Apocalipse 7:17 - Kaxinawá Bíblia (BR)

¹⁷ Ha inũ, txashuwã bake Deus shanẽ ibu haki tsauti namakis niatũ ũpash paisma pehaira txatxa hene hawẽ hiwemati haya anu hatu iyushũ amai hatũ mekenã ishanikiki. Hanushũ ha kashamisbu Deusũ hatũ beru beũ hene dasibi tashka washanikiki”, ea wa

Kashinawa : Diosun Jesúswen taexun yuba bena yiniki

¹⁷ Ja inun, chaxuwan bake Dios xanen ibu jaki tsauti namakis niatun unpax paisma pejaida chacha jene jawen jiwemati jaya anu jatu iyuxun amai jatun mekenan ixanikiki. Januxun ja kaxamisbu Diosun jatun bedu beun jene dasibi taxka waxanikiki”, ea wa

Apocalipse 7:17 Referencias Cruzadas

Salmos 22:26

Habu nuitapabiai keĩsbumã pikĩ yaniwai pepeshãkanikiki. Matubũ mã Senhor Deus benairã, haki nukutã mã kẽwãshanaii, bari itxapa hiwekũkaĩkinã.

Salmos 23:5

Eki sinataibu bebũshũ piti sharabu mĩ ea pewashũmiski. Sheni inĩti pepawẽ ẽ bushka mĩ ea mashu amiski, ea duawakinã. Ẽ kẽtxaki nushuti pepa matawakĩ mĩ ea bupakemashũmiski.

Isaías 35:10

tsuabura Deusũ hawenawakĩ hatu binirã. Hawẽ maewã Sião anu hikibaini kãtai benibaĩshãkanikiki. Hari hikitã hiwea benimai heneama ipakeshãkanikiki. Haburã, benimai shinã txãkã bestishãkanikiki, haria ana kashai bika tenei eẽ ikama yamakaini pes dakashanikiki.

Isaías 40:11

Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.

Isaías 49:9

Habũ matu bitxinibu keska hatu yuikĩ: ‘Mã ma hatishũ bika teneshinaki. Ana hawama tashnirikãwẽ.’ Mã meshu merã mapua keskaburã, ana hawaki dateama kaĩbaĩshãkãwẽ. Bai tibiwẽ bukĩ piti tibiki mã nukushanaii. Hanu tsua hiweabumanu mati tibi anuari matũ inabu piti hayashãkanikiki.

Isaías 60:20

Ea ẽ matũ Senhor Deus ẽ txasha ikibi ishanaiwẽ taea matũ bari hawa nuka taskama inũ matũ ushe hawẽ txasha keyui nukama ishanikiki. Hawara bika betsa betsapa mã tenekubaĩmis haskaitiã keyushãkanikiki.

Isaías 65:19

Jerusalém ibubis ẽ bena washinawẽ taea ẽ benimahairashanaii, hanu enabu shinã txãkaĩ ea hiweshũshanaiburã. Ha mae meranuarã, ana hawa kashai inũ bibiski iki bika teneaibu ana tsuã hatu nĩkama ishanikiki.

Jeremias 2:13

Israelĩ enabu ẽ hatu ibuwabiani itxapahairaki txakabui keshtunibuki. Ẽ hatũ hiwemati txatxa ũpash keskabiakẽ ea henebainibuki. Haskakĩ hatumebi mishki pukĩtã ũpash aruti keska wabia ibubis pesetã hani ana ũpash matati hayama keskai yushibubu kushipa hayama dami watã txibãkubainibuki.

Miquéias 5:4

Ha huni kaini ewatã shanẽ ibu kaĩkĩ hawenabu mekekatsi hawẽ mekenika Senhor Deusũ kushipawẽ hawenabu mekekubaĩshanikiki, nuku unanuma hiwemakinã. Mai hirabi kesua anushũ Senhor Deus kẽwãkubainaibuwẽ taeshũ

Miquéias 7:14

Mai pepa kesua anu hi shukua anu txashuwã huĩrukũmisbu keskai minabu hau tari hiwekubaĩshanũbũ mĩ aniki. Senhor Deusuũ, ha minaburã, hatu mekeshũ uĩrakubaĩshãwẽ. Mae Basã inũ mae Gileade anu basi pepa anu hatũ shenipabu mĩ hatu iyuni keska wakĩ pepas anu hatu ana iyushãwẽ.

Mateus 5:4

—Ha inũ, tsuabũra hatũ huĩti nixma kashakatsis ikaibuwẽ taeshũ Deusũ hatu xinã txãkãwã benimapaketi xinaĩ benimakubaĩkanikiki.

João 10:11

Earã, ẽ matũ mekenã pepaki. Mekenã pepatunã hawẽ txashuwã mekei yauxi mawashũtiruki.

