150 Umi versíkulo bíblico ñaaprende hag̃ua japytuʼu Ñandejárape

Peju che rendápe opaite peẽ peñeha’ãmbáva pehupity hag̃ua pe tekove tapia g̃uarãva, ha ani peẽ voi peñeha’ã reive pepoi hag̃ua pene angaipa cárga pendejopývagui. Chémante ikatu pomombytu’u porã.

Peñemoĩ che cangálla guýpe (yúgo guýpe) ha peheja Che tapohekombo’e porã, chepy’a porãgui ha che añemomirĩgui, péichamante pejohúta pe pytu’u añeteguáva pene ángape g̃uarã.

Ndépa ha’ehína pe Crísto ouva’erãva térãpa roha’ãrõta gueteri ambuépe.

Che cangálla ningo hu’ũ asy ha ivevúi pe cárga aguerahaukáva peẽme.

Ñanderuete che rerekua, Ha’e ome’ẽmba chéve aikotevẽva guive.

Umi kapi’ipe kyrỹiha rupi chegueraha, umi y sakã rembe’ýpe chemombytu’u.

Ha’e chemoangapyhy, Ha’e chesãmbyhy ijustícia rape rehe, héra rayhupápe.

Anítei peku’e, ha peikuaa Che ha’eha pende Ruete, tetãnguéra chemomba’eguasúta ha che poguýpe opytapa ko yvy ha opaite tetãnguéra.

Nde, embopy’aguapy ichupekuéra ha py’aguapy porã rupi ha’ekuéra ojeroviáta nderehe.

Anítei pejepy’apy mba’eve rehe, pemombe’u uvei opaite mba’e pene ñembo’e rupi Ñanderuetépe, pembohasa ichupe g̃uarã pene rembijerure pene agradecimiénto reheve.

Ha Ñanderuete py’aguapy, ituichaitevéva opaite yvyarigua arandúgui, ha ko py’aguapy kóva oñangarekóta pene remiandu ha pene pensamientokuéra rehe Hesu Cristopype.

Upe oikóva pe Jára Ijyvatetéva ãme ha pe Ipu’akapáva poguýpe,

Ndéve ndojehumo’ãi mba’evaietéva, ha mba’asy iñasãiva ndojamo’ãi nde róga rehe.

Ñanderuete he’íta hi’angelkuérape oñangareko hag̃ua opaite nde raperã rehe.

Hi’angelkuéra ndererahava’erã ipopekuéra ani hag̃ua ita rehe reñepysãnga.

Nde rehasa ramo jepe leõ ha mbói ári, nde rehundipáta ichupekuéra.

Ñanderuete voi ningo he’i: Ha’e ojejoko hatãgui cherehe, Che aguenohẽta ichupe ijejopy vaígui, ha Che añangarekóta hese ha’e oikuaágui che réra.

Ha’e ohenói ramo che réra Che ambohováita ichupe, Che aĩta hendive ijepy’apyha árape, aguenohẽ hag̃ua ichupe ijejopy vaígui ha upéi Che ambotuicháta ichupe.

Ambopukúta hekove, ha ahechaukáta ichupe che pu’aka (ha ha’e oikóta chendive tapia guarã).

he’ikuaa Ñanderuetépe: Nde, che Ruete, ne rendápe akañykuaa ha Nde che mo’ãha, Nde, che Ruete, nderehe ajerovia.

Opaite pende jepy’apykuéra peity hi’ári, Ha’e ningo oñangarekohína penderehe.

Ñanderuete ndivénte che ánga opytu’ukuaa, ichuguínte ou chéve ñepytyvõ.

Ani pejeroviátei pirapire rehe ojepe’áva mbaretépe térã oñemondava’ekue rehe, oñemboheta hetave ramo pende pirapire, ani pemoĩtei hese pende py’a (ani pejerovia pende pirapire rehe).

Ñanderuete oñe’ẽva’ekue, ahendu porã iñe’ẽ he’ívo: Pende Ruete ipu’akapa,

ha nendive, che Jára, oĩ poriahuvereko, ha Nde remyengovia peteĩteĩvape hembiapokue ojerure háicha.

Ha’énte hína che itaguasu ha chepytyvõva añetehápe, Ha’e ningo chemo’ãva, ndachepysyrymo’ãi.

Ha’e omombarete ikane’õvape ha omokyre’ỹ avei ikangypávape.

Ha oĩ peteĩ oñe’ẽ hatãva desiértope ha he’i peẽme: Pembosako’i peteĩ tape Ñanderuetépe g̃uarã ha pembojojáke pe tape Ñanderuetépe g̃uarã desiértope.

Umi mitã ikane’õ, umi mitãrusu ikangypa ha ho’apávape.

Umi ojeroviáva Ñanderuete rehe katu oñemombarete jevýta, oveve yvateva’erã ku ñapykanícha, oñaniva’erã hikuái ha ndaijuku’amo’ãi, ha oguata pukuva’erã hikuái ha naikane’õmo’ãi.

Ekirirĩ Ñanderuete renondépe, ha ejerovia hese. Ani ndepochýtei rehecha ramo iñanáva rapére oĩ po’a poty.

Ejeroviáke nde py’aite guive Ñanderuete rehe, ha ani rejejoko ne arandu rehe.

Nemandu’áke hese opaite nde rape rehe, ha Ha’e omyesakãta ne raperã.

Péicha he’i Ñanderuete, Israel Jára Heko Porãitéva: Peñembyasy ramo pejapo vai haguére ha pejevy che rendápe, pejesalva hag̃ua, peñemomirĩ ha pejerovia ramo cherehe peẽ penembarete jevýta, peẽ katu ndapeipotáikuri,

Eity umi mba’e ipohýiva ha ndejopýva Ñanderuete ári, Ha’e oñangarekóta nderehe, Ha’e ndohejamo’ãi heko potĩva oñehundi.

Py’aguapypópe añeno ha upeichaite ake avei, che Ruete, Nde rupínte aiko porãkuaa.

