1 Pedro 1:13 - Kaxinawá Bíblia (BR)

¹³ Jesus Cristo mã ikũwaĩwẽ taea ana tatimama dasibi matũ xinã mestẽwãtã haskaki txiti itã dateyamakubaĩkãwẽ. Jesus Cristo ana hushanai manakakĩ Deusũ hawẽ pepawẽ matu duawashanai ikũwãkĩ haskakiri besti manayukubaĩkãwẽ.

Kashinawa : Diosun Jesúswen taexun yuba bena yiniki

¹³ Jesucristo man ikunwainwen taea ana tatimama dasibi matun shinan mestenwantan jaskaki chiti itan dateyamakubainkanwen. Jesucristo ana juxanai manakakin Diosun jawen pepawen matu duawaxanai ikunwankin jaskakidi besti manayukubainkanwen.

1 Pedro 1:13 Referencias Cruzadas

1 Reis 18:46

habiatiãri Senhor Deusũ Elias kushipa inãyã hawẽ tari txaipa binibirã hawẽ txinesheketiki usũtã kushikaĩkĩ Acabe binũbaini Elias dukũ Jezreel anu hikikẽ,

2 Reis 4:29

hawẽ shinã unãtã hawẽ merabewanika Geazi Eliseũ yunukĩ yuikĩ: —Hawaira petã kushikaĩkĩ ẽ mestẽti bibaini hawẽ hiwe anu katãwẽ. Tsuarakira mĩ nukua habe hãtxakĩ yukayamabaĩtãwẽ. Tsuãra mia yukai habe hãtxakĩ kemayamawe. Hawẽ hiwe anu hikitã hawẽ bake daka anu ẽ mestẽti hawẽ besu anu hanatãwẽ— aka Geazi hawairakaini kaya

Jó 38:3

“Mĩ kushipawẽ hawa dateama mĩ ea ikũhairawamisrã, ea uĩmawe, na yukati tibi ẽ mia yukai ea kemakinã.

Jó 40:7

“Natiã haska mĩ kushipamis ea uĩmariwe, na yukati tibi ẽ mia yukai ea kemakinã.

Êxodo 12:11

Senhor Deusũ kushipa shinãti piti mã besikĩ piairã, tari sawe pewatã inũ bitxi tae sawetã inũ matũ mestẽti tsumatã kaĩbaĩkatsi hawaira pishãkãwẽ, Senhor Deusũ Páscoa shinãkĩ pikinã.

Isaías 11:5

Tari saweaki hawẽ nanesheketi sawekĩ mestẽwã keska wakĩ yunuti kushipa pepa inũ hãtxa txanima sawekĩ akawashanikiki.

Jeremias 1:17

Miarã, ibubis kushipawe, hawa dateamarã. Hatu anu kashũ ẽ hãtxa dasibi mia yuikĩ ẽ mia yunushu hatu yuikubaĩtãwẽ. Haska ẽ mia yunuai mĩ betsa waya hatu bebũshũ ẽ mia saki saki imatiruwẽ taea hatuwẽ dateyamashãwẽ.

Mateus 20:4

hatu yunukĩ: “Matũri ẽ bai anu ẽ bimi ea tsekashũtãkãwẽ, bari kai hikiaya ẽ matu paka pewairã”, hatu wa buabũ

Lucas 12:35

Jesusũ hatu yusĩkubaĩkĩ ana yuikĩ: —Tari pekariama inũ bĩ nukawariama keskashũ mã ea manakubaĩshanũ bebũkiri matu yuinũ nĩkakãwẽ.

Lucas 17:30

Habiaskariai matũ Hutxi Kayabi Iuwa ẽ huai yurã kaiãnẽ ea xinãkĩ manabumakẽ ẽ hatu habiaskari wakĩ kupishanaii.

Lucas 17:8

Mã haska waismaki. Yuikĩ: “Bari kaya nũ pinũ bawa taewawe, eã dukũ ẽ piaya txipu mĩ tari betsa sawetã miãri mĩ piairã”, akĩ matũ dayaru mã pe yunumiski.

Romanos 13:13

Haska inũ, hawara txakabu hune ana akama nukũ hiwea shabakabi hatu uĩmai pe besti hiwenãkãwẽ, eska tibi ana akamarã, piti pepa kemutapa itxawatã pitxakayamamarã. Haska inũ, ana paẽyamanãkãwẽ. Kemui ana txutanamebaũyamanãkãwẽ. Hamapai txakabu abui kemui hawẽtxaĩs hakiribis ayamakubainãkãwẽ. Ha inũ, hawarakiri ana txitenamei ha iyamanãkãwẽ. Ha inũ, hawara yura betsa haya uĩ haki sinayamariakubainãkãwẽ.

