1 Juan 4:12 - Ñanderuete Ñe’ẽ Porã 2015

¹² Avave ndohechái araka’eve Ñanderuete rova; ñande jajohayhu ramo, Ñanderuete opyta ñandepype ha imborayhu oĩmbaite hekópe ñandepype.

Tûpâ Ñandeyára 1913

¹² Avave máramo ndojechai Tûpâ Ñandeyárape. Ñande yayojaŷju ramo oñondive, Tûpâ Ñandeyára opyta ñande pype, ja iporaŷju oimbaité jecope ñandepype.

Ñandejára Ñe’ẽ

¹² Tupãme avave ndohechái vaekue, opáichavo jajoayhúrõ Tupã oĩ ñande pype ha imborayhu oĩ hekopete ñande pype.

Ñandeyara Ñe'ẽ

¹² Máramo avave ndohechái va'ekue Tupã Ñandejárape, opáichavo, jajohayhu ramo Tupã Ñandejára voi oĩ ñande pype ha upéicharamo Tupã Ñandejára mborayhu oĩ hekopete ñande pype.

Ñandejara Ñe’ẽ ✟

¹² Tupãme avave ndohechái vaekue, opáichavo jajoayhúrõ Tupã oĩ ñande pype ha imborayhu oĩ hekopete ñande pype.

1 Juan 4:12 Referencias Cruzadas

Genesis 32:30

Ha Jacóbo ombohéra pe yvy Peniel, he’gui: Ñanderuete ndive roma’ẽ ojováre ha namanói.

Éxodo 33:20

Ha he’ive: Nderehechamo’ãi katu che rova; pe kuimba’e ohecháva che rova katuete omanova’erã.

Números 12:8

Hovakete añe’ẽ hendive, hesakã porã háicha, ha ndaha’éi ta’ãnga rupi; ha ha’e ohecháma Jahve rete. Mba’éguipa ndapekyhyjéira’e peñe’ẽvai hag̃ua che rembiguái Moises rehe.

Juan 1:18

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

1 Corintoyguakuérape 13:13

Ko’ág̃a ningo opyta gueteri jerovia, esperánza ha mborayhu, ko’ã mbohapy apytégui, pe mba’e tuichavéva ningo pe mborayhu añeteguáva.

1 Timotéope 1:17

Toñemomba’eguasu pe ára atyguasukuéra Járape, Ha’e voi ningo Ñanderuete peteĩetéva ha tapia oikóva, ha ndojehechái ramojepe ichupe toñemboete ichupe ára atyguasukuéra rupi, taupéicha (amen).

1 Timotéope 6:16

Ha’eñoite oguereko pe tekove tapia g̃uarãva, Ha’e oikóva tesape ojeike’ỹháme: Ndaipóri yvyarigua apytépe ohecháva ichupe ha ndaikatúi voi ohecha ichupe; toñemomba’eguasu ha toñembotuicha ichupe tapia g̃uarã, taupéicha (amen).

hebreoyguakuerape 11:27

Moises ojeroviágui oheja Egípto, ha ndokyhyjéi hetã ruvicha pochy rendýgui; ha’e ojejoko uvei Ñanderuete rehe ojehechaukava’ekue ichupe.

1 Juan 2:5

Upe ojapóva iñe’ẽ katu, ipype oĩ pe añetegua ha Ñanderuete mborayhu oisãmbyhy ichupe. Upéicha ramo jaikuaa ñaĩha Hesu Cristopype.

1 Juan 3:24

Ha upe ojapóva hembiapoukapy, upéva oiko Ñanderuetepype, ha Ha’e ipype. Ha upéi jaikuaa avei Ha’e oikoha ñandepype pe Pytu Porãmbáva rupi, Ha’e ome’ẽmava’ekue ñandéve.

1 Juan 4:16

Ha ñande jaikuaa porã ha jaguerovia Ñanderuete ñanderayhuha. Ñanderuete ningo mborayhu añeteguáva ha pe opytáva koichagua mborayhu añeteguáva poguýpe, opyta Ñanderuetepype ha Ha’e opyta ñandepype.

1 Juan 4:20

Oime ramo peteĩ he’íva ohayhuha Ñanderuetépe ha ndaija’éi iñermáno rehe ijapu. Upe ohayhu’ỹva iñermáno ohechávape, mba’éichapa ohayhúta Ñanderuete ndojehecháivape.

1 Juan 4:6

Ñande katu Ñanderuete reheguáva, ha upévagui pe oikuaáva Ñanderuetépe katuete ñanerendu, ha upe ndaha’éiva Ñanderuete reheguáva nohendumo’ãi ñane ñe’ẽ. Upéicha ñambojuavy porãkuaa pe Pytu Añetegua ha pytu japu apytégui.