1 Juan 3:1 - Ñanderuete Ñe’ẽ Porã 2015

¹ Pema’ẽna mba’eichagua mborayhúpa Ñanderuete ome’ẽ ñandéve, ñañembohéra hag̃ua Ñanderuete ra’ykuéra ha rajykuéra, ha umivahína ñande voi. Upévare Ha’érupi ko múndo nañandekuaái, ndoikuaáigui ichupe.

Tûpâ Ñandeyára 1913

¹ Pemaêna mbaeichagua poraŷju tuvichaité pe Túva ñande rayjú jague, icatu jaguâ ñañejenôi jaguâ Tûpâ Ñandeyára raŷ ramo. Upeicha voi ñande cuera. Upévareje umi ybypóra cuera na ñande rechacuaai ñandeve, ojechacuaa ŷ jague reje Ichupe.

Ñandejára Ñe’ẽ

¹ Pema'ẽmi mba'éichapa ñande rayhu Tupã pe Túva, ikatu haguã ñañembohéra Tupã ra'y, ha ñande ha'e. Upévare yvypóra reko rayhuha na ñande kuaái, ndoikuaái haguére Tupãme.

Ñandeyara Ñe'ẽ

¹ Pema'ẽna mba'eichaitépa ñande rayhu Tupã ñande Ru ñane mbohéra haguã Tupã Ñandejára ra'y, ha ñande ha'e. Upéva rehe, yvypóra kuéra na ñande kuaái, ndoikuaáigui Tupã Ñandejárape.

Ñandejara Ñe’ẽ ✟

¹ Pema'ẽmi mba'éichapa ñande rayhu Tupã pe Túva, ikatu haguã ñañembohéra Tupã ra'y, ha ñande ha'e. Upévare yvypóra reko rayhuha na ñande kuaái, ndoikuaái haguére Tupãme.

1 Juan 3:1 Referencias Cruzadas

2 Samuel 7:19

Ha jepevérõ, ha’eténte ndéve imichĩetereiha ko’ã mba’e Nde reñe’ẽ avei ne rembiguái rogaygua renonderã rehe. Péicha voi ningo pe mborayhu rerekóva yvy ariguakuéra ndive.

Salmokuéra 31:19

Tuichaite ningo ne mborayhu reguerekóva umi ndehegui okyhyjévape g̃uarã, ha rehechaukáva umi nderehe ojeroviávape opavave renondépe.

Jeremías 3:19

Che aimo’ãva’ekue peẽ peikóta che ra’y ramo ha upévagui Che ame’ẽ peẽme pe yvy iporãvéva tetãnguéra apytépe. Ha Che aimo’ã peẽ cherenoitaha: Ore Ruete, ha napeñemboykemo’ãira’e araka’eve che rapykuérigui.

Oséas 1:10

Upéicharamo jepe og̃uahẽta katuete pe ára Israel ra’ykuéra oñemboheta jevýta yvyku’i yguasu rembe’y peguáicha, ndaikatúiva oñeha’ã térã ojepapa. Ko’ág̃a oje’e peẽ ndaha’eveimaha che retãteéva, og̃uahẽ jevýta katuete pe ára oje’etaha peẽme: Peẽ pende Ruete oikovéva ra’ykueraha.

Lúcas 20:36

Ha’ekuéra ndaikatuvéimagui, omano oikóta angelkuéraicha, ha opytáta Ñanderuete ra’y ha rajy ramo, ha’ekuéra ningo pe jeikove jevy ra’y ha rajykuéra.

Juan 1:12

Umi omog̃uahẽva’ekue (orecibiva’ekue) ichupe hekovépe, Ha’e ome’ẽ ichupekuéra pu’aka oiko hag̃ua ichuguikuéra Ñanderuete ra’ykuéra ha itajyrakuéra, ojeroviáva guive Héra rehe.

Juan 11:52

ha ndaha’éi Israelguakuéra rehénte, ombyaty hag̃ua avei Ñanderuete ra’y ha rajykuéra oikóva guive ko yvy apére opaite tetãnguéra apytégui.