Pe py’aguapy ame’ẽta peẽme, che py’aguapy añeteguáva ningo, ndaha’éinte pe py’aguapy yvyarigua ome’ẽva, upévare anítei peñemondýi ni peneangekõitei.

Ha justíciagui heñóita tapia g̃uarã py’aguapy, angapyhy ha kyhyje’ỹ.

Ha che retã ryepýpe oĩta py’aguapy ha che retãygua rogakuérape pytu’u kyhyje’ỹre.

Ñanderuete noĩri ramo penendive, reiete pepu’ã voiete pemba’apo pohýi hag̃ua ka’aruete peve, ha pe’u hag̃ua ñembyasypópe pene pan, Ñanderuete katu ome’ẽ umi mba’e umi ohayhúvape ichupe oke ramojepe.

Ha Ha’e he’i: Che aháta nendive rombopy’aguapy hag̃ua.

Nde remombytu’úta ichupe jepy’apy vai árape, ojejo’o aja tekove iñañáva tyvyrã (sepulturarã).

Ejevýna, nde che ánga rejohu haguépe nde pytu’u, Ñanderuete katu ojapo ndéve g̃uarã mba’e iporãva.

Péicha he’i pende Ruete: Tapeho umi tape rupi, pema’ẽ porã ha peporandu pe tape porã ymaguare rehe, moõitépa oĩ pe tape iporãitéva, ha peguata hi’ári, pejohu hag̃ua pytu’u pene ángape g̃uarã. He’i katu hikuái: Ndoroguatamo’ãi.

Peñeha’ã ha pehecháta Ñanderuete ipy’a porãha, ovy’aite upe kuimba’e ojeroviáva hese.

Oiko py’aguapýpe ha opytu’u porãva’erã hupápe mayma ojeroviáva Ñanderuete rehe.

Che ajerovia ne ñe’ẽ rehe, Nde chemo’ã ha reñangareko porã haguére cherehe.

Ani rekyhyje, Che voi aĩgui nendive, aníke nde py’akangy, che ha’égui nde Jára, nemombaretéva, tapiaite roipytyvõta, ha añangarekóta nderehe che pu’aka rupive.

Upévarehe, ani pejepy’apy ha peje: Mba’épa ro’úta, térã mba’épa romboy’úta, térã mba’épa romondéta.

Ko’ã mba’e umi ojerovia’ỹva oñeha’ã ohupity hag̃ua, pende Ruete yvága pegua katu oikuaa porã peẽ peikotevẽha opaite ko’ã mba’e rehe.

Peheka raẽ Ñanderuete rembipota ha hetãguasu, ha opaite ko’ã mba’e oñeme’ẽmbáta peẽme.

Upévare anive pejepy’apy ko’ẽ ramo g̃uarã rehe, pe ko’ẽ ramogua ára ogueru jevýtama ijehe ijepy’apyrã, péva iporãma (ovaléma) jaisu’u hag̃ua ko ára pegua jepy’apy.

Ñanderuete tapia oĩ che resa renondépe; ha Ha’e oĩgui che akatúape nda’amo’ãi.

Upévagui che py’a hory ha che pytu ovy’a, Ha’e oñangareko porã avei che retére.

Pe túva oiporiahuvereko háicha ita’yrakuérape, péicha Ñanderuete oiporiahuvereko umi ichugui okyhyjévape.

Ha’e oikuaa voi mba’eichaguaitépa hína ñande, ha oikuaa porã voi ñande yvy timbonteha.

Ipepópe neñuãmbáta ha kyhyje’ỹme reiméta ipoguýpe, heko añete nemo’ãta ha Ha’e oñangarekóta nderehe.

Pyhare aja nderekyhyjemo’ãi mba’evégui, térã hu’ýgui ojepoíva arakuépe.

Che, Che voi ningo, pomoangapyhýva. Mba’érehepa rekyhyje yvyarigua omanótavagui, iñemoñarẽnguéra ojogua umi kapi’ípe.

Ha nderesarái Ñanderuete, nde apoharégui, omyasãiva’ekue umi yvága ha omohenda ko yvy tuicháva; opaite ára rekyhyje pe ndejopy asýva pochýgui, nehundi hag̃uáicha. Ha mamo piko oime pe oporojopy asýva pochykue.

Ñanderuete ningo che rekove resape ha che salvador, mávagui piko akyhyjéta. Ñanderuete che rekove mombaretehára, mávagui piko añemondýita.

Ñanderuete ohóta ne renonderãme; Ha’e oĩta nendive, ndojeimo’ãi ndehegui ha nanemotyre’ỹmo’ãi; ani rekyhyjétei ha ani reñembopy’amirĩtei.

Umi ojeroviáva Ñanderuete rehe ojoguaite Jerusalen cérrope, ndoku’éiva, opyta hatã uvei opaite ára oĩháme.

Ko’ã mba’e ko’ãva Che ha’éma peẽme, peẽ pendepy’aguapy hag̃ua chepype. Peẽ ningo pehasa asyva’erã ko yvy ape ári, pejerovia katu ko múndo kóva oĩmaha che poguýpe.

Emoĩna Ñanderuete pópe nde rekove rape, Ha’e nemboguata porã hag̃ua; ha hesénte ejerovia, Ha’e oñangareko porã hag̃ua nderehe.

Ñanderuete nomoambuemo’ãi iñe’ẽ, ha opaite ñe’ẽ Ha’e oprometemava’ekue katuete oikóta avei pende rekovépe, Ha’e voi penerenóigui.

Ore roha’ãrõ Ñanderuete omoñepyrũva’ekue pe tembiapo iporãva pendepype, Ha’e voi penemog̃uahẽtaha hu’ãme, Hesu Crísto ou jevyha árape.

Ñanderuete ñanemo’ã ha ñanemombaretéta jajejopy vai jave,

Anítei peku’e, ha peikuaa Che ha’eha pende Ruete, tetãnguéra chemomba’eguasúta ha che poguýpe opytapa ko yvy ha opaite tetãnguéra.

