Ñemohenda
VERSOS PARA FUNERAL - VELÓRIOS
Ikatuete ningo ñane ánga ohasa asy jave ko yvy árigui. Ñane korasõ japysakapa, jahechaga’u ñande py’apy, ha upéva normaliterei. Péro ani rejapo heta tiémpo upe ñembyasýpe. Ñanemandu’ákena ñande pytyvõhára Espíritu Santo rehe, ha’e ñanekonsoláta ha ñanemombarete jey ñane akãrague ha ñane korasõme. Ha’e ome’ẽta ñandéve py’aguapy.
Jeroviáramo, jaikuaa ko yvy ape ári ñande rekove opa vove, jaha peteĩ tenda iporãvehápe, ñande Ruvicha Jesucristo ypýpe. Haimete opavavévante ñandehegua oho raẽ ñandehegui upe tendápe. Upévare, ñane korasõme jajerovia va’erã ha’ekuéra oĩha peteĩ tenda iporãvehápe, ha ja’agradese va’erã Ñandejárape heko resape’a haguére.
Ñandejára ñandeapo rire, jaikuaa ñande rekove Ha’e mba’eha. Ñandejára Ñe’ẽ he’i: Jaikóramo, Ñandejárape g̃uarã jaikove, ha ñamanóramo, Ñandejárape g̃uarã ñamano. Jaikove térã ñamanóramo jepe, Ñandejára mba’e ñande. Upévare, eñemoĩ Ñandejára pópe ha eheka py’aguapy Ipytyvõ rupive. Ejerovia Ñandejára oĩha nde ykére opa árape, ha Ha’e oipota nembopy’aguapy ha nembotuicha jey ne ãngame. Eme’ẽnte chupe nde rekove ha eheja Ha’e omba’apo nde py’a’eve rehe.
Jesús he’i va’ekue (Juan 11:25): “Che hína pe ñemoñepyrũ ha pe tekove; upe ojeroviáva cherehe oikovéta, omano’ỹre jepe”.
Pema’ẽna mba’eichagua mborayhúpa Ñanderuete ome’ẽ ñandéve, ñañembohéra hag̃ua Ñanderuete ra’ykuéra ha rajykuéra, ha umivahína ñande voi. Upévare Ha’érupi ko múndo nañandekuaái, ndoikuaáigui ichupe.
Ymaite guive Ñanderuete ñandeporavo jaiko hag̃ua ita’ýra ha itajýra ramo Hesu Crísto rupi, imba’eteerã ramo hembipota porã rupi,
Ñanderuete katu ohechaukáma imborayhu ñandéve, Hesu Crísto omanóvo ñanderehehápe, ñande jaiko ramojepe angaipa (Aña) poguýpe.
Nde katu, ore Ruete, reguenohẽva’ekue ichupekuéra ijejopy vaígui, Nde rehayhúgui ichupekuéra rehechauka nde pu’aka.
Ñanderuete oĩhína nde apytépe, ipu’aka nemo’ãta, Ha’e ovy’áta nendive, nderayhúgui okirirĩta, vy’apópe osapukáita nderehe.
ha pe esperánza Ñanderuete rehe nombotavymo’ãi avavépe, Ñanderuete mborayhu omyhenyhẽgui ñande py’apy imborayhúgui, ha opaite ko’ã mba’e oñeme’ẽ ñandéve Pytu Porãmbáva rupi.
ni yvategua térã yvy guypegua, ni ambue pu’aka ndaikatúi ñandepe’a Ñanderuete mborayhúgui, ojehechaukámava Ñandejára Hesu Crísto rupi.
Ñanderuete ñandesalvava’ekue ipy’aporã ha imborayhu rupi,
ndaha’éi yvyarigua rembiapo porã rupi, iporiahuvereko rupi uvei Ha’e ñandesalva pe ára ñande jajebautiza ha ñanemonace pyahu jevy ramoguare pe Pytu Porãmbáva rupi,
Hesu Crísto tapenepytyvõ pehechakuaa porã hag̃ua pende py’apýpe Ñanderuete mborayhu añeteguáva ha peha’ãrõkuaa hag̃ua Hesu Crísto ou jevy peve.
