2 Timóteo 4:5 - Kaxinawá Bíblia (BR) Hamẽ mia ikirã, dasibi mĩ xinãnẽ mekei pekĩ bika tenebiai Jesus Cristokiri kakape datã akĩ hatu yuikĩ daya pepa ẽ mia yunubainai xinã betsa wama hatu yusĩkubaĩshãwẽ. Kashinawa : Diosun Jesúswen taexun yuba bena yiniki Jamen mia ikidan, dasibi min shinanen mekei pekin bika tenebiai Jesucristokidi kakape datan akin jatu yuikin daya pepa en mia yunubainai shinan betsa wama jatu yusinkubainxanwen. |
Senhor Deusũ hawẽ uinika matu washũtã hatu nitxĩtã Israelĩ enabu yuikĩ: “Matuki sinataibu beaibu matu unãmakĩ ha uinikatũ hawẽ trombeta txã txã akaya nĩka besti mapuyamakubaĩshãkãwẽ”, hatu wa hakia ha hunibũ kemakĩ ea yuikĩ: “Hawẽ unãmati nuku haskawẽ txaniai nũ ana nĩkakatsi ikamaki”, ikaibũ
“Miarã, Israelĩ enabũ hatũ txaninika ẽ mia waii. Hanushũ haska ẽ hãtxa bebũkiri ẽ mia yuia hatu unãmakĩ ea hatu banabimashũkubaĩshãwẽ.
ha unãnepa 5.000 inãbaĩxina hawa txikixama dayai inãnanãkĩ ana 5.000 hawẽ shanẽ ibu bishũkubaĩkĩ itxawashunaya
Haska inũ, huni txai kakĩ hawẽ tsumabu hawẽ daya tibi hawẽ hiwe anu yunuakeaketã hiwe beputi keshemis yunutã bumisbu keska wakĩ ẽ matu yunubaĩkĩ akawaii.
ẽ matu yuiai hakimama uĩrakubaĩshãkãwẽ, habiaskariai dasibibuki ẽ hatuki txaniriairã— hatu anikiaki.
Hanũkaĩ hatiã huimẽkainã? yamenapũ kasmai takara keui taeaya kasmai hiwe ibu hukĩ hawẽ tsuma ushabuma betxituxiaya hawẽ tsumabu benimahairashãkanikiki. Hanushũ hiwe ibũ hawẽ tsumabu duawakĩ hau habetã pinũbũ hatu bashti imatã hatu pimashanikiki.
hanua mexukiri Paulobe bestẽkaini ana kai Cesaréia anu hikitã Jerusalém anushũ ha sete merabewanikabu wakĩ hatu katunibu betsa hawẽ kena Filipẽ Deusũ hãtxa hatu yuikubaũmistũ hiwe anu hikitã haki bai nũ hanu iyukẽ
Deusũ Yushĩ Pepatũ kuxipawẽ hawara atimaska yurabũ atirubuma dami betsa betsapa haskabiamawakĩ ea wama ẽ akeakeaya hawẽ taea kuxipakĩ kakape Jesus Cristokiri hatu yusĩkinã, haska Israelbuma betsa betsapaburi ẽ hatu txibãmakubainima besti ẽ matu yuiaii. Hanushũ taewakinã, Jerusalém mae anushũ ẽ taewaxina mae tibi iake iaketãkaini hari mai pakea betsa Ilírico anu ẽ txĩtũtãyamaki.
Ha haska hamebi huyamashũ betsabu hawẽ kuxipayabu hatu wakĩ betsabu hawẽ hãtxa yuishunikabu hatu wakĩ betsabu hakiri kakape txanikubaunikabu hatu wakĩ betsabu yusĩnanaĩ mekenikabu hatu watã hatu yunuakeakebainiki.
Hatu haska wabaĩkĩ hawenabũ hawẽ daya tibi hau ashunũbũ hatu pewatã hatu yunubainiki, hau kuxipanamei haska Deusũ abuai hakiri ana tapĩ Cristõ yurai nũ mestenepakubainũbunã.
Ha inũ, Deusũ hãtxarã, dasibi hiwebaunabu ẽ hatu yuikubaũshanũ ea katutã ea yununi haskawẽ taea mã Cristo ikũwaĩbu matuwẽ nuikĩ ẽ matu merabewakubaĩshanũ Deusũ hawẽ tsuma ea matu washuniki.
Ha inũ, Arquipo yuikĩ: “Nukũ Shanẽ Ibu Jesus Cristõ mia katushũ hawẽ daya mia yununi hawa kaneama hau pe dayashũkũkaĩnũ”, ea yuishũshãkãwẽ.