Ñanderuete, yvága atykuéra Jára, oĩ ñanendive, Jacóbo Jára ningo ñane mo’ãhára. Selah

upévarupi ndajakyhyjeiva’erã, jepémo ko yvy ojeipa hendágui ha cerrokuéra ho’apa ramo yguasúpe.

Ag̃uiete oĩ Ñanderuete mayma ohenóiva guive ichupe, umi ohenóiva jeroviapópe ichupe.

Peikuaa porãke, Ñanderuete, che Jára chesalvataha; ajerovia hese ha ndakyhyjemo’ãi; Ha’e chemombarete, upévare apurahéita ichupe g̃uarã, Ha’e chesalvágui.

Aníke peiko umi hakate’ỹvaicha, oikóva pirapire rekávonte, pevy’a uvei peguerekomíva reheve; Ñanderuete voi he’i: Che ndapoimo’ãi araka’eve pendehegui ha araka’eve Che ndapohejamo’ãi tyre’ỹ ramo, (1 Timotéope 6,6; Josue 1,5).

Ja’e uvei jeroviapópe ha kyhyje’ỹre: Ñanderuete ningo che pytyvõhára ha ndakyhyjemo’ãi: Mba’e piko ikatúne ojapo cherehe che rapichakuéra, (Salmokuéra 118,6).

Che ajepy’apy heta ramo jepe añandu Nde chemoangapyhy ha Nde rembovy’a jevy che ánga.

Ajepy’apy jave ahenói Ñanderuetépe, ha Ha’e cherendu ha chemosãso.

Ñanderuete oĩ guive chendive ndakyhyjemo’ãi yvyarigua rembiapo vaígui.

Che ovechakuéra ohendu katuete che ñe’ẽ ha che aikuaa porã ichupekuéra, ha ha’ekuéra oñemboja che rendápe oho hag̃ua che rapykuéri Che ahasehápe.

Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui.

Che Ruete ipu’akapa ha Ha’e voi ome’ẽma chéve umi ovechakuéra, ha avavete ndoipe’amo’ãi ichupekuéra che Ruete pógui.

Umi cerrorusu oku’epa ramojepe, ha umi cérro oryryipa ramojepe che poriahuvereko katu noñemboykemo’ãi ndehegui, ha che ñembopy’apeteĩ nendive ndopamo’ãi, he’i nde Ruete, ndeporiahuverekóva avei.

Og̃uahẽ ramo pe ára che akyhyjeha, nderehe katu ajerovia.

Ñanderuete ñepytyvõ amombe’úta, iñe’ẽ oikóta katuete, Ñanderuete rehe ajerovia ha ndakyhyjemo’ãi. Mba’épa yvyarigua ikatúne ojapo cherehe.

ha pende Ruete pomboguatáta opaite árape ha penemohyg̃uatã porãta pende yvy ikangy ramojepe ha Ha’e omombaretéta pende rete ha pejoguaitéta ku ka’avoty oñembohykuévape meme árape, ha yvu hi’y hetávape, ndahypáiva araka’eve.

Umi hekopotĩva ojerure asy ramo Ñanderuetépe, katuete Ha’e ohendúta ichupekuéra ha oguenohẽta ijehasa asýgui.

Ñanderuete hi’ag̃ui umi ohasa asývagui, ha oipytyvõ umi oñembyasývape ojapo vai haguére.

Jaikuaa porã ningo opaite mba’e ojehúva guive Ñanderuete ra’y ha itajyrakuéra rekovépe, oipytyvõ porãtaha ichupekuéra (oñemboheko porãmive hag̃ua ohóvo), umi Ha’e ohenóimavape yma guive ita’ýra ha itajýra ramo.

Ñanderuete ome’ẽ ipu’aka hetãme g̃uarã, Ñanderuete ohovasa hetãme ipy’aguapy reheve.

Hesu Crísto ñanembopy’aguapy oñondive, pe tápia (barréra) oĩva’ekue ñane pa’ũme Ha’e oitýma, upévare Israel retãygua ha tetã ambueygua oñombopy’apeteĩma avei Hesu Crísto rupi, Ha’e omboykégui pe ñorãirõ oĩva’ekue ñande apytépe.

Ñanderuete ndaha’éi peteĩ apañuãi Jára, peteĩ py’aguapy Jára uvei.

Oñemoherakuã ramo mba’evai ndokyhyjemo’ãi, ojeroviágui ipy’aite guive Ñanderuete rehe.

Ore Ruete, oreporiahuvereko, nderehe rojerovia; Nde voi ningo ore jyva mbarete meme pyhareve, upévare oreguenohẽ ore jepy’apy vaígui og̃uahẽ vove.

Ko’ág̃a, nde Jacóbo, pende Ruete rembiapo, nde apohare he’iuka ndéve: Ani rekyhyjétei, Che roperdonáma; Che rohenói nde réra rupi, nde ningo che mba’énteva voi.

Peẽ ningo che rechahare, he’i pende Ruete, ha che rembiguaikuéra, Che aiporavomava’ekue. Peẽ chekuaa ha pejerovia cherehe, ha peikuaa porã ndaiporiha ambue Jára; Che mboyve ndojejapói ambue jára, ha Che aikota’aína opa rire umi jára gua’u paha.

Chénte pende Jára ha che’ỹre ndaipóri avave ikatúva peneguenohẽ pende jehasa asýgui.

Che amombe’uka ha poikuaaukava’ekue che réra, ha Che poipytyvõva’ekue oĩ mboyve ambue jára pende apytépe. Peẽ voi che rechahare, he’i yvága Jára, Chénte apytava’erã tapia g̃uarã yvága ha yvy Jára ramo.

Ko ára kóva ha’e jevy: Ndaipóri avave ikatúva ohekýi peteĩ mba’e che pógui. Ha umi mba’e ajaposéva, katuete ajapóta avei, ha ndaipóri avave ikatúva chejoko.

Péicha he’i yvága Jára, Israel Jára Porã, Chémante posalváta: Penderehehápe amondova’ekue ichupe Babilóniape, omokañy hag̃ua ichupekuéra, ha umi Caldeaygua okañy avei ibarcoguasukuérape, umía rupi oñembotuichava’ekue.

