1 Pedro 1:12 - Kaxinawá Bíblia (BR)

¹² Ha Messiaskiri hatu txanimakĩ hau Deusũ hãtxa yuishunikabũ ibubis Deusũ yusĩa nĩkatã hakiri hatuna besti watirubuma Deusũ habu txipu hiweshanaiburi hau habũri hakiri unãshanũbũ, iwanã, habu matu kenemashuniki, matu merabewakinã. Messias Cristokiri kakape matu unãmakatsi ikĩ hawẽ Yushĩ Pepa naiuria yunua hanushũ Jesuskiri yusĩnã betsabũ hakiri datã akĩ matu unãmakubaunibuki. Na habias kakape matu yusĩaĩbu Deusũ nai tsumabũri ana tapĩpai iriakanikiki.

Kashinawa : Diosun Jesúswen taexun yuba bena yiniki

¹² Ja Mesíaskidi jatu chanimakin jau Diosun jancha yuixunikabun ibubis Diosun yusian ninkatan jakidi jatuna besti watidubuma Diosun jabu chipu jiwexanaibudi jau jabundi jakidi unanxanunbun, iwanan, jabu matu kenemaxuniki, matu medabewakinan. Mesías Cristokidi kakape matu unanmakatsi ikin jawen Yushin Pepa nai anua yunua januxun Jesúskidi yusinan betsabun jakidi datan akin matu unanmakubaunibuki. Na jabias kakape matu yusiainbu Diosun nai tsumabundi ana tapinpai idiakanikiki.

1 Pedro 1:12 Referencias Cruzadas

Provérbios 1:23

Ẽ matu yusiaĩ ea nĩka pewai bekãwẽ. Ẽ matu nemaya mã ea nĩka pewaya ẽ shinã ẽ matu atximashanaii.

Isaías 32:15

Senhor Deus dasibi damiwanikatũ hawẽ kushipa ana nuku anu yunua huaya hanu hawa mibã hayamabiakẽ betsa maewakĩ mai anu dayati pepa wakĩ hanu mibã pepa benemis anu ana bimihairati hayashanikiki.

Isaías 53:1

haska nũ nĩkairã, tsuã ikũwãtirumẽ? Senhor Deusũ hawẽ kushiparã, tsua shabakabi ma uĩmaimamẽ?

Daniel 2:19

habias meshu merã uĩmakĩ shanẽ ibũ nama inũ haska ishanai yuiti Deusũ Daniel unãmakĩ keyukẽ haskawẽ taeshũ nai anua Deus kẽwãkĩ

Daniel 2:22

Hawara tapiã bika huĩti uke merã inũ hawara hunea unãmakĩ keyumiski. Hamapai meshu meranua unã keyuikiki. Shabarã, habia habe ketashameaki.

Daniel 2:47

Nabucodonosorĩ Daniel yuikĩ: —Na nama hunea tsuã atiruma ẽ mia hawa unãmakĩ yuiamabia mĩ ea tapĩmashũwẽ taea txanimahaira matũ mekenika Deus kushipakũkaĩkĩ yushibubu dasibi binuhairaikiki. Shanẽ ibubu dasibibũ shanẽ iburiki, hawara hunea hãtxa unãmamisrã— atã

Joel 2:28

Senhor Deusũ ana hatu yuikĩ: “Na eska binukainayarã, ma bari hawẽ henei kaya ẽ Yushĩ Pepa yura dasibi hiwebaunabu anu ẽ hatu yunua hatu atxishanikiki. Matũ huni bakebu inũ matũ aĩbu bakebu ekiri hãtxabaũshãkanikiki. Mestebu inũ yushabubu namawẽ haska ishanai uĩshãkanikiki. Berunãbu inũ txipashburi nama keskawẽ haska ishanai ẽ Yushinẽ hatu uĩmashanikiki.

Amós 3:7

Senhor Deusũ tsumabu hawẽ hãtxa yuishunikabu hawẽ shinã bebũkiri habu dukũ banabimariama Senhor Deusũ hawa aismaki, yura betsabu kupikinã.

Mateus 11:25

hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Mateus 11:27

Jesusũ hatu yuikĩ: —Ẽ Epã hawẽ kuxipa dasibi ea yununirã, tsuã ẽ hawẽ bake ea unãbumaki. Hakia ẽ Epã besti ea unã keyuikiki. Hakia tsuã ẽ Epa unãmariki. Ea hawẽ bakẽ besti ẽ Epa ẽ unã keyuriaii. Hakia habũ ea txibaĩbu ẽ Epa ẽ hatu unãmamiski.

