Malaquias 3:16 - Kaxinawá Bíblia (BR)

¹⁶ Hamẽ betsarã, eska txanikiki. Tsuabũra Deus duawakĩ kẽwaĩ hãtxanamei mapushũ hatũ hãtxa habũ yuiai Senhor Deusũ hatu nĩkakĩ hatu betxipaiaya hanua naiurishũ haska habũ shinãkubainaibu Senhor Deus bebũ hawẽ hatu shinãmati una kenekĩ hatũ kena tibi habũ Senhor Deus duawamisbu tanakĩ kenekĩ netanibukiaki.

Malaquias 3:16 Referencias Cruzadas

Gênesis 22:12

nai tsumã yuikĩ: —Mĩ bake haska wakĩ tenãyamawe. Deuski mesekĩ mĩ bake bestitxai mĩ haki hawa yaushiama ẽ unaiĩ— akaya

2 Samuel 7:1

Hawẽ hiwe hawẽrua pepawẽ Davi ma unanuma hiwekaĩkĩ haki sinataibu hiwebiabaunabũ Senhor Deusũ Davi hatu nemashũkĩ daewamakubaina Davi ana bika teneama

1 Reis 18:12

Mĩ ea haska wamatiru mia yuinũ nĩkawe. Ẽ mia henebainaya hanu ẽ unãma anu Senhor Deusũ Yushinẽ mia iyuaya Acabe anu kashũ mikiri ẽ banabima nenu hua Acabe miki nukukĩ mia betxiama yuikĩ: ‘Mĩ txanitxakaii’, ishũ ea tenãshanikiki. Ẽ mĩ dayarurã, hamẽ berunãtũ Senhor Deus kẽwãkĩ taewanishũ hawa heneama ẽ kẽwãriakubainaii.

1 Reis 18:3

Obadiasĩ hawẽ shanẽ ibũ tsumabu yunukĩ hawẽ hiwe anu dasibi mekeshũmis Senhor Deuski mesehairakĩ hawẽ hãtxa txibãkĩ kẽwãkubaĩmis Acabẽ ha hawẽ dayanika shanẽ ibu habe hãtxakatsi kena hunikiaki.

Neemias 1:11

Mibe hãtxakĩ ẽ mia ea akai ea nĩkawe. Senhor Deusuũ, ẽ shanẽ ibu ewẽ nuimawe. Ha ẽ shanẽ ibu Artaxerxes ewẽ nuikĩ ekiri pe shinãyã haskawẽ taeshũ ẽ mia duawakatsi haskakiri ẽ mia yukaii”, anikiaki. Ea Neemiasinã, shanẽ ibuhaira Artaxerxesĩ nushuti pewakĩ hawẽ kẽtxaki hushkeshũ dau hayamẽkaĩ, iwanã, eã dukũ metã hawa dau hayamakẽ ẽ amakubainiki.

Ester 2:23

nĩkatã hawẽ shanẽ ibu beshmasbũ: “Haska txanimamẽkaĩ?” ikaĩ hau nĩka pewanũbũ Assuerõ hatu yunua bushũ kushipawẽ yuka ibaũkĩ: “Txanimaki”, iwanã, tapĩshũ Assuero yuiabu detenamenika yununika dabe Bigtã inũ Teres habia dabe tenesh shũ hau dũtanũbũ hatu yunua hawẽ hãtxa nĩkakĩ hawa kaneama ashuãbu shanẽ ibuhairatũ uiãyã haska shanẽ ibũ akubaĩmis una anu hau hawenabũ hatukiri tapĩkubaĩshanũbũ ha huni dabe inũ haska Mardoqueũ merabewashinakiri hawẽ keneshunikatũ hatu keneshunikiaki.

Ester 6:1

habias meshu merã shanẽ ibuhaira Assuero haskatã ushatirumawẽ taeshũ haska shanẽ ibubũ akubaĩmisbu miyui unaki kenekubaĩmisbu bitãshũ hui kushipawẽ hau yuishunũbũ hatu yunua kashũ bitãshũ miyui kene yui taewakĩ

Salmos 115:13

Tsuabura shanẽ ibu inũ shanẽ ibuma Deuskiri pe hãtxamisbu Deusũ habu duawakĩ pepawakubainikiki.

Salmos 139:4

Senhor Deusuũ, ẽ hawara hãtxai kai ha hãtxa ẽ tashnimariama bebũkiri mĩ ma unaiĩ.

Salmos 16:3

Ha enabu hatiri meribi mia hiweshũkĩ habũ mia besti kẽwãmisburã, hatuwẽ benimai ẽ shinã txãkãkũkaĩmiski.

Salmos 20:7

Nawa betsabũ hatũ detenameti tarãbaĩti itxapa tanamisbuki. Hanushũ betsabũ hatũ cavalo itxapa tanariamisbuki. Hakia nukubunã, nukũ Senhor Deuski txiti ikĩ ha besti nũ yuimiski.

Salmos 33:18

Hakia tsuabũra haki mesei inũ hakiri pe hãtxakĩ nũ yuimis Deus nukuwẽ nuimis nũ ikũwaĩbu nuku putama nuku mekekubaĩmiski,

Salmos 34:15

Senhor Deusũnã, tsuabũra hawẽ yusiã txibãkĩ duawamisburã, hatu mekekubaĩmiski. Hanushũ habũ ea akaibu shabakabi hatu nĩkariamiski.