Ymaite guivéma Ñanderuete oñeñanduka chéve, ha he’i: Che rohayhuete, mborayhu apyre’ỹme, upévagui roiporiahuvereko tapia g̃uarã.
Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.
Che ipypekuéra ha Nde chepype, upéichamante oiko porã hag̃ua hikuái oñondive, ha yvyariguakuéra oikuaa hag̃ua Nde chembou hague, ha Nde rehayhuha ichupekuéra, Nde cherayhu háicha chéve.
Ha Hesu ombohovái ichupe ha he’i: Upe cherayhúva katuete ojapo avei che rembipota, ha che Ruete ohayhuva’erã avei ichupe, ha rojuva’erã hendápe rombosako’i hag̃ua ore rekoha ipype.
Avave ndohechái araka’eve Ñanderuete rova; ñande jajohayhu ramo, Ñanderuete opyta ñandepype ha imborayhu oĩmbaite hekópe ñandepype.
Che ningo ahekombo’e ha ahavira opaite ahayhúvape, upévare eñeha’ãmba reñembyasy hag̃ua rejapo vai haguére.
Pe mborayhu añeteguáva ou Ñanderuetégui, ha péicha ojehechauka ñandéve: Nañande raẽi jahayhu Ñanderuetépe, Ha’e raẽ uvei ñanderayhu, omboúvo Ita’ýra operdona hag̃ua ñane rembiapo vaikue (angaipa).
Peẽ peikuaa porã voi Ñandejára Hesu Crísto ipy’aporã hague avei, Ha’e penderehehápe oñemomboriahuva’ekue, ha’e heta mba’e Jára ramojepe, peẽ peñemomba’e hag̃ua heta mba’eporã rehe imboriahukue rupi.
Cheapensa ramo che ha’atama’aína, ne mborayhu katu, che Ruete, chejoko jevy.
Che ajepy’apy heta ramo jepe añandu Nde chemoangapyhy ha Nde rembovy’a jevy che ánga.
Ñanderuete poriahuvereko ningo ndopái, iporiahuvereko araka’eve ndoguéi.
Iporiahuvereko oñembopyahu ko’ẽ ko’ẽre, ituichaite ningo imborayhu.
Pe Tuvaite voi ningo penderayhu, peẽ cherayhúgui ha pegueroviágui Che aju hague Ñanderuetégui.
Che katu aikuaa porã mba’evete ndaikatuiha ñandepe’a Hesu Crísto mborayhúgui, ni ñemano térã tekove, niangelkuéra térã demoniokuéra (añanguéra), ni yvy arigua térã ouva’erãva rehegua, ni Satana rembijokuái,
ni yvategua térã yvy guypegua, ni ambue pu’aka ndaikatúi ñandepe’a Ñanderuete mborayhúgui, ojehechaukámava Ñandejára Hesu Crísto rupi.
Ñandejára Hesu Crísto ha Ñandejára Ñanderuete ñanderayhúva ha ñanemoangapyhýva tapia iporiahuvereko rupi, péva ningo pe esperánza jaguerekóva.
Ha ñande jaikuaa porã ha jaguerovia Ñanderuete ñanderayhuha. Ñanderuete ningo mborayhu añeteguáva ha pe opytáva koichagua mborayhu añeteguáva poguýpe, opyta Ñanderuetepype ha Ha’e opyta ñandepype.
Ani reñemboyke pe poriahuverekógui ni pe añeteguágui; eñapytĩke umía nde ajúra rehe ha ehaíke nde py’apýpe avei,
Ani reiko vai avave ndive, ndojapói guive nderehe mba’e ivaietéva.
Ani reikótei umi imbaretéva oiko háicha, ha ani reiporavótei hapekuéra.
Ñanderuete ndohayhúi iñañávape, Ha’e katu oĩ umi heko potĩva ndive.
Ñanderuete maldicion ningo oĩ pe tekove ñañáva ndive, Ha’e katu ohovasava’erã umi heko potĩvape.
