Hebreus 13:17 - Kaxinawá Bíblia (BR)

¹⁷ Ha inũ, matu yusĩkĩ mekekubainaibu hatũ yusĩa nĩkatã hatuki txiti ikĩ txibãkubaĩkãwẽ. Haska matu putama hawa huĩrukuãma mekekubaĩmisbu habiaskari Deusũ unãkĩ hatu manakumiski. Ha inũ, hatũ daya itimaska wama nĩkahairakĩ mã hatu benimawakubaĩtirubuki. Hakia nĩkama mã hatu itimaska wakĩ mã hawa tapĩkĩ pewai kaĩtirubumaki.

Kashinawa : Diosun Jesúswen taexun yuba bena yiniki

¹⁷ Ja inun, matu yusinkin mekekubainaibu jatun yusian ninkatan jatuki chiti ikin chibankubainkanwen. Jaska matu putama jawa juindukuanma mekekubainmisbu jabiaskadi Diosun unankin jatu manakumiski. Ja inun, jatun daya itimaska wama ninkajaidakin man jatu benimawakubaintidubuki. Jakia ninkama man jatu itimaska wakin man jawa tapinkin pewai kaintidubumaki.

Hebreus 13:17 Referencias Cruzadas

Gênesis 16:9

Senhor Deusũ nai tsumã Agar ana yuikĩ: —Hariri ana kama nenua txĩtũrikaĩwẽ. Mĩ dayashũmistũ hãtxa nĩkakĩ hawẽ yunua ashũrikubaĩtãwẽ— atã

Êxodo 32:31

Senhor Deus anu ana mapekeshũ yuikĩ: —Txanimahaira yurabũ mĩ hãtxa danaĩ txakabuhairakĩ ouro yushĩ dami watã ha kẽwãshinabuki.

Provérbios 5:13

Huni yusinãbũ ea yusiãbu ẽ hatu nĩkama ikimaki. Hanua ea unãmabiakubainabu ẽ hatu danaĩmaki.

Lucas 16:2

hawẽ tsumapã kenashũ yuikĩ: “Mikiri yuiaibu ẽ nĩkairã, ikũmẽ? Ẽ pei inũ ẽ mabu mĩ ubisita wamiskiaki. Haskakẽ haska nuku deveabu conta tibi pewashũ ea inãtã ana ea dayashunama hanira kaĩrikaĩtãshãwẽ”, aka

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

1 Coríntios 16:16

Habu keska nĩkakĩ ikũwaĩbu betsabũ nukũ Shanẽ Ibu Jesuskiri kakape dayamisbu hatu nĩkariakĩ dasibi hatu merabewakubaĩkãwẽ.

Efésios 5:21

Haska inũ, Cristokiri pe xinãkĩ mã duawakatsis ikairã, ikũwaĩbu betsabube binunãnãkatsis ikama hatube yununãnãma nĩkakanãkubaĩkãwẽ.

Filipenses 1:4

Hanushũ habe hãtxai benimakĩ matu dasibikiri ẽ matu yukashũkubaĩmiski.

Filipenses 2:12

Ẽ betsabu inũ ẽ puibuũ, matuwẽ ẽ nuiaya mã ẽ hãtxa txibãmis heneama akubaĩkãwẽ, ẽ matu uĩayã mã amis keska inũ, ẽ matu uĩyama txaihaira ẽ hiwebiakẽ ea nĩkakĩ txibãriakinã. Hawa kaneama uke merã hawara matũ hiwea Cristona wamakĩ mã inãni Cristoki mesekĩ heneama hawẽ mekepakekãwẽ.

Filipenses 2:16

matubunã, Deusũ kakape hiweakiri hãtxa hatu unãmakubaĩkãwẽ. Mã haskaya ea ẽ matu anu hamẽ dayai kama iniwẽ taea ea matuwẽ keĩ ẽ tse iki ẽ benimashanaii, hanu Cristo ana huaitianã.

Filipenses 2:29

Nukũ Shanẽ Ibuwẽ taea nukũ betsa Epafrodito kai benima paewẽ ikĩ peirawashãkãwẽ. Ha inũ, tsuabura ha keskaburi abukĩ hawẽ hãtxa nĩkanũ ishũ hatu ikubaĩkãwẽ.

Filipenses 3:18

Tsuabura itxapa matube hiweabũ hatũ hiwea sheni henekĩ betsa wakatsi ikama Cristo cruzki hatu mawashuni xinãma haki sinatai keska hiweabu haskabukiri hawẽtxaĩs ẽ matu yuimiski. Natiã haska xinaĩ kashayabi ana hatukiri ẽ matuki txaniaii.

