Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.
Apocalipse 21:23 - Kaxinawá Bíblia (BR) Ha inũ, ha maewã anurã, Epa Deus hawẽ kuxipawẽ txashahairamis inũ txashuwã bake bĩ keskai txashai hi imiskẽ ana bari inũ ushe hawẽ txasha ana habu hayamaki. Kashinawa : Diosun Jesúswen taexun yuba bena yiniki Ja inun, ja maewan anudan, Epa Dios jawen kushipawen chaxajaidamis inun chaxuwan bake bin keskai chaxai ji imisken ana badi inun uxe jawen chaxa ana jabu jayamaki. |
Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.
“Mikiri eska yui nũ kãtamiski: ‘Mae kesuakea Temã anua Deus ma huikiki. Mati Parã anua nukũ Deus meribi ma huikiki. Deus txashakapatũ nai hirabi txasha waya mai hirabi anushũ Deus kẽwaĩ hakiri kãtakubaĩmisbuki.
Hamẽ ẽ matũ Hutxi Kayabi Iuwarã, ẽ Epã kuxipaya Shanẽ Ibui hawẽ nai tsumabube ana hushũ tsuabũra ea txibaĩ hiwei pemisbu inũ txakabumisbu habu tibi ẽ hatu manakushanaii, pepa inũ txakabuwenã— iwanã
Haska inũ, tsuabura na yurabu txakabu bebunua eki inũ ẽ hãtxaki dakemisburã, ẽ Epã kuxipaya hawẽ nai tsuma pepabube hua habiaskariai ẽ hatuki dakeriashanaii— iwanã,
Harã, bĩ ewapa txasha keska nawa betsa betsapabũ uĩkĩ minabu Israelbu mĩ kuxipawẽ mĩ hatu duawai uĩriashãkanikiki”, akaya
Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.
Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.
—Epaã, mai damiwakĩ taewariama mĩ ea abukĩ ea txashakapa hawẽruawakĩ taewani mĩ habiaskari ea wai hau ebe hiwekĩ uĩshanũbũ habu mĩ ea yununi ebe hatu hiwemashãwẽ— iwanã,
ha bĩ txashapã ea beru nuka wakĩ ea mexu bepua ẽ ma bepeshebia ẽ uĩyamakẽ ẽ haibuaibũ metsũshũ Damasco anu ea iyunibuki.
Ha nawakĩ Deus inũ hawẽ bake txashuwã besti duawakĩ kẽwãkubainũbũ Deusũ habu ha dukũ inãkuĩ keska wakĩ habu dukũ katuniki. Haska Deus inãkuĩmisbu keska wakĩ habũ hatũ yura Deus inũ hawẽ bake inãbu hatu mekenibu habũ aĩbu betsabu txutabaunabuma pepa besti Deusũ txashuwã bake hanira kai anu habu hatxũ bushãkanikiki.
Ea haska watanaya nai tsuma betsa nai anua butukirãkĩ kuxipahaira haya hawẽ txashawẽ mai txashawakĩ
Hawẽ maewã txasharã, Deusũ shabawaki. Nẽkati betsa jaspe kasmai cristal karuhaira beshnã bixtu keska bakamanai txashamai ẽ uĩshuki.
Ha inũ, hawẽ beputirã, shaba ikibi ikawẽ taea bepẽmanaibi bepẽmanaki, hawa ana yame hayamawẽ taearã.
Hari hiweabu anu ana yame hayama inũ hanu hiweshũ nukũ Shanẽ Ibu Deus hatu hiwemakĩ hatu shabawashũkẽ habu habe shanẽ ibui heneama ipapakeshãkanikiki. Haskawẽ taea ana barĩ txasha inũ bĩmã txasha hayama ishãkanikiki.
hanushũ Deus tsauwa naxui ika namakis ha hiweabu dabe inũ dabe mapubaunabu inũ habianuri ha 24 mekenikabu tsaubaunabu anu ha namakis naxui ika txashuwã bake hawẽ yura txatxinibu mawa keska nia sete mashũyã inũ sete beruya ẽ uĩshuki. Txashuwã bake hawẽ sete berurã, ha hawẽ yushĩwẽ mai hirabi anu Deusũ hatu yusĩmakubainairã, haska ẽ uĩshuki.
Ha inũ, txashuwã bake Deus shanẽ ibu haki tsauti namakis niatũ ũpash paisma pehaira txatxa hene hawẽ hiwemati haya anu hatu iyushũ amai hatũ mekenã ishanikiki. Hanushũ ha kashamisbu Deusũ hatũ beru beũ hene dasibi tashka washanikiki”, ea wa