2 Timóteo 2:10 - Kaxinawá Bíblia (BR)

¹⁰ Haskakẽ tsuabura Deusũ katunibu Jesus Cristo ikũwaĩ pepai hau hatũ txakabuwẽ Deusũ hatu kupiama hatu pashawakĩ piskuma hau hawẽ kuxipa ikibi ikanu hau hanu hiweriashanũbũ natiã ea hiweyushũ ẽ hatu bika teneshũyuaii.

Kashinawa : Diosun Jesúswen taexun yuba bena yiniki

¹⁰ Jaskaken tsuabuda Diosun katunibu Jesucristo ikunwain pepai jau jatun chakabuwen Diosun jatu kupiama jatu paxawakin piskuma jau jawen kushipa ikibi ikanu jau janu jiwediaxanunbun natian ea jiweyuxun en jatu bika tenexunyuaii.

2 Timóteo 2:10 Referencias Cruzadas

Provérbios 8:35

Tsuãra ea benai eki nukutanã, hatũ hiwea kayabi bishãkanikiki, haska Senhor Deusũ betxipaimis txibãmiswẽ taeshunã.

Mateus 24:22

Ha haskaibutiã Deusũ hawa nemakĩ tsua pashawatirumabia ma hawenabu hatu katuniwẽ taeshũ hatuwẽ nuikĩ hau dasibibu debui keyuyamashanũbũ yumaĩbutiã Deusũ bari ana txai wama txaima shekashanikiki.

Mateus 24:31

Deusũ hawẽ nai tsumabu yunua hawẽ trombeta txaã akĩ hawẽ katuabu mai hirabi anu manibaunabu hatu itxawashãkanikiki.

Lucas 18:7

hamẽ Deusũ nuku merabewakĩ habũ matu txakabuwakatsi ikaibu nemairã, hawẽ xinã betsahairaki. Hawẽ katuabu Deusũ matu merabewakĩ bariri inũ mexu merã mã ea atã manaibu nĩkatã manama hawaira hatu nemakĩ matu pewashũmiski. Haskawẽ taea ea matũ Hutxi Kayabi Iuwa ẽ ana huaitiã habũ ea ikũwãkĩ henekubainabuma ẽ hatu betxituxishanimẽkaĩ?— iwanã,

Lucas 22:57

Pedrõ parãkĩ yuikĩ: —Aĩbuũ, hamaki. Ẽ ha unãmaki— ikaya

João 11:52

Na haska yunuirã, habu bestikiri ikama hakia Deusũ bakebu pashka hiweakeakeabu habũ ikũwaĩbu dasibi itxawashanũ ika merabewai Jesus nuku mawashũshanai

João 17:24

—Epaã, mai damiwakĩ taewariama mĩ ea abukĩ ea txashakapa hawẽruawakĩ taewani mĩ habiaskari ea wai hau ebe hiwekĩ uĩshanũbũ habu mĩ ea yununi ebe hatu hiwemashãwẽ— iwanã,

João 17:9

Hamẽ enaburã, ẽ mibe hatu hãtxashunaii. Hakia ea ikũwãbumakiri ẽ mibe hatu hãtxashunamaki. Ha inũ, mina watã mĩ ea yununirã, harã minabuki. Haskawẽ taea dasibi enarã, minaki. Hanua minarã, enariki. Ẽ kuxipa hatu meranua uĩshãkanikiki.

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

Romanos 9:23

Habiatiãri bebũkiri Deusũ nuku duawakatsis ikĩ hawẽ kuxipa nuku uĩmanũ ishũ nuku tibi nuku katukĩ xinãmisrã, nũ ma hawenabu nuku unãmaikiki.

1 Coríntios 1:21

Haska inũ, yura betsa betsapa unãnepabiakĩ Deus unãbumakẽ nukũ Epa Deusũ dasibi unãhairakĩ kakape nuku hatu yusĩmaya itxapabũ danãkĩ: “Tatima ikanikiki!”, ibiaibũ nũ matu yusĩayã Cristo mã ikũwaĩbu hawenabu Deusũ matu waniki, niti akamarã. Haskakĩ mã xinã betsa watã ikũwãyã matuwẽ Deus benimakũkainikiki.

1 Coríntios 9:22

Ha inũ, Jesus ikũwãkatsis ibiai ikũwaĩ kayabi iriama babubu merabewai hatu kuxipa wakatsi iki hatube hiweshũ yusĩa bika yuiama hatu keskari eari babu keska ẽ hiwemiski. Jesus ikũwaĩbu itxapabu Deusũ hatu duawakĩ eari hau ea duawashanũ, iwanã, hawẽ kakape yusĩkubauni tsuabura yura betsa betsapa ikũwãmanũ ika haska hiweabu keska hatube hiwekũkaũkĩ ẽ yusĩtãmiski, kaneamarã. Haska tibi kakape ẽ hatu yusĩmiswẽ taea habias nũ txibãmiswẽ taeshũ hatubetã manakuti pepa ẽ binũbariaii.

