2 Timóteo 4:17 - Kaxinawá Bíblia (BR)

¹⁷ Ẽ haibuaibũ ea henebiabainabũ hawẽ binuti Jesus Cristokiri hawẽ kaka pepa hawẽ pashatikiri ẽ hatu yui keyuaya judeubuma dasibibũ hau nĩkanũbũ nukũ Shanẽ Ibũ ea heneama ea kuxipa washũ hatu daewakĩ mese anua ea piskumaimaki, ea haska nukũ Shanẽ Ibũ hatu binumakĩ inu keneya pĩtsi keshea keska anua ea binumakinã.

Kashinawa : Diosun Jesúswen taexun yuba bena yiniki

¹⁷ En jaibuaibun ea jenebiabainabun jawen binuti Jesucristokidi jawen kaka pepa jawen paxatikidi en jatu yui keyuaya judiobuma dasibibun jau ninkanunbun nukun Xanen Ibun ea jeneama ea kushipa waxun jatu daewakin mese anua ea piskumaimaki, ea jaska nukun Xanen Ibun jatu binumakin inu keneya pintsi kexea keska anua ea binumakinan.

2 Timóteo 4:17 Referencias Cruzadas

Salmos 22:21

Ha inũ, ha inu betsa leão hashpa keskabũ hau ea piyamanũbũ ea nemashũkĩ ea pashawawe. Awa bene pubẽ mashũyã keskabu ea hatu nemashũriawe.

Provérbios 20:2

Hanu shanẽ ibuhaira sinatai pubẽhairaitianã, inu betsa leão pubeĩ tekerẽ tekerẽ imis keskamisbuki. Tsuãra sinatamaiburã, habu tenãtiru hatũ hiwearã, mesehairaki.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 41:14

Senhor Deusũ hawẽ hãtxa mestẽwãkĩ yuikĩ: “Jacó enabu Israelbuũ, ha mã tesheishtani mã babubiarã, hawa dateyamakãwẽ, ẽ matu merabewairã. Earã, Israelĩ Deus meribirã, ẽ matũ piskumanikaki.

Jeremias 2:30

Matũ bakebu ẽ hatu yusĩbia hawa tapiãbumabiakẽ hamẽ ẽ hatu kupimiski. Maturã, pubenepa mã inu betsa leão keskabuki. Ẽ hãtxa yuishunikabu ẽ matu yunua hatuki sinatakĩ mã hatu tenãkubaĩmisbuki.

Daniel 6:22

Hawẽ nai tsuma ẽ mekenika Deusũ yunua hau ea txakabuwayamanũbũ leão pubẽbu hatu nemakĩ hatũ kesha bepua ea hawa meama ishiãbuki. Kanekĩ mikiri ẽ hawa txakabuwama ishiã Deusũ unaĩkiki— aka

Daniel 6:27

Txakabu anua kaĩmakĩ tsuabura mekekĩ piskumatiruki. Nai anua inũ mai anua dami atimaska akĩ hatu uĩmamiski. Leão pubenẽ mẽtsis nemakĩ Daniel mekekĩ piskumashinaki”, atã dasibibu anu hatu buma akeakenikiaki.

Mateus 10:19

Hakia atxishũ shanẽ ibu kuxipabu anu matu iyuabu hawara mã yuitirukiri Deusũ Yushĩ Pepatũ matu unãmashanikiki. Haskakẽ hawa dateama harakiri yuishãpa? ikĩ bebũkiri xinãyamakubaĩshãkãwẽ,

Lucas 1:1

Shanẽ ibu Teófiloõ, ẽ mia kene bumai uĩwẽ. Haska Jesusũ yusĩkĩ taewani anua hawẽ tsuma kayabibũ uĩakeakenibu inũ Jesusũ hawara hatũ berubi uĩkubainima Deusũ hatu katua habũ hawẽ kuxipayabu hau txanikubaĩshanũbũ habũ nuku yusĩabu huni betsabũ habiaskari bebũkiri unãkĩ pewatã nuku keneshunimabuki. Hakia hawẽ tsumabũ yusĩmiskiri miãri mĩ nĩkaima: “Txanimaki”, eãri habiaskari xinãkĩ ẽ mia keneshunai mĩ unãkubaĩshanũ haskani Jesuskiri dasibi yuka iki nati itã eãri nĩkakĩ pewatã ẽ mia kene bumaii.

Hechos 23:11

ushaxini ana mexu betsatiã Paulo anu nukũ Shanẽ Ibu Jesus hushũ yuikĩ: —Pauloõ, dateama benimawe. Na Jerusalém anushũ ekiri ikũwãkĩ mĩ hatu yuixina keskari wakĩ Roma anushũ habiaskari ekiri hatu yuiritãshãwẽ— awani kakẽ

Hechos 9:15

haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,

Romanos 15:31

Haska inũ, habũ Deus danaĩbu Judéia mai pakea anuabũ hau ea meyamakubaĩshanũbũ ea yukashũkĩ Jesus Cristo ikũwaĩbu Jerusalém anushũ hau ha pei hatu itxawashuĩmabu danãriayamashanũbũ Deus hatu yukashuĩrashãkãwẽ.

