Malaquias 3:17 - Kaxinawá Bíblia (BR)

¹⁷ Haskawẽ taeshũ Senhor Deus kushipahaira dasibi binu keyuatũ matu banabimakĩ yuikĩ: “Israelĩ enabu hau ea anu ana txĩtũshanũbũ shaba betsa ẽ hatu pewashũkubainaii. Huni betsa hawẽ huni bakẽ hawẽ epa dayai merabewakubainai hawẽ epa hawẽ nuimis keskai eari enabuwẽ ẽ ana nuishanaii, matũ txakabu ana shinãmarã.

Malaquias 3:17 Referencias Cruzadas

Salmos 115:13

Tsuabura shanẽ ibu inũ shanẽ ibuma Deuskiri pe hãtxamisbu Deusũ habu duawakĩ pepawakubainikiki.

Êxodo 19:5

Hanũkaĩ ẽ hãtxa nĩkakĩ ẽ yubati hãtxa mã txibãkubainaya mai hirabi enaswẽ taeshũ nawa shukuabu tibi anua ẽ matu katuni enabu pepabus mã ikũkaĩshanaii.

Êxodo 32:32

Habiaskabiakẽ eanã, ẽ mia hatu ea ashuaiĩ. Mĩ hatũ txakabu buakĩ ana shinãma mĩ hatu kupiamarã, haska peki. Hamẽ hatũ txakabu shinãkubaĩkĩ mĩ hatu kupikatsi ikairã, minabu hawẽ tanati una anua ẽ kena mĩ eki kenenirã, ẽ kena ea tere ariawe— aka

Isaías 43:1

Hakia natianã, Jacó enabu Israelbuũ, nĩkakãwẽ. Senhor Deusũ matu dami wanitũ matu yuikĩ: “Dateyamakãwẽ, matu iyunibu haria hatu putamabirãkĩ ẽ matu tashnimabiranimaki. Eã matu katunishũ matũ kenawẽ kenakĩ ena ẽ matu waniki.

Jeremias 31:33

Hawatiãra Israelĩ enabube eska ana yubakai ẽ benashanaii. Ẽ yusĩti hãtxa hatũ huĩti anu mistua keska wakĩ hatũ shinã merã ẽ kenea keska washanaii. Hatũ mekenika Deus ẽ ikũkaĩshanaii. Haburã, enabu ikubaĩshãkanikiki. Ea ẽ Senhor Deusũ ẽ hãtxa ẽ mestẽwaiĩ.

Malaquias 1:6

Senhor Deus kushipahaira dasibi binu keyuatũ habe hawenabu hãtxashunikabu hatu yuikĩ: “Huni bakebũ hatũ epa nĩkakĩ hatu duawakubaĩmisbuki. Hawẽ tsumabũ hawẽ shanẽ ibu nĩkai haki datekubaĩmisbuki. Hakia earã, ẽ matũ Epa kayabiki. Haskakĩ ẽ hãtxa nĩkakĩ mã ea duawaismamẽ? Ha inũ, ẽ matũ shanẽ ibubiakẽ haskai ea nĩkai mã eki datekũkaĩsmamẽ? ẽ ibiaya ea danãbiakubaini hãtxa txakabukĩ yuikĩ: ‘Hawa haska wakĩ nũ mia danãmismẽ?’ mã ikaya

Malaquias 4:3

Ha shabatiã ẽ matu pewashũkubainai huni txakabubu mã pema pema akubaĩshanaii, mai mishpu pema keska wakinã.

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

João 17:24

—Epaã, mai damiwakĩ taewariama mĩ ea abukĩ ea txashakapa hawẽruawakĩ taewani mĩ habiaskari ea wai hau ebe hiwekĩ uĩshanũbũ habu mĩ ea yununi ebe hatu hiwemashãwẽ— iwanã,

Romanos 8:32

Haska inũ, hawẽ bake hawa yauxitaskama yunua tashnitã mawakĩ nukubu nukũ txakabu nuku buashuniwẽ taeshũ nũ habu Jesus Cristoki dasiabu hawẽ taeshũ nuku duawakĩ hamapai tibi hawẽ bakewẽ nuku ashunishũ Deusũ nuku ashũkubainikiki.

1 Coríntios 15:23

Hanua Cristo hawẽ yura Deusũ bestẽwanikẽ ha habũ ikũwaĩbu hawenabu mawabu haska Cristo ini keskai ana Cristo huaya dasibi hatũ yura Deusũ bestẽwãkĩri keyushanikiki.

2 Coríntios 6:18

matu haska watã ẽ bakebu matu wai matũ epa ẽ ikũkaĩshanaii”. Deus kuxipa dasibi binuatũ yuiai hawẽ hãtxa yuishunikabũ nĩkatã keneniki. Habiaskari ẽ matu yuiaii.

Gálatas 5:24

Hakia Jesus Cristo cruzki mastabu mawani keska wakĩ nũ Jesus ikũwaĩbu nukũ txakabu itxawatã Jesusbe cruzki nuku mastashunibu keskaki, ana txakabu nũ meyamanunã.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.