Che voi ningo pende Ruete, pe Heko jajaipáva, Israel apohare, pene retã ruvichaguasu.

Péicha he’i pende Ruete, penembohapéva yguasu rupi ha ombosako’iva’ekue pe tape po’i y ipochyveha rupi.

Che voi aheja osẽ hag̃ua icárro, ikavaju, isoldádo aty ipu’aka reheve, aity hag̃ua ha ho’a opu’ãve’ỹ hag̃uáicha; oguepa hag̃ua hikuái, ku tataindy ogue háicha.

Ani peñemomandu’átei umi mba’e ohasamava’ekue rehe, ha ani peguerútei pene akãme umi mba’e ymaveguare.

Pema’ẽ porãke, Che ajapo mba’e ipyahúva; pya’ete ojekuaáta, ndapehechakuaái piko. Ambohape jevýta tape yvy perõ rupi ha ysyry, heñoi’ỹháme mba’eve.

Rehasa ramojepe hi’y hetaite rupi, Che aĩta nendive, ha ysyry ndetuicháva nderupity ramojepe nanembojahogamo’ãi. Rehasa ramojepe tata mbyte rupi, nderekaimo’ãi, ha pe tata rendy nanderapymo’ãi.

Ipy’a rory umi imba’embyasýva, Ñanderuete voi omoangapyhyva’erã ichupekuéra (Apocalípsis 21,4).

Che añeno ramo, ake porã ha apáy py’aguapýpe, che Ruete oñangareko porãgui cherehe.

Ndakyhyjemo’ãi 10.000 soldádogui, oñembo’y ramojepe che jerekuévo.

Toñemomba’eguasu Ñanderuetépe! Che aikuaa porã ahechataha Ñanderuete poriahuvereko umi oikovéva retãme.

Che ánga, ejerovia Ñanderuete rehe, toñemokyre’ỹ ha toñemombarete che py’apy ojerovia porã hag̃ua Ñanderuete rehe.

Ndéve ndojehumo’ãi mba’evaietéva, ha mba’asy iñasãiva ndojamo’ãi nde róga rehe.

Ñanderuete he’íta hi’angelkuérape oñangareko hag̃ua opaite nde raperã rehe.

Jaiko mbaretépe ñande jeroviápe ñamyi’ỹre, Ñanderuete katuete ojapopava’erã he’imava’ekue guive,

Ku sy omoangapyhy háicha imembýpe, péicha Che voi pomoangapyhýta peẽme, ha Che pomoangapyhýta Jerusalen távape.

Mborayhupype ndaipóri kyhyje, pe mborayhu oĩmbáva hekópe omosẽ uvei pe kyhyje, pe kyhyje oguerúgui jehasa asy; upévare upe okyhyjéva ne’ĩra gueteri oguereko mborayhu oĩmba heko peguáva.

Pe esperánza Ñanderuete ome’ẽva tomyenyhẽ pende jerovia, vy’águi ha py’aguapýgui, ha pende esperánza tokakuaave ohóvo Pytu Porãmbáva pu’aka rupi.

Upe okyhyjéva Ñanderuetégui oikoveva’erã, ha’e oke porãta hyg̃uatã porãgui.

Ejerovia katu Ñanderuete rehe, ha ejapo mba’eporã, epyta ne retãme ha eñeha’ãmba reiko porã hag̃ua.

Heko potĩva juru oñe’ẽ arandu reheve, ha ikũ oñe’ẽ heko peguáva.

Ñanderuete ñe’ẽ oĩ ipy’apýpe, upévare ndaipysyrymo’ãi araka’eve.

Pe iñañáva omangea heko potĩvare, ha oñeha’ãmba ojuka hag̃ua ichupe.

Ñanderuete ndohejamo’ãi ha’e ho’a, ni oñecondena hag̃ua ichupe mbojovakehára renondépe.

Eha’ãrõke Ñanderuetépe, ha eiko hape rehe, Ha’e nemopu’ãta ome’ẽ hag̃ua ndéve ko yvy ne mba’erã ramo, nde katu rehecháta umi iñañáva oñehundiveha ohóvo.

Che ahecha peteĩ iñañávape oñembotuichaitereíva, ha’e oñemyasãi ku yvyraguasúicha,

uperire katu ahasa jevy upérupi, ha péina ápe noĩvéima, aheka ichupe ha ndajohuvéi ichupe.

Ejesarekomína heko potĩva rehe, ha ema’ẽmi heko jojáva rehe, ipahaitépe oĩ py’aguapy añeteguáva kuimba’e heko potĩva ndive.

Opaite iñañáva katuete oñehundíta, iñañáva ñemoñare opa reíta avei.

Ñanderuete oipytyvõ heko potĩvape, ha Ha’e oñangarekóta hesekuéra ojejopy vai jave.

Evy’aite Ñanderuete ndive, Ha’e tome’ẽ ndéve nde py’apy ojeruréva.

Hesaráinepa peteĩ kuña imemby kambúvagui, ndoiporiahuverekovéi hag̃ua imemby hyégui osẽva’ekuépe. Ha pe sy hesarái ramojepe, Che araka’eve ndacheresaraimo’ãi ndehegui.

Peikuaa porãke, che po pytépe ahai ne ra’ãnga; ha nde korapyjere yvate tapiaite oĩ che resa renondépe.

Che katu aikuaa porã mba’evete ndaikatuiha ñandepe’a Hesu Crísto mborayhúgui, ni ñemano térã tekove, niangelkuéra térã demoniokuéra (añanguéra), ni yvy arigua térã ouva’erãva rehegua, ni Satana rembijokuái,

ni yvategua térã yvy guypegua, ni ambue pu’aka ndaikatúi ñandepe’a Ñanderuete mborayhúgui, ojehechaukámava Ñandejára Hesu Crísto rupi.

Ha upe cherendúva katu, oikova’erã kyhyje’ỹme ha oikoveva’erã py’aguapýpe okyhyje’ỹre mba’evégui.

