Enabu pakubaĩkĩ Senhor Deuski mesekĩ kẽwãshãkanikiki. Hakiri hãtxakĩ yuibaũshãkanikiki, pakubaĩkĩ hakiri yui heneamarã.
1 Pedro 2:9 - Kaxinawá Bíblia (BR) Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki. Kashinawa : Diosun Jesúswen taexun yuba bena yiniki Janua matudan, yuda xuku betsa matu katuniki. Ja inun, xanen ibu binua Diosbe janchaxunikabu matu dasibi wakin ikunwainbu medibi xukua betsa matu wakin Diosun ibu wakin bechipaikin jawenabu matu wadianiki. Jaskawen taexun jakidi jawen daya pejaida Dioskidi man chanikubaunxanunbun man meshu medan ika keskaxun chakabu wamisbu janua matu kenakin Criston xaba jawendua anu matu jikimakin jiwemakatsi matu taxnimaniki. |
Enabu pakubaĩkĩ Senhor Deuski mesekĩ kẽwãshãkanikiki. Hakiri hãtxakĩ yuibaũshãkanikiki, pakubaĩkĩ hakiri yui heneamarã.
Senhor Deusũ hawena wakatsi hatu katunirã, ha hiweaburã, habe hiwei benimakubaĩkanikiki.
Eã haska shinaĩbu keska ẽ shinãshinarã, mĩ bakebu bai betsa hatu yusĩkĩ parãkĩ ẽ hatu benukeãshinaki.
“Jacó enabu Israelbuũ, ea nĩkakãwẽ. Ha betxipaikĩ ẽ katuni ẽ tsuma ẽ haibu Abraão mã hawẽ bababuki.
Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.
Senhor Deusũ hatu yuikubaĩkĩ: “Jacó enabu mã Israelbu inũ, mã ẽ tsuma ẽ katuabuũ, natiã ẽ hãtxa nĩkakãwẽ.
Habũ matu kenakinã: “Habu Senhor Deusũ tsumaburã, hawenabu Deusbe hãtxashunikabuki”, matu washãkanikiki. Nawabu txaikeshũ hatũ hamapai ibubis matu beshuãbu mã hawẽ benimai shinã txãkãshanaii, hatũ tari hawẽrua inũ hatũ dauti pepa sawea mapuarã.
Ha yurabu meshu merã punu nuka mapua keskabu ẽ hatu merabewaya bĩ ewapa txasha tashnia ea hawa unãbuma ha nawabu meshu merã hiwea keskabũ ha bĩ uĩshãkanikiki.
Haskawẽ taeshũ Senhor Deus kushipahaira dasibi binu keyuatũ matu banabimakĩ yuikĩ: “Israelĩ enabu hau ea anu ana txĩtũshanũbũ shaba betsa ẽ hatu pewashũkubainaii. Huni betsa hawẽ huni bakẽ hawẽ epa dayai merabewakubainai hawẽ epa hawẽ nuimis keskai eari enabuwẽ ẽ ana nuishanaii, matũ txakabu ana shinãmarã.
Bĩ txashamis keskai hawa huneama merabenaĩ hiwekubaĩshãkãwẽ, matũ hãtxa nĩkakĩ mã pepaibu xinãkĩ habũri hau Epa Deus kẽwãshanũbunã— iwanã,
Yurabu hatũ txakabuwẽ taea atimapanu mawai benui bupanãbũ mexu tẽ ikai anua bĩ txasha watã nuku inã keska wakĩ nũ habu hiweyuabu nũ hawẽ unãnuma hiwei kai nuku yusĩshanikiki”, inikẽ
Hatuwẽ taea ea dukũ iki ẽ hatu meribishũshanaii. Haskawẽ taea txanima haburi hau mĩ hãtxa txanima kayabiwẽ meribirianũbunã, hawa kanetimarã.
Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.
Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.
Haska tibi nukukiri akinã, nũ judeubu bestima judeubumari Deus hatuwẽ nuikĩ hatu duawakatsi ikĩ bebũkiri haska tibi nuku dasibi katuniki.
Tsuãra ha Deusũ hiwe txakabu wakĩ nuitapawamis ha yurari Deusũri nuitapawariashanikiki. Hakia ha Deusũ hiwe meribi peparã, habia mã matuki, hiwe keskarã.
Deusũ hawẽ Yushĩ Pepa matu inãkĩ haska bebũkiri matu yubakĩ nai anu habe matu hiwemakatsi matuki tanani hawẽ unãti mã ma hayaki, hawẽ Yushĩ Peparã. Haskakẽ hawatiãra nuku meneshũkĩ hawenabu nuku wanishũ nuku shabakabi bepẽshũ uĩmashanaiwẽ taeshũ dasibibũ Deusũ kuxipa pepa kẽwãkubainãkãwẽ.
Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.
Jesus Cristo nũ txibaĩbu ikũwaĩ betsabubetã Deus kẽwãkĩ heneama duawakubainãkãwẽ, niti ikamarã. Haskakirã.
Senhor Deusũ Egito anua matu mebikinãkirãkĩ matu pashawakinã, hawena wabirãkĩ matu iweniki. Na habiatiã mã hawenabuki.
Haska Jesus Cristowẽ nuku Deusũ yubani haska nai anua haki nukukĩ haria bishanũ ika nĩkamas Jesus ẽ dayashũkũkainaii.
Uatiã nũ Deus unãma mexu txakabũ nuku tsumabiakẽ Deusũ nuku putamaniki, hawẽ bake ha abuaitũ hawẽ shanẽ anu nuku iyukinã.
Eska Deusũ bebũkiri xinãnirã, hawara pepa nũ amiswẽ taeama hakia haska Deusũ na mai anu hawa wariamahairabia bebũkiri hawẽ xinã duapawẽ taeshũ hawẽ hãtxawẽ hiwei nũ hawenabu meribi pepakubaĩshanũbũ nukũ txakabuwẽ nuku kupikatsi ikama haska yubakaniwẽ taeshũ tsuabũra Jesus Cristo ikũwaĩbu nuku katukĩ kenanishũ natiã nuku ma mekekubainikiki.
Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.
Epa Deusũ tsuabura katukatsis ikĩ bebũkiri haska xinaĩ keska mã ishanũbũ hawẽ Yushĩ Pepawẽ matu pewanishũ ma matu meribi waniki. Haskawẽ taeshũ mã txibãkubaĩshanũbũ hawẽ himiwẽ Epa Deus daewakĩ Jesus Cristõ matũ txakabu buaniki. Hawẽ taeshũ Epa Deusũ hawẽ pepa itxapa yauxiama matu inãkĩ hau matu unãnuma hiwemakubainũwẽ.
Mã haskakũkainaya mã Jesus ikũwaĩbu dasibi mixki hiwe keska wakĩ hawẽ kẽwãti kayabi matu wakubainikiki, haskai duanamei mã ma haki dasiaburã. Matu dasibi mã Deusbe hãtxashunikaburã, mã hawenabu meribiki. Jesus Cristo mã ikũwaĩbuwẽ taeshũ haska Deusũ abuai akĩ mã Deus benimawakubainaii.
Haska inũ, tsuãra yusĩkatsis ikinã, Deusũ matu yusĩmis keska besti hau hatu yusĩkubainũbũwẽ, ibubis hatũ hãtxawẽ akamarã. Ha inũ, tsuãra yura betsabu merabewakatsis ikĩ haska Deusũ matu kuxipa inãmis hatu uĩmakĩ hau hatu merabewakubainũbũwẽ. Hawara betsa betsapawẽ merabenãkĩ mã akubainairã, hawẽ Deus hatu kẽwãmakubaĩkãwẽ, Jesus Cristowẽ taeshunã. Mã hatu haska wakubainairã, Jesus Cristo shanẽ ibumis dasibi kuxipa pepa hawenaki, ikibi ini hawẽ kuxipa paepa heneismarã. Haskakirã.
Na habiatiã hawẽ Epa Deus dayashuni nuku habe hãtxanika wakĩ hatũ nuku shanẽ ibu keska waniki. Haskawẽ taea dasibi hawenas kuxipa haya inũ pepa hayakẽ niti ikama kẽwãkubainãkãwẽ. Haskakirã.
Ha inũ, Deusũ hawenabu wakĩ meribi wanishũ habu dukũ bestẽwanã, benimahairashãkanikiki. Haburã, ana hawa hatũ kuxipa mawa dabeki hayamahaira ishãkanikiki. Haskawẽ taea Deus inũ Jesus Cristo dayashuni hãtxashuni besti habe shanẽ ibui 1.000 ano habe shanẽ ibushãkanikiki.
Deusbe hãtxashunikabu mĩ ma hatu waniki. Deusbe hanu shanẽ ibushanaibu hatu wanishũ mai anua habu shanẽ ibushãkanikiki. Haskakẽ miã besti Deusũ una bishũ mĩ txuretiruki. Mĩ pepahairaki”, akaibũ
Senhor Deusũ matu hawenabu waniwẽ taeshũ hawẽ kena pepawẽ shinã betsa wama matu henebainamaki.