Añetehápe Ha’e oñembohoryva’erã umi toryja apoha rehe, umi heko ñemomirĩvape katu ome’ẽva’erã mba’eporã.
Umi iñarandúva ohupityva’erã terakuã porã, umi ivýrova katu oñemotĩva’erã katuete.
péicharõ rejohúta py’aporã ha rembovy’áta Ñanderuetépe ha nde rapichakuérape avei.
Sapy’aitemínte hi’are ipochy, ijeporiahuvereko katu oiko kuimba’e ha kuñakuéra rekove pukukue. Ka’aru pytũme og̃uahẽ jahe’o, iko’ẽvo katu opa, ha hendaguépe og̃uahẽma vy’a tuicháva.
Umi cerrorusu oku’epa ramojepe, ha umi cérro oryryipa ramojepe che poriahuvereko katu noñemboykemo’ãi ndehegui, ha che ñembopy’apeteĩ nendive ndopamo’ãi, he’i nde Ruete, ndeporiahuverekóva avei.
Pyharevépe tañandu ne mborayhu, nderehe ajeroviágui, ehechaukamína chéve che raperã aguata porã hag̃ua, che ánga nderehénte ojerovia.
Ñanderuete ningo ohekombo’e pohýi umi ohayhúvape ha ohavira umi oikóvape ita’ýra ramo.
Ha peiko mborayhúpe, Hesu Crísto ñanderayhu haguéicha ha upévare Ha’e oñeme’ẽma ñane rendaguépe peteĩ me’ẽmby ha kuave’ẽmby ramo hyakuã porãva Ñanderuetépe g̃uarã.
Che aiporiahuverekóta katu 1.000 ñemoñare (generaciónes) peve, umi cherayhu ha ojapóvape che rembiapoukapykuéra.
Peikuaa porãke, Ñanderuete, ha’égui pende Jára oikóva hekoitépe, iñe’ẽ ome’ẽmava’ekue katuete ojapóta avei, Ha’e oiporiahuvereko umi ohayhúvape ichupe ha ojapóva hembiapoukapy, 1.000 ñemoñarenguéra (generaciónes) peve;
Peẽ katu, che rayhupára, peheja pe Pytu Porãmbáva tomboguata pende rekove ha pende jerovia Hesu Crísto rehe, ha pe Pytu Porãmbáva tapenesãmbyhy pene ñembo’épe.
Ñanderuete katu henyhẽ poriahuverekógui, ñanderayhu imborayhu tuichaite reheve.
Ha ñande ñamanova’ekue jepe ñane rembiapo vaípe, Ha’e ñanemoingovéma Hesu Crísto rupi, Ñanderuete py’a porã rupi (grácia) peẽ pejesalváma.
Che amongueráta ichupekuéra heko ñañágui, Che ahayhu jevýta ichupekuéra, che pochy ojeíta ichuguikuéra.
Arakuépe chepyahẽ’aína, Ñanderuete tacheporiahuvereko, ha pyharekuépe ipurahéi oĩ che jurúpe, peteĩ ñembo’e che rekove Járape g̃uarã.
Ojehu ningo ojehai haguéicha Ñanderuete kuatiañe’ẽme: Kuimba’e ha kuña resa ndohechaiva’ekue, ijapysa nohenduiva’ekue ha ipy’apýpe naheñoiriva’ekue, Ñanderuete ombosako’íma umi ichupe ohayhúvape g̃uarã, (Isaías 64,4).
Hesaráinepa peteĩ kuña imemby kambúvagui, ndoiporiahuverekovéi hag̃ua imemby hyégui osẽva’ekuépe. Ha pe sy hesarái ramojepe, Che araka’eve ndacheresaraimo’ãi ndehegui.
Ñanderuete ningo ohavira pe ohayhúvape, pe túva ohavira háicha ita’ýra ohayhúvape (oipotágui oguatá porã).
Ha ha’e oñembo’e jevýta Ñanderuetépe ha Ha’e ohayhu jevýta ichupe ha ohechaukáta ichupe heko jajaipa ha osalváta ichupe.