2 Coríntios 1:6

Ea inũ Timóteo hamapaiwẽ nuku bika tenemaibũ nukuwẽ taea nukukiri xinãtxakai mã huĩti nixmama mã Jesus Cristo ikũwanũbũ nũ tenekubainaii. Ha inũ, Deus nukuwẽ nuikĩ nukũ huĩti tsiũ ika nixmabiakẽ nuku benimawamisshũ haska maturi memaibu merabewati xara nũ tenemiski. Haskakẽ hawa dateama habiaskari maturi akaibu mã teneriairã, hawẽ kuxipakubaĩkãwẽ, maemairã.

2 Coríntios 12:15

Matu anu hikitã matũ ibu keskakĩ matuwẽ nuihairakĩ matu merabewakatsis ikĩ ẽ hawara bikĩ dasibi ẽ pei putakĩ ẽ keyushanaii. Ha inũ, matu abuhairakĩ ẽ heneama ibiakũkainaya matunã, mã ea abu mirĩkĩ henekubaĩshanai?

2 Coríntios 4:15

Haska inũ, Deusũ matu pepawaya mirimabũ Jesus Cristo ikũwãtã benimakĩ mã Deus kẽhairawanũbũ hawara matuwẽ taea bika tenekĩ matu merabewanũ ika nũ ikũkainaii.

Efésios 3:13

Haskakẽ kakape ẽ yusĩkubaũmiswẽ taeshũ ea bitxiabu matu merabewanũ ika matuwẽ taea nuitapai ẽ bika teneaii. Hakia ekiri xinaĩ punu nukama benima bestikubaĩkãwẽ, ewẽ taeshũ Deusũ matu duawaiwẽ taearã.

Colosenses 1:24

Natiã matuwẽ taea nuitapairã, ẽ benimaii. Hau hawẽ taea nũ bika tenekũkaĩshanũ Cristõ nuku yunutã ha dukũ txanima hawẽ yurawẽ ha ikũwãshanaibu merabewanũ ika hatu bika teneshũkĩ haskawẽ taea eari ibubis ẽ yurawẽ menei ẽ ishũriaii, mã ha ikũwaĩbuwẽ taearã.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

1 Tesalonicenses 5:9

Txanima nukuwẽ taea Jesus Cristo nuku mawashuniwẽ taeshũ Deusũ nuku hawẽ kupikatsi ikama nũ hiweabu inũ nũ mawabu nukũ Shanẽ Ibu Jesus Cristowẽ nuku meketã nuku habe hiwemashanai nũ unaiĩ.

2 Tesalonicenses 2:14

Kakapekiri datã akĩ nũ matu yusĩayã Deusũ matu ikũwãmaniki, hau nukũ Shanẽ Ibu Jesus Cristõ kuxipaki dasitã mã hawenabu ikubaĩshanũbunã.

2 Timóteo 1:1

Ea ẽ Paulorã, Deusũ haska xinaĩwẽ Jesus Cristõ kuxipaya ea wakinã, hawẽ yunuawẽ ea aniki. Haska wakinã, hamẽ ea akama hakia haska bebũkiri Deus yubakani hawẽ hiwea keyuisma ikibi ikakiri haska xinãkubaĩmis haska hayawẽ taeshũ Jesus Cristo ea katumaniki.

2 Timóteo 2:1

Mĩ ẽ bake keska Jesus Cristoki dasia mĩ hawẽ kuxipa hayanũ Deusũ hawẽ pepa mia inãnirã, hawẽ besti kuxipakũkaĩwẽ.

2 Timóteo 2:3

Hamẽ mia ikirã, soldado keskai hiwewe. Haskakĩ ẽ ikai keska hiwekĩ Jesus Cristo mĩ ikũwãyã mia itxakawabiabu Jesus Cristõ tsuma pepai nuitapabiai bika tenei hiwekũkaĩwẽ.

Tito 1:1

Titoõ, ẽ mia kene bumai uĩrawe. Ea ẽ Paulorã, Deusũ hawẽ tsuma ea wakĩ Jesus Cristõ kuxipaya ea waniki. Habiatũri ea yunukĩ tsuabura hakiri txanima hãtxa nũ hatu ikũwãmashanai habu Deusũ katuni habũ hau tapĩkĩ hau unãti wakubaĩwashanũbũ haska besti txibãtikiri ẽ mia yuiaii.

1 Pedro 2:10

Ha inũ, ha dukũ Deusunama mã inibuki. Hakia natiã mã ma Deusũ enabuki. Ha dukũ Deus matuwẽ nuiama ibiani na habiatiã matuwẽ Deus nuikiki.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.