Isaías 42:16 - Kaxinawá Bíblia (BR)

¹⁶ Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.

Isaías 42:16 Referencias Cruzadas

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Isaías 32:3

Habũ berurã, pehaira hatu uinũ ika beru hã ikabu inũ nĩka pewanũ ika paweshpai keyutã hatu nĩkakatsis ishãkanikiki.

Isaías 35:5

Hanushũ bekũbu bepeshetã uĩshãkanikiki. Patabu pape ikĩ nĩka pewashãkanikiki.

Isaías 35:8

Habianuri kapuketi bai betsa hawẽ kena kenakinã, “Bai Meribi Deusunaki”, ashãkanikiki. Tsuabũra hatũ txakabu pewai txukisbuma ha baiwẽ butirubumaki. Nĩkaisbumari hanu mapui hawẽ kapuketirubumariki.

Isaías 40:4

Napaku tibi pewakĩ mai mata wakĩ mati matipa pãpa wakĩ mai shãtu shãtupa inũ mati matipa betsa wakĩ dasibi sapa wabaĩkĩ pewashũshãkãwẽ.

Isaías 41:17

Enabu nuitapai hawa pei hayabumã ũpash benabiai ibubis betxiabumaki. Ũpash manui hatũ hana tashkai tetsusĩbiaibũ hakia ea Senhor Deusũ ẽ hatu amashanaii. Israelĩ mekenika Deus eanã, henekĩ ẽ hawa hatu putabainama ishanaii.

Isaías 41:3

Hatuki sinataibũ hatu txibãbiabainabu hawa tsuã hatu meama unanuma hatu dete dete abaĩkĩ hatũ taewẽ kati bai metsamaisma keska wakĩ, tsuã hatu amakubaĩyamamẽ?

Isaías 45:2

“Mĩ kai bebũ mia bebũ kakĩ mati tibi ẽ mia pureshũkubaĩshanaii. Mane bronze beputi tibi ẽ mia taskeshũkubaĩshanaii. Mane ferro shui mestẽwãti tibi ẽ mia teke teke ashũshanaii.

Isaías 45:7

Bari txashati inũ, meshu inũ, benimai hiweti inũ, hamapaiwẽ bika teneti sharabu pawakĩ ẽ dami waniki. Na haska tibi dami wakinã, ea Senhor Deusũ anishũ ẽ akubaĩmiski”, iwanã,

Isaías 52:12

Habu mã kaĩbaĩshanaiburã, Israelbũ Senhor Deusũ matu keshea akekebainaiwẽ taea kairã, hĩ hĩ iki hawaira kaĩbainama inũ hunebaini pashayamashãkãwẽ.

Isaías 54:13

Hanushũ eanã, mĩ bakebu dasibi ẽ tapĩmashanaii. Habu dasibirã, benimai hawẽruai unanuma hiweshãkanikiki.

Isaías 58:10

buniaibu miã kayabis mã hatu merabewakĩ pimai inũ, hawara bika teneaibu mã hatu merabewamisrã, haskai mã pe hiwea meshu merã bĩ txasha keska matu uĩshãkanikiki. Kanei mã txakabubiashĩkẽ tsuã ana haska shinãma bari mananãbi bari peshea keska pe besti matu uĩshãkanikiki.

Amós 5:8

Bishi shukuabu hawẽ kena Sete-estrelo inũ Órion dami wakĩ Senhor Deusũ aniki. Hatunã, meshu betsa wakĩ shaba tashnimamiski. Hanushũ ha shaba anua maewakĩ meshuri tashnimariamiski. Ianẽwã anua hau hene inabainũ kena ana inabaĩ niri ikĩ mai anu metxa wakubaĩmiski. Mishki kenebaunibu kushipabiakẽ hatũ hatu di amakĩ ha maewã merã hatũ hiwe kushipa hatu yamawamamisrã, hawẽ kena Senhor Deuski.

Lucas 3:5

Napaku tibi buakĩ mata washũ mati tibiri pewakĩ pãpa washũ shãtu shãtupari keyu buakĩ pãpa washũ hawẽ bai pewashuna keska wakĩ hatũ hiwea pewatã

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Efésios 5:8

Ha inũ, uatianã, nukũ Shanẽ Ibu unãkĩ ikũwãriama txakabui mexu merã ika keska mã hiwenibuki. Hamẽ eskatianã, Cristo ikũwaĩ haki dasitã matũ xinã maewatã mã betsahairawa mã ma shabaki pesea keska hiweabuki. Haska mã ma tapiã xinaĩ pe hiwekubaĩkãwẽ.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.

Josué 3:4

Hakia haskaira hatu dapihaira buama benãta duakabi bukĩ hatu txibãkubaĩshãkãwẽ, 1.000 metro niti ikubainirã. Hariri nuku iyuaibu hatu uĩtã hatu txibãkubaĩshãkãwẽ, hariri nuku iyuaibu ha bai mã unãmakirã”, hatu wakeakeaibũ

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.