Nũ haskawẽ taearã, yura betsabu hawa unãma ushamisbu keskama txikixyamakubainãkãwẽ. Hakia ibubis mekekĩ pe besti xinãkĩ haska Jesusũ mia abuai keskai txibãkĩ manakubaĩkãwẽ.
Mĩ berunã huni ewariamabiatũ mĩ hatu yusĩaĩ hau mia danãyamanũbũ pe bestikũkaĩwẽ. Ha inũ, mĩ hãtxa pe tashnimakĩ duapai hatuwẽ nuikĩ Jesus Cristõ yusĩa ikũhairawakĩ mĩ ikũwaĩ hatu uĩmawe, hau haskariakĩ yura betsã ikũwãtã hiweriakubainũbũ ikũwaĩbu hatu yusĩkubaĩwẽ.
Haskai mimebi ana unãnepai xinã pepakũkaini dasibibũ hau mia uĩnũbũ daya betsa akama mĩ kuxipa hirabiwẽ hatu yusĩkubaĩwẽ.
Mia haska washuniwẽ taea nukũ Shanẽ Ibukiri yusĩ hakiri hãtxai haki dakeyamakũkaĩwẽ. Ha dikabi, hawẽ taeshũri nenu ea bitxiabuwẽ taea ewẽri taea ekiri hãtxairi ewẽ dakeyamariawe. Dateama eskakũkaĩwẽ. Deusũ nuku kuxipa wakubaĩmiswẽ taeshũ Jesus Cristo mekenãkiri kakape nũ hatu yusĩayã nuku itxakawaibuwẽ taeshũ miari bika tenemabiabu hatuwẽ dateama Deusũ kuxipayashũ yusĩkĩ heneyamawe.
Haskakẽ tsuabura Deusũ katunibu Jesus Cristo ikũwaĩ pepai hau hatũ txakabuwẽ Deusũ hatu kupiama hatu pashawakĩ piskuma hau hawẽ kuxipa ikibi ikanu hau hanu hiweriashanũbũ natiã ea hiweyushũ ẽ hatu bika teneshũyuaii.
Hamẽ mia ikirã, soldado keskai hiwewe. Haskakĩ ẽ ikai keska hiwekĩ Jesus Cristo mĩ ikũwãyã mia itxakawabiabu Jesus Cristõ tsuma pepai nuitapabiai bika tenei hiwekũkaĩwẽ.
Ẽ haibuaibũ ea henebiabainabũ hawẽ binuti Jesus Cristokiri hawẽ kaka pepa hawẽ pashatikiri ẽ hatu yui keyuaya judeubuma dasibibũ hau nĩkanũbũ nukũ Shanẽ Ibũ ea heneama ea kuxipa washũ hatu daewakĩ mese anua ea piskumaimaki, ea haska nukũ Shanẽ Ibũ hatu binumakĩ inu keneya pĩtsi keshea keska anua ea binumakinã.
Ha inũ, matu yusĩkĩ mekekubainaibu hatũ yusĩa nĩkatã hatuki txiti ikĩ txibãkubaĩkãwẽ. Haska matu putama hawa huĩrukuãma mekekubaĩmisbu habiaskari Deusũ unãkĩ hatu manakumiski. Ha inũ, hatũ daya itimaska wama nĩkahairakĩ mã hatu benimawakubaĩtirubuki. Hakia nĩkama mã hatu itimaska wakĩ mã hawa tapĩkĩ pewai kaĩtirubumaki.
Jesus Cristo mã ikũwaĩwẽ taea ana tatimama dasibi matũ xinã mestẽwãtã haskaki txiti itã dateyamakubaĩkãwẽ. Jesus Cristo ana hushanai manakakĩ Deusũ hawẽ pepawẽ matu duawashanai ikũwãkĩ haskakiri besti manayukubaĩkãwẽ.
Hanua haska Deusũ matu xinãmakĩ hawẽ hãtxa matu txibãmakatsis ikai txibãkĩ mã keyuriamahaira unãkĩ matu yununũ nĩkakãwẽ. Ẽ hãtxa unãhairabiakĩ mã akĩ pewamaki. Ana txibãma mã hakimakĩ mã ma heneaii, mawai keskairã. Mã tsuabura haskarã, usha besteĩ keskatã matũ huĩtinĩ xinã mestẽwãtã ana ẽ Deus txibãhairakubaĩkãwẽ.