Romanos 8:19

Mai hirabiki dasibi habu Deusũ damiwani: “Haratu hawẽ bakebu kayabimẽkaĩ?” ishũ shabakabi uĩkatsis ikĩ hĩ hĩ itxakayamakĩ manakanikiki.

1 Coríntios 1:7

Haskakẽ mã Deus ikũwaĩbũ hamapai hawẽ aka tibi Deusũ matu inãkubainai hayatã mã ashũkubaĩmiswẽ taea nukũ Shanẽ Ibu Jesus Cristo naiuria ana butuai mã uĩshanai mã manakubainaii.

1 Coríntios 13:13

Ha inũ, na xinã dabe inũ besti keyuismaki, ikũwaĩnã, yubakani dateama manatirã, nuikipa kayabirã. Na xinã dabe inũ besti hatũ binu keyuarã, nuikipa kayabiti bestiki.

Efésios 6:14

Hanua hãtxa txanima besti yuikĩ hawa dateama mestẽwãkãwẽ. Haska wai nũ pe hiweabu Deusũ nuku mekekubaĩmiski.

Colosenses 3:4

Haskawẽ taea Cristo shanẽ ibui benima paeya ana huaya maturi habiaskariai mã habe benimatxakayamashanaii. Cristorã, habia matũ hiwea kayabiki.

2 Timóteo 4:5

Hamẽ mia ikirã, dasibi mĩ xinãnẽ mekei pekĩ bika tenebiai Jesus Cristokiri kakape datã akĩ hatu yuikĩ daya pepa ẽ mia yunubainai xinã betsa wama hatu yusĩkubaĩshãwẽ.

2 Timóteo 4:8

Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.

Hebreus 10:35

Haskawẽ taeshũ mã ikũwaĩnã, benuyamakãwẽ, mã ma haki txiti ika bika tenemiswẽ taeshũ matu itxapa manakushanikiki.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 6:19

Na haska ikũwãkĩ nũ manakaiburã, nukũ yushĩ nũ ma mestẽwãbuki, hawẽ shashu tsumakĩ mai betãti shãkama putakĩ mestẽwãkĩ mai pus amamisbu keska wakinã. Nukũ xinã haska mestẽwãwẽ taea Jesusũ ma nuku pewashuni anu hawa dateama nukũ Deus meribi anu nũ kematiruki.

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

1 Pedro 1:10

Haska wakĩ Deusũ matu duawakĩ yunushanaikiri hawẽ hãtxa yuishunikabũ Messiaskiri bebũkiri itxakawabu nuitapatã hatu maemashanaikiri Cristõ Yushĩnĩ hatu unãmaya Deusũ hatu kenema habũ ibubis tapĩnũ ishũ benahairakĩ xinaĩ: “Tsuamẽ? Hatiã haskashanimẽkaĩ?” ikubainibukiaki.

1 Pedro 3:15

Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,

1 Pedro 4:7

Hanua na mai keyui ma kemaya ana tatimama matũ xinãnẽ pe mekei unãnepai txanima kayabi Deusbe hãtxai heneyamakubaĩkãwẽ.

1 Pedro 5:12

Nukũ betsa Silvano txĩtuĩsma ẽ yunua na ẽ hãtxa eskarabes matu keneshũshu ẽ matu anu bumai nĩkakĩ uĩshãkãwẽ. Na haska Cristo ikũwãkĩ hawẽ matu nuimai mã ikairã, txanima Deus matuwẽ nuikĩ hawẽ pepa matu uĩmaikiki. Haskakẽ hawa txĩtuĩ niti ikama mã ikubainũbũ matu merabewakĩ keneshũkĩ ẽ matu yusĩshu inũ ẽ matu mestẽwãshu hawẽ taeshũ Deusũ pepa bikubaĩkãwẽ, ha nui pae mã hayawẽ taearã.

1 Pedro 5:8

Inu keneya pĩtsikĩ yuinaka atxitã pinũ ika benabauni pubeĩ hãsh hãsh iki tekerẽ tekerẽ imis keskakĩ diabo Satanásã matu beparãtã matu maemanũ ishũ benakubaũriaikiki. Haskawẽ taea ibubis pe mekekĩ hamapai txakabu ana meama hanũ bestẽtã uĩrakubaĩkãwẽ.

1 João 3:3

Na haska dasibi hakiri xinãkĩ nũ manaiburã, nukũ xinã txakabu haki petxi nũ pepa bestikatsis ikĩ nũ benakanaii, Jesus Cristo pepani keskanũ ikarã.