2 Coríntios 12:9

dabe inũ bestikiri ea yuikĩ: “Miwẽ nuikĩ ẽ mia duawamisrã, hatiwẽ besti mĩ benimatiruki. Isĩ tenei mĩ babubia mĩ ea dayashũkũkaĩkĩ ẽ kuxipa mĩ unãtiruki”, ea waniki. Haskakẽ yura babu haya Cristõ kuxipa hayakatsis iki haska emebi ẽ hawawatiruma ẽ hawẽ kẽtiruki.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

1 Timóteo 1:12

Nukũ Shanẽ Ibu Jesus Cristõ ekiri pe xinãkĩ ẽ txĩtũtiruma xinãkĩ ea duawakĩ hawẽ daya ea yununiwẽ taeshũ txanima hatũ ea kuxipa wa ẽ kẽwãkubainaii.

2 Timóteo 2:1

Mĩ ẽ bake keska Jesus Cristoki dasia mĩ hawẽ kuxipa hayanũ Deusũ hawẽ pepa mia inãnirã, hawẽ besti kuxipakũkaĩwẽ.

2 Timóteo 2:9

Jesus Cristokiri ẽ yusĩkubaũmiswẽ taeshũ ea itxakawabu tenekĩ ẽ meaii. Huni atimapa hawaki dateama txakabuwai betxitã amisbu keska wakĩ ea nemakĩ mane dispiwẽ ea meneshabu keska wariakĩ Deusũ hãtxa kakape yuikĩ ẽ datã amisrã, ha tsuã nemakĩ neshatirubumaki.

2 Timóteo 3:11

haska Antioquia anushũ inũ, Icônio anushũ inũ, Listra anushũ ea itxakawakĩ ea bika tenemakubirãyamabu mĩ unaĩ keskakĩ miari bika tenemaibu mĩ teneai ea keskakĩ mĩ mekubainaii. Ea haska tibi wabiaibũ nukũ Shanẽ Ibuã ea hatu mepamakubaĩyamaki.

2 Timóteo 4:5

Hamẽ mia ikirã, dasibi mĩ xinãnẽ mekei pekĩ bika tenebiai Jesus Cristokiri kakape datã akĩ hatu yuikĩ daya pepa ẽ mia yunubainai xinã betsa wama hatu yusĩkubaĩshãwẽ.

Tito 1:3

Natiã hanu ma menekĩ hanu ati wani anu hawẽ bakekiri kakape nũ unãshanũbũ nukũ Epa Deus mekenãtũ nuku unãmani haska wanishũ eki txiti ikaya hawẽ yunuawẽ hawẽ hãtxa ẽ hatu tapĩmakubainaii.

Hebreus 11:33

Betsabũ Deus ikũwãkĩ shanẽ ibu betsabũ mae mebinibukiaki. Betsabũ Deus ikũwãkĩ hatũ mae anu shanẽ ibukĩ hatu pe hiwemakubainibukiaki. Betsabũ Deusũ yubaka hãtxa ikũwãkĩ Deusũ kuxipa bitã hatuna wakubainibukiaki. Betsabu inu pubẽbu anu yunukĩ hatu bitxiabu Deus ikũwaĩwẽ taeshũ hawẽ kuxipawẽ Deusũ hatu nemashuna habu piama inikiaki.

1 Pedro 5:8

Inu keneya pĩtsikĩ yuinaka atxitã pinũ ika benabauni pubeĩ hãsh hãsh iki tekerẽ tekerẽ imis keskakĩ diabo Satanásã matu beparãtã matu maemanũ ishũ benakubaũriaikiki. Haskawẽ taea ibubis pe mekekĩ hamapai txakabu ana meama hanũ bestẽtã uĩrakubaĩkãwẽ.

2 Pedro 2:9

Noé inũ Ló Deusũ pashawanishũ tsuabura hawenabu ikatsis ikĩ hatũ hiwea Deus inãmisburã, hawẽ taeshũ hawara bika tibi hatu memabiaibũ nukũ Shanẽ Ibũ unãkĩ hatu txakabu binumariakubaĩtiruki. Hamẽ habu txakabumisburã, hanu bari hawẽ heneaitiã hatu unãti watã hatu kupishanai unãriaikiki.

1 Samuel 17:37

Inu betsa leão inũ ursõ ea mesewai Senhor Deusũ ea hatu binumakubaĩmis keska wakĩ ha huni Filisteu nawa keyatapatũ ea mesewabiaya Senhor Deusũ ea merabewariatiruki— aka nĩkatã Saulũ Davi yuikĩ: —Haskakenã, katãwẽ, Senhor Deus mibe kashũ mia merabewaikikirã— atã