2 Timóteo 2:14 - Kaxinawá Bíblia (BR) Ẽ mia yuiai keska xinãkĩ betsabu hatu yusĩkĩ tapĩmairakubaĩwẽ. Deusũ nĩka keyuaya yusĩa betsa betsapakiri yui hau kemanameyamanũbũ hatu nemakubaĩwẽ, tsua hatu merabewatirubumakirã. Haskaibu tsuãra hatu nĩkai e ishãkanikiki, Jesus Cristo ikũwãpairã. Kashinawa : Diosun Jesúswen taexun yuba bena yiniki En mia yuiai keska shinankin betsabu jatu yusinkin tapinmaidakubainwen. Diosun ninka keyuaya yusian betsa betsapakidi yui jau kemanameyamanunbun jatu nemakubainwen, tsua jatu medabewatidubumakidan. Jaskaibu tsuanda jatu ninkai e ixankanikiki, Jesucristo ikunwanpaidan. |
Matunabu ebe matu hãtxashunikabũ ea benabumaki. Moisĩ hãtxa una hayabia hawẽ ea unãbiakĩ yusinãbũ ea shinãbumaki. Matũ shanẽ ibubũ ẽ hãtxa betxipaiama ea danãkubainibuki. Ẽ hãtxa yuishunikabũ yushibu Baal hãtxashũkubainibuki. Yushibu dami tibi hawa merabewatirubumahaira hamẽ kẽwãkubainibuki”, ikĩ
Yushĩ hatu dami wamakĩ keyutã hawẽ hawa watimẽ? Hamẽ besti kẽwãtirubuki. Ha yushĩ damirã, hakiri hawẽ txani besti mia unãmakĩ yusĩtiruburã, hawẽ hawa watimẽ? Hamẽ besti nĩkatirubuki. Yushĩ dami haska hãtxatiruma tsuãra ha yushĩ dami wabiamisrã, haskatã haki txiti itirumẽ? Txanima hamẽ tsua haki txiti itirumaki.
Hamẽ tsuãra mabu mirimawẽ kemu bestikĩ itxawashũ ea ikũwãkĩ txibãma hatũmebi hatũ hiwekuĩa benushãkanikiki, eauma mawairã. Ha inũ, hatũ hiwea pakatã tsuã ana bitirumahairaki.
huni mukaya Elimas yuikĩ: —Diabo Satanásã bakeẽ, parananaĩ txani txakai dasibi pepaki mĩ sinatamiski. Haskai Yavé Deuskiri txani txakai Deuskiri bai mĩ nuku yushtu wamakatsis ikai?
Haskakẽ nenuari nukunabu nũ hatu yunuamabia buimashũ hatũ beyakiri matu yusĩkĩ matu itimaska waibu nũ nĩkaxinaki.
Jesus txibaĩbu nũ betsa betsapabukẽ Deusũ nukukiri xinãmis matu yusĩnũ nĩkakãwẽ, eskakirirã. Jesus Cristo habũ mã txibaĩbu betsabu ma huĩti kuxipa haya xinãkĩ dasibi piti betsa betsapa mã pimiski. Hanua betsaburi habũ tapĩ taewaibu huĩti babu mestẽriabumã nami pisbumaki. Haskawẽ taeshũ tsuara ha yurã ikũwãkĩ taewai haibu wakĩ hawara pimis inũ hawara pismakiri yuinamei habe ha irabeama uĩrakubaĩkãwẽ.
Txanima ẽ matu yuiaii. Yusĩa betsa naeshuma kuxipa hayama keskawẽ matu yusĩkanikiki. Huni betsabu humepakĩ matu parãkĩ Cristõ matu mekeakiri kakape betsa wakĩ habias hãtxawẽ matu yusĩabumaki. Hatũ yusĩa hãtxarã, hamẽ haki beparamekanikiki.
Nukũ Shanẽ Ibũ kenawẽ eska ẽ matu yuikĩ yunuai ea nĩkakãwẽ. Habũ Deus unãma benuabu ikaibu keskai ana hiweyamakãwẽ, habũ xinã txakabu benuawẽ haska hiwea unãma hamakiri kane kane akanikikirã.
Ẽ betsabu inũ ẽ puibuũ, Jesusũ nuku yununi hawẽ yusĩa nũ matu yusĩtanima mã unaĩwẽ taeshũ kenewẽri nũ ana matu keneshunai uĩrakãwẽ. Haska bari tibi Deus mã benimawatiru nũ matu yusĩkubainima mã akai keska wakĩ ana habiasri heneama akubaĩshãkãwẽ, iwanã, nũ matu ana yunuaii.