Nda’éi ko’ã mba’e ajejopy vaígui, che voi ajepokuaáguima, añecontenta hag̃ua arekomíva rehevénte.

Che ahasa asykuaa ha areko hetakuaa, che ryg̃uatãkuaa ha cheñembyahyikuaa, che ajepokuaáma hemby ramo térã opa ramo che pirapire.

Opaite mba’e ikatu chéve g̃uarã, Ha’e chemombaretégui.

Cheporiahuverekomína ko’ág̃a tachemoangapyhy, Nde ere hagueichaite ne rembiguáipe.

Toñemomba’eguasu Ñandejára ha pe Jára Hesu Cristo Ru, Ha’e ningo pe Túva oiporiahuverekóva ha pe Jára oporomoangapyhýva.

Ha’e voi oremoangapyhy opaite ore jehasa asýpe, ore roporomoangapyhy jevy hag̃ua Ha’e oremoangapyhy haguéicha.

Upévare pe Ta’ýra penemosãso ramo, Satana ha angaipa poguýgui, añetehápe peẽ penesãsóma.

Ñanderuete imba’e porãite maymáva ndive g̃uarã, ha oiporu imborayhu opaite hembiapokue rehe.

Ha’ekuéra ojejopy vaiete jave, Ha’e ojepy’apy avei, upévagui Ñanderuete ombou ijyvága rembijokuái oipytyvõ hag̃ua ichupekuéra, Ha’e ipy’aporã ohay’úgui ichupekuéra. Ha’e ojogua ichupekuéra ha omopu’ã jevy jey ha ohupi ichupekuéra ijyva ári ymaite guive.

Upévare Che ha’e peẽme: Ani pejepy’apy pene rembi’urã rehe térã pemboy’uva’erã rehe, térã peẽ pemondeva’erã rehe; ndaituichavéi mba’e piko ñande rekove, tembi’úgui; térã ñande rete aógui.

Ñande jaguerekógui ñande jerekuévo ku araícha heta techahare ojeroviaitéva, upévare jaipe’a ñandejehegui opaite mba’e ñandejopýva ha ñandejokoséva, ha avei pe angaipa ñanemoñuhãséva, ha ñañani paciéncia reheve pe carréra oñemoĩva ñane renonderãme.

Umíva ningo mbovy ára ñandehavira hi’ã háichante ichupekuéra, kóva katu ñanerekombo’e ha ñandehavira ñande reko iporãve hag̃ua ha ñande reko ojoguave hag̃ua Hesu Crísto reko porãme.

Añetehápe opaichagua jehavira jahasa asy aja, nañanembovy’amo’ãi, hasy uvei; upéi katu hi’a justícia ha py’aguapy, umi ojepokuaávape g̃uarã.

Upévare pemombarete jevy pende jyva ikane’õva ha pene renypy’ã ikangýva.

Pemyatyrõ pende rape ikarẽva, ani hag̃ua pende pykuéra ikaráu, tokuera uvei.

Peñeha’ãke peiko hag̃ua py’aguapýpe opavave ndive ha peñemboheko porã, ko’ãva’ỹre avave ndohechamo’ãi Hesu Crístope,

ha peñangareko porãke ani hag̃ua avave pende apytépe omboyke Ñanderuete mborayhu ni ijopói (Hesu Crísto) ha péva ojehúta peiko ramo py’arópe pende rapicha ndive, koichagua teko ningo penemongy’a ha penemyangekõi ha ováta heta hapicha rehe.

Anítei oime pende apytépe peteĩ opoíva Ñanderuetégui, ojehu haguéicha Esau ndive; okaru porã hag̃uánte ha’e, ovende ta’ýra ypykue reko, (Génesis 25,31).

Peikuaa voi ningo uperire, Esau ohupityse hague avei itúva jehovasa, itúva katu ombotove ichupe. Heta tesay reheve oheka itúva ohovasa peve ichupe avei; pe jehovasa iporãvéva katu oñeme’ẽmba jepéma, (Jacóbope).

Peẽ napeñembojaiva’ekue pe cérro rehe (Israelguakuéraicha), ikatúva rehe ojepoko oĩháme tata hendýva, arai hũetéva, pytũmby ha yvytu jepoka.

Ha napehendúi avei pe turu (trompéta) pu ni Ñanderuete ñe’ẽ. Upéramo Israelguakuéra ojerure asy anive hag̃ua Ha’e oñe’ẽ ichupekuéra.

Ha ñama’ẽ Hesu rehe, Ha’e voi ñande jerovia apohare, hendive ñañepyrũ jajerovia ha hendive ñag̃uahẽ ñande jerovia ru’ãme. Hesu oha’ãrõ pe vy’a outavahína ichupe g̃uarã, upévare Ha’e ohasa asy ha omano ikurusúre otĩ’ỹre. Ha ko’ág̃a Ha’e oguapyhína Ñanderuete yke akatúape.

Nde ningo che mo’ãha, ha Nde reñangareko porã cherehe mba’evaígui; purahéi vy’a reheguávape Nde chembojere. Selah

Ovy’aite ningo uvei upe yvyarigua ojeroviáva Ñanderuete rehe.

Ha’ete ku yvyráicha oñeñotỹva y rembe’ýpe, hi’y omohe’õ porãva hapokuéra, upévagui noñandumo’ãi avei mba’eve ivaíva og̃uahẽ ramojepe pe ára haku térã ndokyvéi ramojepe noñemyangekõiri, ha ndopytamo’ãi hi’a’ỹrehe.

Ha anítei pende reko ojogua kuimba’e térã kuña ko’ag̃agua rekópe, upéva rãngue peheja pende reko oñemoambue hag̃ua ohóvo (Pytu Porãmbáva rupi) pende py’apy rembipotapype, peikuaa hag̃ua Ñanderuete rembipota iporãha, hekópe ha oporombohorýva.

Upéicha ramo ovy’aite mayma ojeroviáva guive nderehe, tovy’a joaite hikuái opaite ára peve, Nde remo’ã porãgui ichupekuéra, ha tahory ndereheve umi ohayhúva guive nde réra.

