽwãti Templo keska Deus matube hiweikiki.

Efésios 3:17

Ha dikabi Cristo matube hiwea mã hayarã, hawẽ nui kayabiwẽ matu mestẽwãma mã hawẽ ikũwaĩnã, ha matũ huĩti merã xinãkĩ hau mã txibãkubainũbũ ẽ matu yukashũriamiski.

1 Timóteo 3:15

Ẽ yane katiruma xinãkinã, haskai Deus hiweatũ enabũ txanima hãtxa Jesus Cristokiri hatũ matu tsuma unãkĩ txanima hãtxa besti xinaĩ hawẽ nemakanaĩ haskai hiwei hau mekei penũbũ haskakiri mĩ hatu yusĩnũ bebũkiri ẽ mia kene bumaii.

2 Timóteo 1:14

Haska wakĩ Jesuskiri yusĩa mĩ tapĩni hau tsuã betsa wayamanũbũ Deusũ Yushĩ Pepa nukuki dasiatũ mia merabewaya hawẽ kuxipawẽ uĩrakubaĩwẽ.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 8:10

Hamẽ hanu hatiara Israelĩ bababukiri ẽ ana hatukiri yubakairã, eska ẽ ishanaii. Hatiara haska ẽ hatube yubakai benairã, ana bemakis ẽ hãtxa ẽ hatu yunuamaki. Hanua hanu hatuki dasikatsi hatũ bushka anu ẽ hãtxa mistukĩ hatũ huĩti bena watã ẽ hãtxa hatuki kenea keska ẽ washanaii. Hanushũ habũ mekenika Deus ea ẽ ikaya habu enabu bena meribi kayabi ikubaĩshãkanikiki.

Santiago 4:5

Matu xinãmakatsi ikĩ Deusũ hãtxa hakiri kenekĩ yuikĩ: “Deusũ Yushĩ Pepa nuku merã hiwemanitũ nuku yauxikĩ mekekubaĩmiski”, iwanã, yuikĩ hamẽ hakiri keneama iniki.

1 Pedro 2:5

Mã haskakũkainaya mã Jesus ikũwaĩbu dasibi mixki hiwe keska wakĩ hawẽ kẽwãti kayabi matu wakubainikiki, haskai duanamei mã ma haki dasiaburã. Matu dasibi mã Deusbe hãtxashunikaburã, mã hawenabu meribiki. Jesus Cristo mã ikũwaĩbuwẽ taeshũ haska Deusũ abuai akĩ mã Deus benimawakubainaii.

1 João 4:12

Tsuã Deus uĩpaunima inũ uĩtirumabiakẽ nukubu nũ abunameairã, Deus nukuki dasia nukube hiweaki. Nukube dasiawẽ taea ha nui txanima kayabi nũ hayaki.

1 João 4:15

Hamẽ tsuabũra yuikĩ: “Txanima Jesus Deusũ bake kayabiki”, ikaiburã, Deuski dasia hiweabu inũ Deus hatuki dasiriaki.

Apocalipse 2:1

ana Jesusũ ea yuikĩ: “Ha mae anu hatũ Deusũ hãtxa yuishunika Éfeso anua itxamisbu mekea na hãtxa ẽ mia yuiai keneshũriwe: ‘Ha sete bixi ẽ mekẽ yusiuri ẽ tsuma inũ haki bĩ tsaũti sete ouro mane txãkã daka namakis anu ẽ nimistũ na hãtxa ẽ matu yuiai nĩkairakãwẽ.

Apocalipse 21:3

shanẽ ibu haki tsauti anushũ hui kuxipawẽ yuiai ẽ nĩkaya: “Uĩa. Na maerã, haki, ha merã yurabube Deus hiwepakeshanairã. Hawẽ hatube hiweirã, hawenabubes ishanikiki. Deus ha besti habũ mekenika ishanikiki.

Apocalipse 21:7

Ha inũ, tsuabũra ea danãma habũ maemakĩ binumisburã, ea ẽ hatũ mekenika Deus ikaya habu ẽ bakebu na mae bena anu hawa benuama ebe hiwei ikibi ipakeshãkanikiki.