Mateus 16:17

Jesusũ yuikĩ: —Simão Barjonasĩ bakeẽ, ẽ hakẽ huni betsã mia yuiamabia ẽ Epa nai anuatũ mia unãmakĩ mia duawaikiki. Benimariwe.

Marcos 16:15

hatu yunukĩ: —Mai hirabi anu bukĩ Deusũ kakape ekiri dasibibu hatu yusĩkubaĩshãkãwẽ.

Lucas 15:10

Ikũkĩ habiaskari ẽ matu yuaii. Yura bestitxaitũ hawẽ txakabu atimas henetã hawẽ xinã betsa watã ikũwãyã Deusũ nai tsumabu benimamisbuki— iwanã,

Lucas 2:26

Messias Deusũ yunushanai uĩriama hau debuyamashanũ Deusũ Yushĩ Pepatũ yubaimakẽ

Lucas 9:6

mae tibi anu buake buakeshũ haska Deus shanẽ ibushanaikiri hatu yusĩkĩ isĩ teneaibu shushawakubainaibũ

João 15:26

Hanushũ maturi danaĩbũ ẽ Epa anua mekenã betsa matu anu ẽ yunua hanua Yushĩ Txanima Unãmanika hushũ ekiri matu unãmai ea hãtxashũshanikiki.

Hechos 10:44

Pedrõ hatu yusĩ hãtxai heneriamakẽ hanua ha habũ hawẽ hãtxa nĩkaibu anu Deusũ Yushĩ Pepa hatuki hikiaya

Hechos 16:10

nĩkatã bestẽshũ ha namapã uĩshu nuku yuiaya Macedônia anushũ Jesuskiri kakape nũ hatu yusĩ kanũ Deusũ nuku yunuai unãtã nukũ mabu pewaxĩtã

Hechos 2:33

Hanushũ ana bestẽwãtã Deus hau habe shanẽ ibunũ, iwanã, hawẽ yusiuri tsaũtã haska yubakani hawẽ Yushĩ Pepa hawẽ Epã Jesus inã hatũ nuku inãkeakekĩ nuku kuxipa waikiki, na habia nĩkakĩ mã uĩanã.

Hechos 4:31

Deusbe hãtxai meneaibũ habiatiãri hanu itxabu anu patxa sakuaya Deusũ Yushĩ Pepatũ hatu dasibi atxikĩ kuxipa wakĩ keyua hanushũ ana dateama Deusũ kakape hawenabu hatu shabakabi yuikubainibukiaki.

Hechos 4:8

Deusũ Yushĩ Pepatũ Pedro kuxipa wa hatu kemakĩ: —Ẽ shanẽ ibubuũ,

Hechos 8:25

habianushũri Deusũ hãtxa yusĩkĩ kakape Jesuskiri hatu yusĩ menetã Jerusalémkiri ana txĩtũbirãkĩ mae betsa betsapa Samaria mai pakea anushũ Jesuskiri hatu yusĩkubirani Jerusalémkiri txĩtũbaini bui hikinibukiaki.

Romanos 1:15

Haska ẽ xinaĩwẽ taea mã Roma anu hiweabu anuri Jesuskiri kakape matu yusĩ kakatsis iki ẽ matukiri bepeshea ẽ xinã txãkãtxakayamaii.

Romanos 1:17

Haska inũ, hawẽ hãtxa yuishunikatũ Deusũ kakapekiri kenekĩ yuikĩ: “Tsuabũra Deusũ hãtxa ikũwãkĩ txibaĩwẽ taea pepai hiweshãkanikiki”, aniki. Haskawẽ taeshũ hawẽ bakekiri kakape Deusũ hawẽ hatu mekekĩ hatũ txakabu buanishũ ha besti ikũwaĩbu hatu pashawashanikiki.

Romanos 10:15

Ha inũ, Deusũ hãtxa yusĩnãbu habu anu Deusũ hatu yunuama kakape Cristokiri hatu yusĩtirubumaki. Haskakẽ Deus yuishũkĩ hawẽ hãtxa yuishunikatũ haskakiri kenekĩ: “Deusũ kakape yusĩmisbu hikixĩshũ Deusũ kakape hatu yusĩaĩ nĩkai ha huxiãwẽ taea benimai xinã txãkãshãkanikiki”, iniki.

Romanos 15:19

Deusũ Yushĩ Pepatũ kuxipawẽ hawara atimaska yurabũ atirubuma dami betsa betsapa haskabiamawakĩ ea wama ẽ akeakeaya hawẽ taea kuxipakĩ kakape Jesus Cristokiri hatu yusĩkinã, haska Israelbuma betsa betsapaburi ẽ hatu txibãmakubainima besti ẽ matu yuiaii. Hanushũ taewakinã, Jerusalém mae anushũ ẽ taewaxina mae tibi iake iaketãkaini hari mai pakea betsa Ilírico anu ẽ txĩtũtãyamaki.