João 10:14

Haska inũ, Ẽ Epã ea unãnũ eãri ẽ Epa ẽ unaĩ keska wakĩ enabu txashuwã keskabu ẽ hatu unãyã habũri ea unãkanikiki. Haskakẽ ẽ mekenã pepawẽ taea enabu txashuwã keskabu ẽ hatu mawashũtiruki.

João 4:10

Jesusũ yuikĩ: —Hawara Deusũ mia inãkatsi ikai inũ tsuãra mia ũpash yukai unãkĩ mĩ ea yuka ũpash netsuisma ẽ mia inãkeãshuki— aka

João 4:11

aĩbũri yuikĩ: —Shanẽ ibuũ, na ũpash kini pukĩkinã, nukũ shenipabu Jacõ anishũ hawẽ bakebu inũ hawẽ inabubetã apauniburã, nuku heneshũbainiki. Haska nuku ashũbainiwẽ taeshũ nukũ shenipabu Jacó kuxiparã, mĩ binũamẽ? Ha dikabi na kini keyatapahairaki. Xumu inũ dispi txaipa mĩ hayamaki. Ũpash netsuismarã, hania hawawẽ bitã mĩ ea inãtirumẽ?— aka

João 4:14

—Hakia tsuabũra ũpash ẽ inaĩ atanã, ana tetsusini manuama ishãkanikiki. Habu tibi merã txatxa ũpash netsuisma keskatũ hatu hiwekuĩmashanikiki, ikibi imakinã— aka

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

1 Pedro 5:2

Deusũ enabu txashuwã keska matube hiweabu Deusũ matu yununi hatu mekeirakubaĩkãwẽ, mã haska pe xinãkĩ hatu merabewakatsi ikairã, haska Deusũ abuai keska wakinã. Hatu yunu bestiama inũ pei binũ ika kemuama hakia xinã tibi wama pe bestiwẽ nuikĩ hatu pe mekekĩ ashũkubaĩkãwẽ.

Apocalipse 14:4

Ha nawakĩ Deus inũ hawẽ bake txashuwã besti duawakĩ kẽwãkubainũbũ Deusũ habu ha dukũ inãkuĩ keska wakĩ habu dukũ katuniki. Haska Deus inãkuĩmisbu keska wakĩ habũ hatũ yura Deus inũ hawẽ bake inãbu hatu mekenibu habũ aĩbu betsabu txutabaunabuma pepa besti Deusũ txashuwã bake hanira kai anu habu hatxũ bushãkanikiki.

Apocalipse 21:22

Ha inũ, Deusũ maewã bena hirabi anushũ Epa Deus Shanẽ Ibu binu keyua inũ hawẽ bake txashuwã habu kẽwãkubaĩmisbuwẽ taea hawẽ kẽwãti hiwe hayama ẽ uĩshuki.

Apocalipse 21:23

Ha inũ, ha maewã anurã, Epa Deus hawẽ kuxipawẽ txashahairamis inũ txashuwã bake bĩ keskai txashai hi imiskẽ ana bari inũ ushe hawẽ txasha ana habu hayamaki.

Apocalipse 21:4

Haskawẽ taea habu kashamisbu hatũ beũ tashka watã ana mawa hayama inũ, ana saĩ ikama inũ, kasha hayama inũ, isĩ hayama dasibi haska Deusũ hawẽ bika hiweti wani beshtekĩ ana ha hayama waki”, ikaya

Apocalipse 21:6

ana ea yuikĩ: “Dasibi haskashanai ẽ yuinirã, ma ẽ akĩ keyuaki. Ea dukũ ẽ ini inũ niti ikama ẽ hiwepakeshanaii. Tsuabũra ũpash akatsis ikĩ manuaibu keska ea anu beaibu ẽ hatu hiwea inãshanaii, hawa hatu pakamamarã.

Apocalipse 22:1

Hanushũ shanẽ ibu haki tsauti Deus inũ txashuwã bake haki tsauwabu anua hene hiwekuĩa haya kawana beshnã pehaira bishtu keska nai tsumã ea uĩmashuki.

Apocalipse 4:11

“Dasibi damiwakĩ mĩ xinãwẽ hamapai dasibi mĩ damiwani mĩ nukũ Shanẽ Ibu inũ mĩ nukũ mekenika yushĩ Deuski. Haskawẽ taeshũ mia besti kẽwãkĩ nũ mia duawakubainaii”, akaibu uĩkĩ ẽ matu keneshunaii.

Apocalipse 5:6

hanushũ Deus tsauwa naxui ika namakis ha hiweabu dabe inũ dabe mapubaunabu inũ habianuri ha 24 mekenikabu tsaubaunabu anu ha namakis naxui ika txashuwã bake hawẽ yura txatxinibu mawa keska nia sete mashũyã inũ sete beruya ẽ uĩshuki. Txashuwã bake hawẽ sete berurã, ha hawẽ yushĩwẽ mai hirabi anu Deusũ hatu yusĩmakubainairã, haska ẽ uĩshuki.