Nde ningo, che Ruete, rehovasa pe heko potĩvape, ha reñu’ãmba ichupekuéra nde poriahuvereko rupi.

Ndohejamo’ãi ndepysyrỹi ha pe oñangarekóva nderehe ndokemo’ãi.

Peikuaa porãke Israel ñangarekohára ndahopehýiri ni ndokemo’ãi.

Opaite árape pejerovia hese, peẽ che retãyguakuéra, henondépe peguenohẽ pende py’apýpe oĩva guive, Ñanderuete ningo ñane mo’ãhára. Selah

Ñanderuete oñorãirõta ñanderehehápe ha peẽ peiméta py’aguapýpe.

Pejerovia cherehe, Chénte posalvakuaa, Che voi ningo pende Ruete, ha che ykére ndaipóri ambue Jára.

Oñembyai ramojepe che ro’o ha che py’a, Nde, che Ruete repytava’erã che mba’erepyetéva.

ani hag̃ua avave ikangy ko’ã jehasa asy rupi. Peẽ peikuaa porã voi ñande jahasa asytaha, (jajeroviágui Hesu Crísto rehe).

Ore roime ramoguare penendive gueteri, ore voi romombe’u porã peẽme ore rohasa asytaha, ojehu haguéicha avei uperire, ha ko mba’e peikuaa porãmba voi.

Umi cérro omongora háicha Jerusalénpe, péicha avei Ñanderuete oiko hetã jerekue rehe opaite árape.

Ko’ág̃a ñande jajerereko heko potĩva ramo jajeroviágui Hesu Crísto rehe, ha ñande py’aguapýma Ñanderuete ndive Ñandejára Hesu Crísto rupi.

Pevy’a tapia Hesu Cristopype, ha ha’e jevy: Pevy’ákena.

Pende py’aporã tojekuaauka opavavépe, Hesu Crísto jeju hi’ag̃uíma.

Peñemoĩ che cangálla guýpe (yúgo guýpe) ha peheja Che tapohekombo’e porã, chepy’a porãgui ha che añemomirĩgui, péichamante pejohúta pe pytu’u añeteguáva pene ángape g̃uarã.

Ñanderuete ojapova’erã mba’e iporãitéva chéve g̃uarã, ne mborayhu ndopamo’ãi araka’eve, ani repoi ne rembiapokuégui.

Pe yvytu omosarambi háicha araikuéra, péicha cheresaráita ndehegui reñemoĩ haguére cherehe ha opa háicha pe tatatĩna, péicha amboguéta ne rembiapo vaieta. Ejevýke che rendápe, Che roperdonáma.

Ñanderuete voi ningo he’i: Ha’e ojejoko hatãgui cherehe, Che aguenohẽta ichupe ijejopy vaígui, ha Che añangarekóta hese ha’e oikuaágui che réra.

Ha’e ohenói ramo che réra Che ambohováita ichupe, Che aĩta hendive ijepy’apyha árape, aguenohẽ hag̃ua ichupe ijejopy vaígui ha upéi Che ambotuicháta ichupe.

Ñanderuete réra katu peteĩ óga yvate oñemombarete porãva; hendápe oñaniva’erã pe heko potĩva ojesalva hag̃ua.

Py’aguapypópe aha’ãrõ Ñanderuetépe, ha Ha’e oñemboja cherehe ha ohendu che mba’ejerure asy.

Ha pe ojeroviáva hese ha ojerure ramo peteĩ mba’e, Ha’e oipotáva avei, katuete Ha’e ohendúta imba’ejerure.

Ha jaikuaárõ, Ha’e ñanerendutaha oimeraẽ mba’e jajerurérõ, jaikuaa jarekomaha umi mba’e jajerureva’ekue ichupe.

Ipy’aguapy umi ohayhúva ne rembipota, ha ha’ekuéra noñepysãngamo’ãi.

Peikuaa porãke Ñanderuete ha’eha pe oikóva tapia g̃uarã, Ha’e ñande apohare ha ñande, imba’eha. Ha’e oñangareko hetã rehe ha ijovecha aty rehe.

Pecherendúke, peẽ peikuaáva guive pe justícia, pe tetã py’apýpe oĩ che rembiapoukapy. Ani pekyhyjétei yvyarigua jeja’o vaígui, ha ani pendepy’a kangýtei ha’ekuéra ojahéi vai ramo penderehe.

upévare ñag̃uahẽ jeroviapópe iguapyhaguasúpe, jahupity hag̃ua iporiahuvereko ha jajohu hag̃ua ipy’aporã, Ha’e ñanepytyvõ hag̃ua ñaikotevẽha árape.

Aguata ramojepe ka’aguy iñypytũha rupi ndakyhyjemo’ãi mba’eveichagua mba’evaígui, Nde repytágui chendive ha nde yvyra po’i ha nde yvyra puku chemoangapyhy.

Che katu aiko ku olívo máta rovyũicha Ñanderuete rogaguasúpe, Ñanderuete poriahuvereko rehe ajeroviase opaite árape.

Ha’e oñangarekóta cherehe hogaguasúpe og̃uahẽ jave pe ára ivaipáva, Ha’e cheñu’ãta hekoha ijyvatehápe.

Tou ne retãguasu, tojejapo avei ne rembipota ko yvy ári yvága peguáicha.

Nde kuarahy ndoikemo’ãvéi araka’eve, ha ndoguemo’ãi avei nde jasy rendy; Ñanderuete voi oikóta nde resapehára ramo opaite ára peve, ha opáta umi ára reñemonde hag̃ua aovosakuépe.

Upéicha Ñanderuete omo’ã umi ojejopývape, Ha’e ningo iñemo’ãha renda jepy’apy vaiha árape g̃uarã.

Nde Ruete retãguasu reko ndaha’éi jakaru térã jay’u hag̃ua; justícia, py’aguapy ha vy’a Pytu Porãmbavapype uvei.

Ñanderuete ipy’aporãgui penerenoiva’ekue Hesu Crísto rupi heko jajaipa tapia g̃uarãvape. Pehasa asy rire sapy’ami, Ha’e voi penemboheko porãta, penemombaretéta, penemohatãta ha penemohenda porãta.

