Apocalipse 14:4 - Kaxinawá Bíblia (BR)

⁴ Ha nawakĩ Deus inũ hawẽ bake txashuwã besti duawakĩ kẽwãkubainũbũ Deusũ habu ha dukũ inãkuĩ keska wakĩ habu dukũ katuniki. Haska Deus inãkuĩmisbu keska wakĩ habũ hatũ yura Deus inũ hawẽ bake inãbu hatu mekenibu habũ aĩbu betsabu txutabaunabuma pepa besti Deusũ txashuwã bake hanira kai anu habu hatxũ bushãkanikiki.

Kashinawa : Diosun Jesúswen taexun yuba bena yiniki

⁴ Ja nawakin Dios inun jawen bake chaxuwan besti duawakin kenwankubainunbun Diosun jabu ja dukun inankuin keska wakin jabu dukun katuniki. Jaska Dios inankuinmisbu keska wakin jabun jatun yuda Dios inun jawen bake inanbu jatu mekenibu jabun ainbu betsabu chutabaunabuma pepa besti Diosun chaxuwan bake janida kai anu jabu jachun buxankanikiki.

Apocalipse 14:4 Referencias Cruzadas

Jeremias 2:3

Israelĩ enabu ena wakĩ hatu pashkatã ẽ hatu meribi waniki, bimi pepa ha dukũ tsekashũ arumisbu keska wakinã. Tsuãra enabu itxakawakĩ hatu bika tenemaibu eã hatu kupishũriakĩ atimapa txakabu ẽ hatu anu yunupauniki. Ea ẽ Senhor Deusũ ẽ txanima hãtxawẽ ẽ mia mestẽwaiĩ”, ea waniki.

Amós 6:1

Sião anu hawa bika teneama mã hiwei pebiamisburã, mã peirashãkãwã! Samaria anu hawa dateama hatuki txiti ika mã hiwebiamisrã, mã peirashãkãwã! Matũ mae shanẽ ibu kushipabu yununikabũ Israelĩ enabũ mã hatu benamisburã, haburã, mã peirariashãkãwã!

Mateus 19:12

Huni bestibu hubushkuma kaĩyã ewatã txutatirubumaki. Ha inũ, huni bestibu hubushkuya kaĩyã ewai escravo dayaruwakĩ hubushku biabu txutatirubumariki. Hakia huni bestibu hubushkuya kaĩyã ewatã Deusũ hãtxa yusĩ besti dayakĩ txutaisbumariki. Tsuabura haska hiwetiruburã, hau hiwekubainũbũwẽ— nuku waya

Mateus 25:1

hanushũ miyui betsawẽ nuku ana yusĩkĩ yuikĩ: —Deus shanẽ ibui haskashanaikiri matu ana yusĩnũ nĩkakãwẽ. Txipaxbu mekẽ dabetibũ hatũ bĩ dekutã hatũ haibu beneyai anu haki habe nukui kakatsi hawẽ bene huai haki nukutã iyushunũ ika bai putxinĩ haki nukui ka maniabu keskanu Deus shanẽ ibushanikiki.

Mateus 8:19

Deusũ hãtxa kenenibu yusĩnanãmis betsa hushũ Jesus yuikĩ: —Yusĩnaã, hanira mĩ kai anu ẽ mia txibãkatsis ikaii. Mibe kapa?— aka

João 10:27

Ẽ txashuwanẽ ea unãkĩ ẽ hui nĩkakĩ ea txibãbainaibu eãri ẽ hatu unaiĩ.

João 12:26

Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,

João 13:37

Pedrõ ana yuikĩ: —Shanẽ Ibuũ, haskakĩ ẽ mia txibãtirumamẽ, ikisrã? Earã, ẽ mia mawashũtiruki, miwenã— aka

João 8:12

Templo hemaĩtĩ anushũ Jesusũ yurabu uĩkĩ mapuabu hatu yuikĩ: —Earã, mai hirabi ẽ bĩ txashahaira keskaki, hatu tapĩmanikarã. Tsuabũra ea nĩkatã txibaĩburã, ha bĩki nukui hiwea bena hayakanikiki. Haskawẽ taea hawa mexu merã ana biũma niama keska ishãkanikiki— hatu waya

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

1 Coríntios 16:15

Ẽ betsabu inũ ẽ puibuũ, Acaia mai pakea anushũ Estéfanas inũ habe hiweabũ habu dukũtũ Jesus ikũwãkĩ taewanibũ ikũwaĩbu dasibiwẽ nuikĩ hatu merabewakubaĩmisbu mã unaiĩ.