1 Coríntios 2:10

Nukũ Epa Deusũ nuku haska wanũbariai nũ tapĩtirubumabiakẽ hawẽ Yushĩ Pepatũ nuku tapĩmaniki. Ha hawẽ Yushĩ Pepatunã, dasibi unãkĩ Deusũ xinaĩ yubakaniri unã keyuriaikiki.

2 Coríntios 6:6

Haska inũ, nukũ hiwea pepa kayabi nũ hatu uĩmairã, tsua parãma inũ, unãnepai sinatama txanima nũ ikũ kayabi ikai Deusũ Yushĩ Pepatũ kuxipaya nũ Deusũ tsumabu txanima nui kayabi nũ hiwekũkaĩmiski.

Gálatas 1:12

Hakia hunibũ katutã ea yusĩabumabiakẽ Jesus Cristo bestitũ ibubis hawẽ meketi shabakabi ea unãmaniki.

Efésios 3:10

Hau haska Deus besti unãnepatũ unã keyuai yushĩ kuxipabu inũ nai tsumabu nai anushũ haska Deusũ huneni natiã huni txakabubũ hawẽ bake ikũwaĩbũ Deusũ hatu unãmakĩ hatu binumaikiki.

1 Tesalonicenses 2:9

Ẽ betsabu inũ ẽ puibuũ, Deusũ kakape matu yusĩ kashũ matũ piti pikĩ matu bika wakĩ nũ matu txikix wakatsi ikama bariri inũ mexu merã dayahairai yumãkĩ nukũ dayawẽ taeshũ nukũ piti nũ bikubainima mã unaiĩ.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Hebreus 11:13

Hamẽ ha yurabu haska Deusũ hatu yubani hari hiweriamabia ikũwã besti mawanibukiaki. Hakia Deusũ yubani bebũkirihairashũ ikũwãkĩ besti xinaĩ punu nukama manakakĩ habũ ibubis xinaĩ: “Na nawã mai anu baii niyua keskakĩ Deusũ mae pepa nai anua nũ hari kashanai anu nũ manakakubainaii”, ikubainibukiaki.

Hebreus 2:4

Ha inũ, hawẽ Yushĩ Pepawẽ hawẽ e imakĩ unãmati damiwamakĩ na yuba bena Jesusũ tsumabubetã Epa Deusũ hatu mestẽwãmaniki. Haska wanishũ hawẽ xinãnẽ nuku tibi hawẽ daya betsa betsapa nuku inãmiski, haska xinaĩ keska nuku tibi inãkinã.

Hebreus 4:2

Txanimaki. Matũ shenipabu hawẽ yubati hãtxa Deusũ Moisés hatu yuimani keska wakĩ hawẽ kakape hãtxa huĩrukũti betsakiri Jesusũ hawẽ tsumabu unãmatã hatu nukuri yusĩmani nũ nĩkariakubainaii. Nũ hatu keskatirumaki. Uĩrakubainãkãwẽ. Haskai nukũ shenipabũ hawẽ yuba hãtxa huĩrũkũtikiri nĩkabiai ikũwãma inũ hawa txibãma ikubainaibuwẽ taeshũ hawẽ mai pepa yubani anu hau hikiyamashanũbũ hatu yubanitũ hatu nemaniki.

1 Pedro 1:25

Hakia Yavé Deusũ hãtxarã, betsai keyuisma ipakeai hayaki”, aniki. Na habias hãtxa Jesuskiri kakape hakiri datã aki hawẽ yuinika betsabu matuki txanirianibuki.

1 Pedro 4:6

Hatu haska washanaiwẽ taea tsuabura hatũ yurawẽ txakabui mawa keska hiwekĩ yurabũ hatukiri uĩ hãtxabiamiswẽ taeshũ Deusũ hatu unãti watã kupitirubia hatũ xinã betsa watã hatũ yura txakabubiakẽ yusĩnanãmisbũ Cristõ kakapekiri hatu yusĩabu hatũ yura txakabubia xinã betsa watã hatũ yushĩ Deusbe hiwetirubu hatu yusĩabu nĩkanibuki.

Apocalipse 5:11

hanushũ ana uĩkĩ ẽ nĩkaya ha hiweabu inũ ha mekenikabu inũ nai tsuma mirimahaira Deus shanẽ ibu haki tsauti dapi manibaunabũ