Peñemombaretéke opavave peẽ pejeroviáva guive Ñanderuete rehe, ha pemokyre’ỹ pende py’apy.

Ko’ã Ñanderuete promésa rupi ñane ánga ojohu pytu’u añeteguáva ku barcoguasu oñeñapytĩ háicha sã mbaretépe ty’ãiguasúpe (áncla), upéicha ñande jajejoko hatãva’erã avei isã rehe (ipromésa rehe) oñeñapytĩvahína pe óga jojohuha aosãingo kupépe, oĩva yvágape.

Ñanderuete rape katu iporãite, Ñanderuete ñe’ẽ ipotĩmbyre opaite hese ojeroviávape g̃uarã, Ha’e ningo che mo’ãha.

Upéramo pende apysa ohendúta pe ñe’ẽ pende rapykuéguio he’íva: Kóa ha’ehína pe tape, peiko ipype; ha ani pejepoítei pende akatúa gotýo ni pepia pende asu gotýo.

Che ra’y, ejepy’amongeta porã ha eiporu arandu añeteguáva, ko’ã mba’e ani remboyke nde resa renondégui.

Umía oikóta jeguaka ramo nde ajúrare g̃uarã ha ne ánga oikoveva’erã.

Upéicha reikova’erã kyhyje’ỹme nde rape rehe, ha nde py noñepysãngamo’ãi.

Reñeno vove, nderekyhyjemo’ãi, ha reñeno rire reke porãta.

Ha che retã ryepýpe oĩta py’aguapy ha che retãygua rogakuérape pytu’u kyhyje’ỹre.

Che hermanokuéra, che ningo nda’eséi ahupitypáma hague, peteĩ mba’e año ajapo, cheresarái umi mba’e tapykuépe opytava’ekuégui ha añeha’ãmba ahupity hag̃ua umi mba’e oĩva che renonderãme.

Aguata ahávo ag̃uahẽ meve hu’ãme ha ahupity hag̃ua che rembiapo repy, Ñanderuete ome’ẽtava opavave umi Ha’e ohenoiva’ekuépe Hesu Crístope g̃uarã.

Ñanderuete nachepytyvõi rire, che ánga oikova’erãmo’ã umi omanómava apytépe.

Cheapensa ramo che ha’atama’aína, ne mborayhu katu, che Ruete, chejoko jevy.

Che ajepy’apy heta ramo jepe añandu Nde chemoangapyhy ha Nde rembovy’a jevy che ánga.

Ha aisãmbyhýta umi hesatũvape tape oikuaa’ỹva rupi, amboguatáta ichupekuéra tape oikuaa’ỹva rehe ha pe ypytũ oĩva henonderãme amyesakãmbáta ha aguenohẽta umi ita oĩva hapépe oguata hag̃ua tape potĩ rehe. Ko’ã mba’e katuete ajapóta ichupekuéra g̃uarã, ha ndapoimo’ãi che ñe’ẽgui ajapopa peve.

Noñeme’ẽipa mokõi guyra’i média hóra tembiapo repy rehe, ha peteĩ jepe ndo’amo’ãi pende Ruete oikuaa’ỹre.

Felípe ha Bartolome, Tomas ha Matéo, pe impuésto mbyatyhára; Jacóbo, Alféo ra’y, ha Tadéo;

Pene akã rague jepeve ojepapáma.

Upévarupi ani pekyhyje. Peẽ, mba’eguasueteve heta guyra’ígui.

Ñande py’apy rembipota vai ogueru pe ñemano, umi oikóva pe Pytu Porãmbáva poguýpe katu oikovéta tapia g̃uarã py’aguapy añeteguápe g̃uarã.

Upévare che hermanokuéra ahayhúva, peñembo’y hatãkena, pemỹi’ỹre (akatúape ni asúpe, Deuteronómio 28,14), pemba’apo katu kyre’ỹme pene rembiapópe, ha peikuaa porãke opaichagua tembiapo pejapóva guive Ñanderuetépe g̃uarã ndareiriha (ndojeitymo’ãiha tesaráipe).

Ehendumína, Nde, che Ruete, che ñembo’e, ha ani remboykétei che mba’ejerure asy ndéve.

Ára ha pyhare ombojere joa hikuái ikorapyjere yvate, ha ñorãirõ ha ñehundi oĩ ipy’apýpe.

Ñaña reko oĩ itávape, ñembotavy ha ñemonda ndojeíri imbyteguikuéra.

Cherayhu’ỹva oñembohory rire cherehe agueropu’akava’erãmo’ã, peteĩ cherehe ija’e’ỹva oñemoĩ rire cherehe, akañyva’erãmo’ã ichuguikuéra.

Nde katu, kuimba’e, che pehẽngue, che irũ voi, ha che rayhuhára.

Jaikómi oñondive mborayhupópe ñamombe’u ojupe umi mba’e ñemimby, ha jaiko amígo ramo Ñanderuete rogaguasúpe, peteĩ ñe’ẽme.

Peteĩ tesa pirĩme tomano hikuái, ha hekove reheve toguejypa omanómava retãme, ipy’apýpe ha hogakuérape oĩ rehe ñaña reko.

Che katu, che Ruetépe amba’ejerure asýta, Ha’e cheguenohẽta che jejopy vaígui.

Ka’aru pytũme, pyhareve ha asajekuépe añembo’éta ha amba’ejerure asýta, ha Ha’e ohendúta che ñembo’e.

Ha’e ombopy’aguapy jevýta che ángape, hetaiterei cherayhu’ỹva oñemoag̃ui ramojepe cherehe.

Ñanderuete iguapyhaguasu guive cherendu, ha upéi oipy’apýta ichupekuéra nomoambuéigui hikuái hekovekuéra ni ndokyhyjégui hikuái Ñanderuetégui. Selah

Ejapysaka porãmína, ha chembohovaimi, amba’ejerure asy jave ndéve che ñembo’épe, che mba’embyasy cheangekõigui.

amokyre’ỹgui hi’ánga ikane’õvape, ha amoangapyhy mayma hi’ánga oñembyasývape.