Juan 15:21

Opaite ko’ã mba’e ojapóta hikuái penderehe che réra rehe, ndoikuaáigui pe chembouva’ekuépe.

Juan 16:3

Ko’ã mba’e ojapóta hikuái ndoikuaa porãigui Ñanderuetépe ni chéve.

Juan 17:25

Che Ruete, nde reko ningo iporãite, tetãyguakuéra apytépe heta ningo nandekuaáiva, oĩ katu umi ndekuaáva, Che roikuaa háicha ndéve ha ha’ekuéra oikuaáma Nde voi chembou hague ko yvy ári.

Juan 3:16

Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.

Romayguakuérape 5:8

Ñanderuete katu ohechaukáma imborayhu ñandéve, Hesu Crísto omanóvo ñanderehehápe, ñande jaiko ramojepe angaipa (Aña) poguýpe.

Romayguakuérape 8:19

Opaite Ñanderuete rembiapokue oha’ãrõ asyhína Ñanderuete ra’y ha itajyrakuéra reko jajaipa ojehechaukava’erãha ára.

Romayguakuérape 8:21

Ñanderuete rembiapo tujakue isãsova’erã avei pe tembiguái reko ha ñembyai poguýgui, ohupity hag̃ua Ñanderuete ra’ykuéra ha itajyrakuéra ndive isãso (ilibertad) ha Ñanderuete reko jajaipa.

Romayguakuérape 8:32

Ñanderuete nahakate’ỹiva’ekue ita’yratee rehe jepe, ome’ẽvo ichupe ñanderehehápe, mba’éicha piko nome’ẽmo’ãi avei hendive opaite ambue mba’e (ñaikotevẽteéva).

2 Corintoyguakuérape 6:18

Che ningo pende Ru, ha peẽ peikóta che ra’ykuéra ha che rajykuéra ramo, he’i ningo pende Jára Ipu’akapáva.

Galaciayguakuérape 3:26

Opavave peẽ ningo Ñanderuete ra’y ha itajýra pejerovia guive Hesu Crísto rehe.

Galaciayguakuérape 3:29

Ha peẽ Hesu Crísto mba’érõ, upéicharamo peẽ Abraham ra’y ha itajýra, ha pehupity avei Ñanderuete promésa (heréncia).

Deuteronómio 14:1

Peẽ ningo Jahve, pende Ruete ra’ykuéra: Napeñekytĩriva’erã ha napeñemoakãperõiva’erã omanómava’ekue rehe.

Colosayguakuérape 3:3

Pemanova’ekue, ko’ág̃a katu pende rekove oñemihína Hesu Crísto ndive Ñanderuetepype.

1 Juan 3:10

Péicha ojekuaa porã mávapa Ñanderuete ra’y térã itajýra ha mávapa aña ra’y térã itajýra. Opaite umi ndojapóiva pe heko peguáva ha upe ndohayhúiva iñermanokuérape ndaha’éi Ñanderuete ra’y ni itajýra.

1 Juan 3:2

Che rayhuparakuéra, ko’ág̃a jaikóma ita’ýra ha itajýra ramo, ndojehechaukáigui gueteri upe oikótava ñandehegui. Jaikuaa ningo upe ára Ha’e ojehechaukatahápe ñandéve, ñande jajoguataha ichupe, ha jahecháta Ha’e oĩ haichaite.

1 Juan 4:17

Péichamante pe mborayhu oĩmba hekópe ñande rekovépe, ha ndajakyhyjevéima, vy’apópe ñaha’ãrõ uvei pe ñembojovake ára paha; ñande reko oñemoambue haguére ha jaikógui Hesu Crísto rekóicha.

Apocalípsis 21:7

Upe ipu’akávape oñeme’ẽta opaite ko’ã mba’e, ha Che ha’éta Ituvatee, ha ha’ekuéra chera’y ha cherajy.