Ñanderuete oiporiahuvereko ha ipy’aporã, hasy ipochy hag̃ua, ituicha ningo iporiahuvereko.
Che katu aiporiahuverekóta umi cherayhúvape ha ojapóva che rembiapoukapykuéra 1.000 iñemoñare rekove (generaciónes) peve.
Hesu Crísto oiko hag̃ua pende py’apýpe pende jerovia rupi, ha pene mborayhu toñembohapo mbareteha tokakuaa porãve ohóvo,
ikatu hag̃ua peikuaa porãve pehóvo opaite ambue Hesu Crísto reheguáva ndive, pe mborayhu pukukue, ipekue, ijyvatekue ha ipypukukue,
ha peñemomba’e porã Hesu Crísto mborayhu rehe peẽ penerenyhẽmba hag̃ua Ñanderuete mborayhu reheve.
Ñanderuete imba’e porãite maymáva ndive g̃uarã, ha oiporu imborayhu opaite hembiapokue rehe.
Che añembokurusúmagui Hesu Crísto ndive, ndaikovéima che, Hesu Crísto oikógui chepype. Che aikove ramojepe che ro’ópe, aikove che jerovia rupi Ñanderuete Ra’y rehe, Ha’e cherayhúgui ha oñeme’ẽmava’ekue che aikove hag̃ua Ha’érupi.
Ñanderuete nahakate’ỹiva’ekue ita’yratee rehe jepe, ome’ẽvo ichupe ñanderehehápe, mba’éicha piko nome’ẽmo’ãi avei hendive opaite ambue mba’e (ñaikotevẽteéva).
Nde katu, che Ruete, che Jára oporoporiahuverekóva ha ipy’a porãva, nembegue ndepochy hag̃ua, ha nde poriahuvereko ha nde py’aporã katu ituichaite.
Ha’e imandu’ahína ñande ñaime vaiete jave, ha imborayhu ndopamo’ãi araka’eve.
Ha’e ñaneguenohẽ ñanderayhu’ỹva poguýgui, ha imborayhu ndopamo’ãi araka’eve.
Ha’ekuéra ojejopy vaiete jave, Ha’e ojepy’apy avei, upévagui Ñanderuete ombou ijyvága rembijokuái oipytyvõ hag̃ua ichupekuéra, Ha’e ipy’aporã ohay’úgui ichupekuéra. Ha’e ojogua ichupekuéra ha omopu’ã jevy jey ha ohupi ichupekuéra ijyva ári ymaite guive.
Pe mborayhu añetegua oha’arõkuaa, ipy’a porã, pe mborayhu noñemohakate’ỹi, pe mborayhu noñembotuichái ni ndojererovúi,
pe mborayhu naitie’ỹi (ndojapói mba’e iky’áva), ndohekái imba’évante, ndaipochýiri, ndaipy’a rasýi avave ndive,
ndovy’ái ohendúvo hapicha oikoha hekope’ỹ, ovy’a añetegua reheve uvei.
Pe mborayhu añeteguáva ogueropu’aka opaite mba’e ha opaite mba’e oguerovia, opaite mba’e oha’ãrõ ha ogueropu’akapa.
Nde, che Ruete, nde poriahuvereko iporãite: Upévagui yvyariguakuéra oñemo’ã nde pepo guýpe.
Che hermanokuéra ajerure asy katu peẽme, Hesu Crísto rérape ha mborayhu pytu porã reheguápe, peẽ chepytyvõ hag̃ua avei pene ñembo’épe, Ñanderuete rérape.
Opaite ko’ã mba’e ári pemonde mborayhu, péva ningo ombojoaju porã añetetehápe.
Péicha he’iuka ángel atykuéra Jára: Che añorãirõta che reko jajaipa rehehápe, ha Ha’e chemondóta umi tetã nemondapava’ekuépe, ha’e hag̃ua: Umi opokóva che retãyguakuéra rehe, opoko hesa ra’ỹitee rehe.