Filipenses 4:1

Ẽ betsabu inũ ẽ puibuũ, ẽ matu abutxakayamai inũ, ẽ matuwẽ nuiai inũ, ẽ matuwẽ benimaiwẽ inũ, matuwẽ taeshũ Deusũ ea manakua ẽ bishanaiwẽ taea xinaĩ ẽ matu ana uĩ kakatsis itxakayamaii. Ẽ matu haska xinãyã txĩtuãma nukũ Shanẽ Ibu txibãpakekãwẽ.

2 Tesalonicenses 3:14

Ha inũ, nukũ hãtxa nũ matu bumai hatiribũ nĩkakĩ tapĩkatsi ikama hatũ txakabu unaĩ hau dakenũbũ ana hatube mapuyamakubaĩkãwẽ.

1 Timóteo 5:17

Mekenikabukiri ana mia yuinũ nĩkawe. Moisés Deusũ hãtxa kenekĩ: “Mĩ hemaĩtĩ anushũ mĩ ina awã hawẽ taewẽ mĩ shekiwã pema pema akĩ mia shemeshunaya dispiwẽ sheneshyamakãwẽ, hau dabukũ pinunã”, iwanã, yununiki. Haska yuikinã: “Dayakapabu hau hatu pakakubainũbũwẽ”, ani keska wakĩ mekenikabu tibi habũ matu yusĩaĩburã, haratura bestitũ Deusũ hãtxa matu yusĩ henekatsi ikama matu yusĩkĩ matu merabewakubainaibuwẽ taeshũ matũri ha matũ mekenika duawakĩ peiwẽ kasmai hawarawẽ merabewakĩ hawẽ hawara inãkubaĩkãwẽ.

Hebreus 13:24

Ha inũ, matu yusĩkĩ matu mekekubaĩmisbu inũ Deusunabu matubetã ikũwãmisbu dasibiri ẽ hãtxa ẽ matu bumaii. Ha inũ, Italia mai pakea anushũ ikũwãmisbũ hatũ hãtxa matu bumariakanikiki.

Hebreus 13:7

Haska inũ, Deusũ hãtxa Cristokiri habũ matu yusĩkĩ matu pe mekekubaĩkĩ matu xinã betsa wamanibuki. Haskawẽ taeshũ habũ Deus ikũwãkĩ txibãkubainibu haska hatũ hiwea pepa akĩ henebainibu xinãkĩ matũri ikũwãriai habiaskariai hiweriakubaĩkãwẽ.

Santiago 4:7

Haskawẽ taeshũ Deusũ merabewakĩ hau matu mekekubainũ haska abuai ashũkĩ txibãkubaĩkãwẽ. Haskai hẽ iyamakĩ diabo Satanásã matu txakabuwamakatsi ikaya: “Deusũ ea mekeaya ẽ mia nĩkamaki. Turi kariwe”, mã wakubainaya Deusũ kuxipaki datei Satanás pashashanikiki.

1 Pedro 5:5

Habiaskariakĩ habuã mã hatu txibaĩbuũ, mekenikabũ matu yusĩkĩ yunumis nĩkatã hatũ hãtxa txibãkubaĩkãwẽ. Dasibi mã habũ ikũwaĩburã, babutã keãma nĩkakanãkubaĩkãwẽ, eskawẽ taearã. Deusũ hãtxa yuishunikatũ kenekĩ: “Tsuabũra yuikĩ: ‘Hamapai betsa betsapa emebi ẽ atiruki’, ikĩ keaĩburã, Deusũ hatu beshtemiski. Hamẽ tsuabura babutã yuikĩ: ‘Deusũ besti ea merabewaya hawara txakabu hawẽ pepawẽ besti ẽ daĩbaĩtiruki’, ikaibu duawakĩ habu merabewakubaĩmiski”, iniki.

1 Samuel 8:19

Samuelĩ hatu mesewabia hawẽ hãtxa nĩkabuma Israelĩ enabu anibu unanepa shanẽ ibubũ kemakĩ yuikĩ: —Habiaskabiakẽ yununika shanẽ ibu kushipahaira nũ hayakatsis ikaii. Dasibi mae betsa betsapa hiwebaunabu keskairã, yunukĩ nuku mekekĩ nukũ detenamenikabube tsuabura nukuki sinataibu nuku maemashũkubaĩshanunã— akeakeabu