Êxodo 32:32

Habiaskabiakẽ eanã, ẽ mia hatu ea ashuaiĩ. Mĩ hatũ txakabu buakĩ ana shinãma mĩ hatu kupiamarã, haska peki. Hamẽ hatũ txakabu shinãkubaĩkĩ mĩ hatu kupikatsi ikairã, minabu hawẽ tanati una anua ẽ kena mĩ eki kenenirã, ẽ kena ea tere ariawe— aka

Provérbios 13:20

Unanepabube haibunãtanã, hawẽ unanepa hãtxa mĩ tapĩkubaĩshanaii. Hakia unaĩsmapabube haibunãkinã, hatũ txakabu tapĩkĩ matũ beya pepa mã putashanaii.

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

Lucas 2:38

José inũ Mariaki nukutã hari benimakĩ Deus kẽwãtã haska Deusũ Jerusalémkiri yubani dasibibũ manaibu Anã uĩwãxĩshũ Jesuskiri hatu yuikĩ kaka wakubainikiaki.

Hechos 1:13

haskabirani ha mae anu hikitã hanu ikabu hiwe keyatapa dĩtu merã mapekenibukiaki, Pedrorã, Joãonã, Tiagorã, Andrérã, Filiperã, Tomérã, Bartolomeurã, Mateurã, Alfeũ bake Tiagorã, Simão Zelote hatũ nawabu nitxĩkatsis imisrã, Tiagõ bake Judasrã.

Hechos 10:2

ha huni pepa enayamistũ hawẽ hiwe anu hatube hiweabubetãs Deus kẽwãkubainikiaki, hanushũ judeubu nuitapaibuwẽ nuikĩ merabewanũ, iwanã, hatu pei inãshuni inũ Deusbe hãtxai heneismarã.

Hechos 2:1

Hanua ana betsatiã judeubu Pentecostes nawai besiaibũ Jesus ikũwaĩbu dasibi hanus itxabũ

Hechos 9:31

Ha haskaibutiã ikũwaĩbu Judéia mai pakea anuabu inũ, Galiléia mai pakea anuabu inũ, Samaria mai pakea anuabu itxakawakĩ ana tsuã hatu meabuma unãnuma hawama hiwei hanua ikũwaĩbu kuxipai Deus kuxipaki meseaibũ hawẽ Yushĩ Pepatũ hatu merabewaya ana itxapabũ ikũwaĩ mirimabu hatuki dasikubaini hiwenibukiaki.

Efésios 5:19

Eska tibi bestiwẽ yuikĩ kẽwãkubaĩkãwẽ. Mã hatubetã ikũwaĩbube Deuskiri nawati tibiwẽ nukũ Shanẽ Ibu kẽwaĩ huĩti hirabiwẽ benimawakubaĩkãwẽ.

1 Tesalonicenses 5:11

Haskawẽ taea ana Jesus ikũwãkubaini heneama betsabube benimai kuxipanamekubaĩkãwẽ, mã ma ikũkaĩmis keskai heneamarã.

1 Tesalonicenses 5:14

Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.

Hebreus 10:24

Ha inũ, nũ habũ ikũwaĩburã, merabenaĩ abunamei pepai duanamekubainãkãwẽ.

Hebreus 12:15

Tsuabura Deusũ inãkuĩ pepa danãma hau hayai keyunũbũwẽ. Hamẽ haskama tsuara mã huĩti sinayarã, sika tatxa paepa keskatũ hatu daũkĩ akawakĩ yurabu mã hatu danãmatiruki. Uĩrakubaĩkãwẽ.

Hebreus 3:13

Haskama matuburã, haska Deusũ hãtxa natiã txaniaya natiã besti matũ xinã mã hawaira pewatirubuki. Haskawẽ taea manama benimarabe bestinãkãwẽ, bari tibirã, hau tsuã taska betsa matu parãyamanũbũ inũ txakabũ matu meshtea txĩtuĩ matũ huĩti mã kuxiyamanũbunã.

Apocalipse 15:4

Mia besti meribi hiwea mĩ kaneisma unãkĩ yurabu betsa betsapa dasibibũ mia yui mesewai datebetanã duawakĩ mia kẽwãshãkanikiki, mĩ pepawẽ kaneama mĩ akubaĩmiswẽ taeshunã”, akaibũ

Apocalipse 20:12

hanua dasibi shanẽ ibubu inũ shanẽ ibubuma mawanibu ana bestẽtã Shanẽ Ibũ besuuri mapuabũ hawara betsa betsapa akubainibu Deusũ haki kenemis una itxapa bepẽtã hanua una betsa tsuabũra Deus txibãkĩ Jesus ikũwaĩ niti ikama Deusbe hiwekuĩshanaibu habũ kena Deusũ haki keneriakubaĩmis una betsa hawẽ hiwemati kene bepẽriashũ ha habu hiweshũ haska wamisbu hatukiri ha unaki kenekubaĩmisshũ dasibi mawanibu ana bestẽa mapuabu habis hatu yuikĩ hatu unãti wakeakeaya