Lucas 12:37 - Kaxinawá Bíblia (BR)

^37-38 Hanũkaĩ hatiã huimẽkainã? yamenapũ kasmai takara keui taeaya kasmai hiwe ibu hukĩ hawẽ tsuma ushabuma betxituxiaya hawẽ tsumabu benimahairashãkanikiki. Hanushũ hiwe ibũ hawẽ tsumabu duawakĩ hau habetã pinũbũ hatu bashti imatã hatu pimashanikiki.

Kashinawa : Diosun Jesúswen taexun yuba bena yiniki

^37-38 Janunkain ¿jatian juimenkainan? yamenapun kasmai takada keui taeaya kasmai jiwe ibu jukin jawen tsuma uxabuma bechitushiaya jawen tsumabu benimajaidaxankanikiki. Januxun chanima jiwe ibun jawen tsumabu duawakin jau jabetan pinunbun jatu baxti imatan jatu pimaxanikiki.

Lucas 12:37 Referencias Cruzadas

Mateus 24:42

Haskakẽ hatiãra ẽ ana hushanai mã unãmabia hawa txikixama ea manakakĩ heneyamashãkãwẽ.

Lucas 12:36

Hawẽ haibu aĩyaĩ anu hiwe ibu nawai ka hawẽ tsumapã manaya hushũ hikinũ ishũ kenaya hawẽ beputi shui hawaira bepẽshũshanũ ika ushama manai keskakubaĩkãwẽ.

Lucas 12:43

Hanua shanẽ ibu ana txĩtũkirã haska yunubainima ashũkubainaya ha shanẽ ibu haki nukutuxitã benimahairashanikiki.

Lucas 17:8

Mã haska waismaki. Yuikĩ: “Bari kaya nũ pinũ bawa taewawe, eã dukũ ẽ piaya txipu mĩ tari betsa sawetã miãri mĩ piairã”, akĩ matũ dayaru mã pe yunumiski.

Lucas 21:36

Hamẽ matunã, ẽ hãtxa txibãkĩ heneama Deusbe bari tibi hãtxakubaĩshãkãwẽ. Haska mese tibi tashnishanai binutã mã ma pewẽ taea hanu matũ Hutxi Kayabi Iuwa ẽ matuki nukuaitiã ea bebũ mã mapushãkanaii— hatu wanikiaki.

Lucas 22:27

Eska yurabũ uĩkĩ xinãmisbuki. Na bashti ika dakashũ pimisbu shanẽ ibuki. Hamẽ hatũ hatu pimakĩ duawairã, shanẽ ibumaki, iwanã, xinãmisbuki. Hamẽ eãnã, matu anushũ matu tapĩmanũ ishũ ẽ matu bestibu duawakĩ uĩmakubainaii. Haska keskakĩ haratutũra ea txibãkĩ betsabu mã binuai mã unãtiruki— iwanã,

João 12:26

Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,

1 Coríntios 2:9

Haskakiri Deusũ hãtxa yuishunika Isaíasĩ Deusunabu keneshũkĩ: “Hawara tsuã uĩsma inũ, hawara tsuã nĩkaisma inũ, hawara tsuã xinãtiruma bebũkiri habu Deusũ abukĩ ma hatu pewashuniki”, aniki.

Filipenses 1:21

Natiã ẽ hiweyuarã, Cristo ẽ hiweshũyukũkainaii. Hakia hawẽ taea ẽ mawarã, ẽ nenu hiwemis binuaki.

Filipenses 1:23

Eã ibubis haska dabe ẽ katuarã, bikahairaki. Ẽ xinãnã, mawatã ẽ Cristobe ma hiwei kai pehairaki, enarã.

2 Pedro 1:11

Mã haskai hiwekubainaibu benimakĩ matu kẽwãtxakayamakĩ hawẽ mae bena anu hanu mã hikinũ hawẽ beputi matu bepẽshũtã: “Neri hiki bekãwẽ”, matu washanikiki, hanu nukũ mekenã Shanẽ Ibu Jesus Cristõ matu bitxikinã, niti ikama mã habe hiwepakeshanũbunã.

2 Pedro 3:14

Ẽ betsabu inũ ẽ puibuũ, ẽ matuwẽ nui heneama ẽ matu yusĩkubainai eskakiri xinãkãwẽ. Hau dasibi mã hawa detsisma inũ hawa txakabu hayama inũ unãnuma mã hiwe bestikẽ hau Jesus Cristo matuki nukuyushanũ ẽ matu yusĩshu xinaĩ hakimama manakakubaĩshãkãwẽ.

Apocalipse 14:13

Hanushũ nai anushũ hui betsa tashnikĩ ea yunukĩ: “Na hãtxa keneriwe. Na habia unuri pakea nukũ Shanẽ Ibuki dasitã mawakubaĩshanaiburã, Deusũ hatu benimahairawashanikiki”, ikaya hanushũ Yushĩ Pepatũri ea yuikĩ: “Habiaskaki. Haburã, hatũ daya henetã huĩrukũ bestishãkanikiki. Ha inũ, hamapai xarabu Jesus Cristo ashũkubaĩmisbuwẽ Deusũ hatu manaku bestishanikiki”, ea wai nĩkakĩ haskashanaibu ẽ uĩshuki.

Apocalipse 16:15

Haskai ẽ uĩayã Jesus hãtxai: “Uĩa. Ea ana matu anu kairã, ẽ yumetsu kai keskakaĩshanaii, tsuã haska ana xinãmakenã. Habu mã benimashanaiburã, usha keskama bestẽshũ mĩ hiwea mĩ tari mĩ meke pewa keska ishãkãwẽ, hawa mĩ tari pekatã nia keskamarã, matũ yura tariuma nia hawẽ mã daketiru keska iyamakãshunã”, ea waya

Apocalipse 3:21

Tsuabũra ea danãma habũ txakabu maemakĩ binumisburã, hatu manakukĩ ea dapi tsaumakĩ ẽ hatu shanẽ ibumashanaii, haska eã ẽ binu keyuni ẽ Epa dapi tsauwa ẽ habe shanẽ ibuni keska wakinã.

Apocalipse 7:17

Ha inũ, txashuwã bake Deus shanẽ ibu haki tsauti namakis niatũ ũpash paisma pehaira txatxa hene hawẽ hiwemati haya anu hatu iyushũ amai hatũ mekenã ishanikiki. Hanushũ ha kashamisbu Deusũ hatũ beru beũ hene dasibi tashka washanikiki”, ea wa