2 Timóteo 1:6 - Kaxinawá Bíblia (BR)

⁶ Haskakẽ natiã ẽ mia yunukĩ yuairã, nĩkairawe. Deusũ hawẽ kuxipa pepa hau mia inãkĩ kayati wamanũ mia mamepishũ ẽ mia yukashuniki. Habiaswẽ ana kuxipai txi ketiãbu hi imis keskai ana mĩ kuxipa babu wayamawe.

Kashinawa : Diosun Jesúswen taexun yuba bena yiniki

⁶ Jaskaken natian en mia yunukin yuaidan, ninkaidawe. Diosun jawen kushipa pepa jau mia inankin kayati wamanun mia mamepixun en mia yukaxuniki. Jabiaswen ana kushipai chi ketianbu ji imis keskai ana min kushipa babu wayamawe.

2 Timóteo 1:6 Referencias Cruzadas

Isaías 43:26

Ẽ matu haska wamismẽkaĩ, mã ea txitekatsis ikairã, unanepa pewanika anushũ pewanãkãwẽ. Mã ea txitekĩ pepa kaĩmaimẽkaĩ, txanikĩ ea uĩmai bekãwẽ, nũ uinananunã.

Lucas 19:13

Txai mae betsa anu kariama hawẽ dez dayashunikabu kenashũ pei heshe itxapahaira ha tibi hatu inãkeaketã hatu yunubaĩkĩ: “Ẽ huriama na ẽ peiwenã, hamapai tibi bitã hawẽ inãnanãkĩ ana binumashãkãwẽ”, hatu watã txai kaimakẽ

Hechos 19:6

hatu haska watã ha 12 hunibuki hatuki mamepikũkaunaya Deusũ Yushĩ Pepa hatuki butuakeakeaya hanua habu tibiki nawã hãtxa betsa betsapawẽ hãtxaisbumabiakẽ hatũ hãtxawẽ Deusũ hãtxa hatu yuimakĩ meshtãmanikiaki.

Hechos 6:6

Jesusũ kuxipayabu anu hatu iyuabu hanushũ hatu unãti wakĩ mamepishũ Deus hatu yukashũkĩ hatũ merabewanikabu hatu wanibukiaki.

1 Tesalonicenses 5:19

Tsuabura Deusũ Yushĩ Pepatũ merabewa hawẽ kuxipawẽ dayaibu nematimaki.

1 Timóteo 4:14

Ha inũ, mĩ mae anushũ Jesus Cristonabu mekenikabũ mia mamepishũ Deus mia yukashunabu hawẽ Yushĩ Pepa mia yunua mia kuxipa wanirã, unãnumas hamakiri hãtxama haska Deusũ mia merabewani hakiri besti hãtxai dayakũkaĩwẽ, kaneamarã.

1 Timóteo 4:6

Na haska hãtxa kayabi ẽ mia yuiairã, nukũ betsabu inũ nukũ puibũ ikũwaĩbu habiaskari hatu yusĩkubaĩwẽ. Haskakĩ hawẽ ikũwãti hãtxa mĩ haya inũ yusĩa pepa mĩ txibaĩ ana hawẽ huĩti kuxipakũkaini Jesus Cristõ tsuma pepa mĩ ikũkaĩshanaii.

2 Timóteo 2:14

Ẽ mia yuiai keska xinãkĩ betsabu hatu yusĩkĩ tapĩmairakubaĩwẽ. Deusũ nĩka keyuaya yusĩa betsa betsapakiri yui hau kemanameyamanũbũ hatu nemakubaĩwẽ, tsua hatu merabewatirubumakirã. Haskaibu tsuãra hatu nĩkai e ishãkanikiki, Jesus Cristo ikũwãpairã.

2 Timóteo 4:2

Eska ẽ mia xinãshunairã, Deusũ hãtxa hatu tapĩmakĩ hawa heneama bari tibi benuama akubaĩwẽ, hanu nĩkakatsis ikĩ nĩka pewaibutiã inũ hanu nĩkakatsi ismabia inũ hanu bika teneaibutianã. Haska wakĩ hatu ikũwãmakĩ hatũ txakabu hatu henemakĩ hatu benimawakĩ hatu yusĩ hĩ hĩ ikama akubaĩwẽ.

Hebreus 6:2

hatu naximakatsi hatu yusĩakirirã, habũ Cristo ikũwaĩbuki mapepishũ hatu Deus yukashũtikirirã, mawabu ana bestẽshanaibukirirã, Deusũ hatu unãti watã hanu hatu bika tenemapakeshanaikiri haskas yusĩawẽ besti nũ matu yusĩtirumaki.

2 Pedro 1:12

Ma bebũkiri txanima hãtxa matu yusĩabu unãkĩ mã mestẽwani mã hawẽ hiwea haska dasibi matukiri xinãkĩ eãri matu xinãmakĩ ẽ henekatsi ikamaki.

2 Pedro 3:1

Ẽ betsabu inũ ẽ puibuũ, matuwẽ nuikĩ ana ẽ matu keneshunairã, eskawẽ taeshũ ẽ matu ashuaiĩ.

Judas 1:5

Egito anua Israelbu Deusũ hatu tashnimabirani mã unãbiaya haskakiri mã xinãnũbũ ana matu yuinũ nĩkakãwẽ. Ma hatu pashawabiaima Israelbu habũ Deusũ hãtxa ikũwãkatsi ikama danaĩbuwẽ taeshũ hanu tsua hiweabumanushũ Yavé Deusũ hatu kupikĩ tenãkubirani mã unaiĩ.