Nde, che Ruete, nde poriahuvereko iporãite: Upévagui yvyariguakuéra oñemo’ã nde pepo guýpe.

Hyg̃uatãta hikuái umi mba’e kyrágui oĩva nde rógape, ha nde remboy’úta ichupekuéra ne mba’eporã reheve osyry peve.

Nde remo’ã haguére ikangývape, Nde reipytyvõ haguére umi ojejopývape, Nde reiko haguére ñemo’ãha ramo oky tuicha ha kuarahy hakuete jave, umi iñañáva pu’aka opa reíta ku ama opa rei háicha ojohu guive pe óga tápiare.

Mba’épa ja’éta upéicharamo ko’ã mba’e ko’ãva rehe. Ñanderuete oĩ ramo ñanendive, máva piko ikatu oñemoĩ ñanderehe.

Che ningo pe parral máta, ha peẽ ningo che rakãnguéra. Pe cherehe ojoajúva, ha Che hese, upévamante hi’a porã. Peẽ ndaikatúi pejapo mba’evete cherehe’ỹ.

Hesu Crísto, pe py’aguapy Jára, tome’ẽ peẽme ipy’aguapy peiko porã hag̃ua oñondive opaite árape ha opaite hendápe ipy’aguapýpe.

Eñangarekomína cherehe ku nde resa ra’ỹicha, cheñomi nde pepo guýpe,

Che ha’égui nde Ruete, nde Jára, Che rojapyhýma nde po akatúagui ha ha’e ndéve: Ani rekyhyje, Che roipytyvõta.

Upévare ningo umi ohasa asýva Ñanderuete oipotágui, tomoĩ hi’ánga Ñanderuete pópe ha oñemomirĩvo tojapo mba’eporã.

Umi mondaha ningo ou omonda ha oporohundi hag̃uánte, Che katu aju ame’ẽ hag̃ua pe tekove añeteguáva ha hemby hag̃ua gueteri.

Pe y osyrýva ombohory Ñanderuete táva, ko tenda iporãite, pe Ijyvatetéva oikohápe.

Ñanderuete oikógui ipype ndoku’emo’ãi. Ñanderuete oipytyvõtagui ichupe ko’ẽtĩ jave.

Hesu oma’ẽ hesekuéra ha he’i: Yvyariguakuérape g̃uarã ningo ndaikatúi voi, Ñanderuetépe g̃uarã katu opaite mba’e ikatu.

Peĩ yvagakuéra pepurahéike, ha nde yvy evy’aitéke, peẽ cerrokuéra pesapukái puraheipópe, Ñanderuete omoangapyhýgui hetãme, ha oiporiahuvereko jevy umi ohasa asývape.

Noñeme’ẽigui peẽme peteĩ Pytu Porãmbáva penemongyhyjéva peiko hag̃ua hembiguái ramo, oñeme’ẽ katu peẽme pe Pytu Porãmbáva peiko hag̃ua Ñanderuete ra’y ha itajýra ramo, ikatu hag̃ua peje: Nde ningo, che Ruete.

Upémaramo Hesu he’i ichupekuéra: Che voi ningo pe pan oikovéva, oimeraẽva oúva guive che rendápe naiñembyahyimo’ãi araka’eve, ha ojeroviáva guive cherehe, máramo ndaijy’uheimo’ãvéi.

upeichavéramo jepe che aĩ tapiaite nendive, Nde chejoko porãgui che po akatúagui.

Nde chemboguata porã ne rekombo’e rupi, ha ipahápe chemog̃uahẽ porãta ne rendápe.

Ema’ẽ porãke, Che ningo pende Ruete, mayma oikovéva Jára, oĩnepa mba’e hasýva ikatu’ỹva Che ajapo.

Toñemboete ore Jára, ore Ruetépe, Ha’e ñandereraha ijapére, Ñanderuete voínte ñanepytyvõta ñane rembiapópe. Selah

Ñanderuete, pe yvága Jára, chepytyvõtagui natĩmo’ãi, upévare che amohatã che rova ku itáicha ha aikuaa porã natĩmo’ãiha.

Ñanderuete voi ningo omoheñoihína pendepype hembipota porã ha Ha’e omongakuaa hembipota pende rekovépe pejapopa peve Ha’e oipotáva guive.

Che ndapohejamo’ãi tyre’ỹ peẽme, aju jevýta pene rendápe.

Ndojejokamo’ãi takuapi ojepepýmava, ha nomboguemo’ãi pe tataindykũ hendýva, hekoitépe omombe’úta pe añetegua.

Temiendy ningo ne ñe’ẽ che pykuérape g̃uarã, ha mba’e ohesapéva che rape.

Oñembyatyhápe mokõi térã mbohapy che rérape, ijapytepekuéra aĩta Che avei.

ha peẽ peikuaa hag̃ua avei Ñanderuete pu’aka tuichaitereíva omba’apoha ñande jajeroviáva rekovépe ñanemombarete ha ñanemokyre’ỹve hag̃ua jahávo.

Ñandejára Ñanderuete ha Ñandejára Hesu Crísto py’aporã ha ipy’aguapy toĩ penendive.

Ñanderuete pu’akaguasu omba’apova’ekue Hesu Cristopype omoingove jevy hag̃ua ichupe omanova’ekue apytégui, ha upéi omboguapy avei ichupe yvágape Ñanderuete akatúape.

Ha Ñanderuete ombo’yvatete Hesu Crístope opaichagua mburuvicha ári, mburuvichaguasu hesaitéva ári, pu’akaguasu ári, jára ári ha opaite téra ári, ndaha’éi ko ára atyguasu kóva añómente, upe ouva’erãme avei.

Ñanderuete imba’eita, iñarandu ha ikuaapy ipypukuete. Ñande yvyariguakuéra ndaikatúi ñamyesakã ni jaipyguara, ñande yvyarigua arandu rupi, Ñanderuete rapekuéra ni imbojovakekuéra.