Ẽ betsabu inũ ẽ puibuũ, nukũ Shanẽ Ibu Jesus Cristõ nuku yunumiswẽ taeshũ nũ maturi yunuai, nĩkakãwẽ. “Nukubetã Jesus ikũwãkatsi ibiai tsuara nũ yusĩaĩ txibãma inũ beya bena nũ matu yusĩma danãkĩ akabumarã, ana hatukiri xinãyamakubaĩkãwẽ”, hatu dakewakinã.
Tsuabũra hatũ shenipabu hiwenibu tanakubainaibu inũ hatũ shenipabũ beya hawẽrua keska hatu yusĩ txakaibu hau nĩkayamanũbũwẽ, ha miyuirã, hamẽkirã. Haska yuimisbube hãtxanamei hau hamẽyamanũbũwẽ. Haska Deusũ abuai hawa hatu amakĩ merabewatirubumaki. Hakia Jesus Cristo ikũwãkĩ besti haska Deus yubakani abukĩ ikũwaĩ besti mã hiwetirubuki.
Haska tibi besti yui ha iki inũ hamẽ hãtxa txakabu txibaĩ yusĩa pepa txibãma kanekanikiki, hatũ xinã husitã benuirã.
Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.
Natianã, Deus inũ nukũ Shanẽ Ibu Jesus Cristo inũ hawẽ nai tsuma katuabũ habũ ea nĩkaibũ ẽ mia yunu kayabiai ea nĩkawe. Mĩ haibuaibu kasmai yura betsabu tsuãra hamapai mekĩ txakabu waxinamẽkaĩ, txakabu wamamẽkaĩ, bebũkiri txakabu xinãma dasibibu habias ma miki txaniaibũ besti unãti watã hatu pe wakubaĩwẽ.
Deusũ dasibi damiwakĩ hiwea hatu inãkĩ keyumis inũ nukũ Shanẽ Ibu Jesus Cristõ haska shabakabi huni dateama Romano shanẽ ibu Pôncio Pilatoski txanikĩ ma yuinitũ natiã nuku uĩaĩbũ mia merabewakĩ ẽ mia yunuaii.
Haskakẽ natiã ẽ mia yunukĩ yuairã, nĩkairawe. Deusũ hawẽ kuxipa pepa hau mia inãkĩ kayati wamanũ mia mamepishũ ẽ mia yukashuniki. Habiaswẽ ana kuxipai txi ketiãbu hi imis keskai ana mĩ kuxipa babu wayamawe.
Tsuabũra hãtxawẽ besti hamapai bemakis pepakiri xinaĩ kemanamei hãtxakĩ haska bestikiri xinaĩbu tsuabũra hatu nĩkai hatũ yusĩawẽ beyai shushatirumai atimapai pikukubaĩkanikiki.
Epa Deus inũ Jesus Cristo ha shanẽ ibuhairai hawẽ kuxipawẽ hushũ mawabu inũ hiweabu unãti washanaitũ nuku shabakabi uĩaĩbũ ẽ mia yunutxakayamai ea nĩkairawe.
Ikũwaĩbu hau eskakubainũbũ ẽ mia hatukiri xinãmaii. Habũ mae yunuaibu shanẽ ibubũ hatu hawakirira yunuabu hatu nĩkatã hau ashũkubainũbũwẽ. Hawa txikixama hamapai tibi hatu yunuabu: “Hamaki”, ikama hau ashũkubainũbũwẽ.
Haskakẽ yusĩa betsa betsapa benawakĩ matu yusĩaĩbu hatu hawa nĩkayamakubaĩshãkãwẽ. Hamẽ nũ Deus xinãkubainaibu nukuwẽ nuikĩ merabewakĩ nuku kuxipa wamiski. Hakia habu parananãkĩ betsa kaya hatũ beya pitikiri matu yusĩkĩ bikawaibu hatu nĩkayamakãwẽ, piti beya betsakiri txibãkĩ matũ huĩti tsuã ana kuxipa watirumakirã.
Natiã ẽ hiweyuarã, txanima haska ẽ xinãmis na hãtxawẽ matu e imakĩ matũ xinã ẽ ana matu mestẽwãmakatsis ikai ea nĩkakãwẽ.
Ana yushibu dami hawẽ parananaĩbu hiwea hayama txibãkĩ kẽwãyamakubaĩshãkãwẽ. Hiwea hayabumawẽ taeshũ hatũ matu mekekĩ merabewatirubumaki.