1 Coríntios 7:28

Hamẽ mã aĩyãriama aĩyaĩnã, hawa txakabumaki. Aĩbu beneyariama beneyariairã, hawa txakabumariki. Haskabia mã hanu biakanaĩtiãnã, mã bika tenetiru ẽ matu nematirubia haska mã ikatsis ikai ibubis katukĩ xinãkãwẽ.

2 Coríntios 11:2

Haska matukiri xinaĩ nui ẽ matu yauximisrã, ibubis ẽ yurawẽ matu yauxiama haska Deusũ matu abuai ea matu amamiski. Matu haska wakatsi ikĩ hawenabũ Cristo mã hawa heneyamashanũbũ ẽ haska matu yuiaii. Huni betsã hawẽ bake txipax tsuã pesariama huni betsa yubamis keska wakĩ eãri Cristokiri matu yusĩkinã, hawa txakabu hayama keska Cristo ẽ matu beismakatsis ikĩ ẽ matube yubakayamaki.

Efésios 1:14

Deusũ hawẽ Yushĩ Pepa matu inãkĩ haska bebũkiri matu yubakĩ nai anu habe matu hiwemakatsi matuki tanani hawẽ unãti mã ma hayaki, hawẽ Yushĩ Peparã. Haskakẽ hawatiãra nuku meneshũkĩ hawenabu nuku wanishũ nuku shabakabi bepẽshũ uĩmashanaiwẽ taeshũ dasibibũ Deusũ kuxipa pepa kẽwãkubainãkãwẽ.

Efésios 5:27

Cristo habũ nũ ikũwaĩbu pepahaira hawa detsis neama hawa tari txũpima ana hawa txakabu betsa tibi hayama nukũ hiwea sheni henetã pepa meribi besti haska hatũ besu uĩkatsis ikikiki.

1 Timóteo 4:3

Ha hunibũ yusĩanã, aĩyaĩ inũ beneyatikiri inũ piti betsa tibikiri piaibu nemamisbuki. Hakia Deusũ piti xarabu damiwani tsuabũra habũ Cristo ikũwaĩbũ txanima unãkĩ Deus kẽwãtã pitirububiakẽ ha piti betsakiri hatu nemamisbu habũ mesewakĩ yusĩaĩbu nĩkakĩ txibãshãkanikiki.

Hebreus 12:23

Habu dukũtũ Deus ikũwaĩ hawẽ bake ikubainibu ma hatũ kena nai anu hatu keneshũ netãni ha yurabu Deus hiweshuni pemisbu hatũ yushĩ Deus dasibi pewanikatũ ma hatu hawa txakabuma wayama Deus dapi ma haki kemani mapuabu nũ xinaiĩ.

Santiago 1:18

Ha inũ, Deusũ nuku haska wakatsis ikĩ hawẽ kakape txanimawẽ nuku hiwea bena inãniki. Nuku dami waniwẽ taeshũ nukũ dukũ hawẽ bake ikũwãkĩ nũ taewani nũ hayabuki.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

Apocalipse 17:14

txashuwã bakebe detenameshãkanikiki. Hakia txashuwã bake Jesus Cristo dasibi shanẽ ibubu inũ dasibi yununikabu binukĩ keyumiswẽ taeshũ habu Deusũ katushũ hatu kenani txĩtuĩsbumabetã ha dez shanẽ ibubu maemashãkanikiki, nukũ Shanẽ Ibu Jesus Cristobetanã”, ea watã

Apocalipse 21:22

Ha inũ, Deusũ maewã bena hirabi anushũ Epa Deus Shanẽ Ibu binu keyua inũ hawẽ bake txashuwã habu kẽwãkubaĩmisbuwẽ taea hawẽ kẽwãti hiwe hayama ẽ uĩshuki.

Apocalipse 21:23

Ha inũ, ha maewã anurã, Epa Deus hawẽ kuxipawẽ txashahairamis inũ txashuwã bake bĩ keskai txashai hi imiskẽ ana bari inũ ushe hawẽ txasha ana habu hayamaki.

Apocalipse 3:4

Habiaskabiakẽ hatiri Sardes anuabũ hawa txakabuwakĩ mã kaneisbumaki, matũ tari detsis keska wamarã. Haburã, ebetã tari hushupa sawea ebe mapushãkanikiki, haska habu pepakĩ binumisburã.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