Iósua 24 - An Bíobla Naomhtha 1817 (Bedell)

Caibidil XXIV. Iosua agus oireachduis Israel a ccomhdhail ré cheile. 29 Bás Iosua. 32 adhlacadh chnámha Ioseph. 33 Déug Eleasar.

¹ Agus do chruinnigh Iosua treabha Israel uile go Sechem, agus do ghoir ar shinnsioruibh Israel, agus ar a gceannuibh, agus ar a mbreitheamhnuibh, agus ar a noitigeachaibh; agus do thaisbéanadar íad féin a lathair Dé.

² Agus a dubhairt Iosua ris an bpobal uile, As mar so a deir an TIGHEARNA Día Israel, Do áitreabhadar bhur naithreacha don taóibh oile don tuile annsa tseanaimsir, eadhon Terah, athair Abraham, agus athair Nachor: agus do adhradar dée oile.

³ Agus do thóg misi bhur nathair Abraham don taóibh oile don tuile, agus do thréoruigh mé tré thír Chanaain uile é, agus do mhéaduigh mé a shliochd, agus thug mé Isaac dhó.

⁴ Agus thug mé Disaac, Iacob agus Esau: agus thug mé do Esau sliabh Seir, re shealbhúghadh; achd do chuáidh Iácob agus a chlann síos don Négipt.

⁵ Do chuir mé Maóise fos agus Aáron, agus do chuir mé pláigh ar an Négipt, do réir na neithe do chuir misi na measc: agus na dhiáigh sin thug mé sibhse amach.

⁶ Agus thug mé bhur naithre as an Négipt: agus tangabhairsi gus an nfhairge; agus do leanadar na Hégiptigh a ndiáigh bhur naithreadh lé carbaduibh agus le marcshlúagh go nuige an mhuir Ruáidh.

⁷ Agus a núair déighmheadar ar an TTIGHEARNA, do chuir sé dorchadas eadruibhsi agus na Hégiptigh, agus thug sé a nfairge ar a muinsion, agus do mhúch se íad; agus do choncadar bhur súile íad do rinne me san Egipt: agus do chomhnuigheabhairsi an sa bhfásach aimsir fhada.

⁸ Agus thug mé go crích na Namoríteach sibh, noch do áitribh an táobh oile do Iordan; agus do throidedar ribh: agus thug misi an bhur láimh íad, go bhféadadh sibh a ndúithche do shealbhughadh; agus do scrios mé romhuibhsi íad.

⁹ Annsin déirigh Bálac mhac Sippor, rígh Mhoab, agus do chathuidh sé a naghaidh Israel, agus do chuir fios agus do ghoir Bálaam mac Beor da bhur mallughadh:

¹⁰ Ach níor éist misi re, Bálaam; uimesin do bheannuigh sé sibh a gcomhnuidhe: mar sin do sháor mé sibhsi ás a láimh.

¹¹ Agus do chúadhbhair tar Iordan, agus tangabhair go Iericho: agus do throideadar fir Iericho bhur naghaidh na Hamorítigh, agus na Perisítigh, agus na Canaanítigh, agus na Hititigh, agus na Girgasítígh, agus na Hibhitigh, agus na Iebusitigh; agus thug misi ann bhur lámhuibh íad.

¹² Agus do chuir mé an ceárnabhan romhuibh, noch do thiomáin, amach romhuibh íad, dhá rígh na Namoríteach; gidheadh ní led chloidheamhsa, nó led bhogha.

¹³ Agus thug mé dúithche dhaóibh ar son nach ndéarnabhair sáothar, agus caithreacha nach sibh féin do chuir súas, agus áitreabhthaoi ionta; do na lubhghortuibh fíneamhna agus ola nach sibh féin do phlannduigh a seadh ithí.

¹⁴ Annois ar a nadhbharsin bíodh eagla an TIGHEARNA oruibh, agus foghnaidh dhó a ngloine agus a bhfírinne: agus cuiridh uáibh na dée dar ghéilleadar bhur naithre don taóibh oile don tuile, agus annsa Negipt; agus déanuidh serbhís don TIGHEARNA.

¹⁵ Agus má chítior dhaóibh gurob olc serbhís do dhéanamh don TIGHEARNA, toghaidh féin a niugh cía haca dá ndéantaoi serbhís; an do na déeibh noch dadhair bhur naithré táobh thall don tuile nó do dhéeibh na Namoriteach, a ndúithche a bhfuiltí: ach ar mo shonsa agus ar son mo thighe, foigheonam don TIGHEARNA.

¹⁶ Agus do fhreagradar an pobal agus a dubhradar, Nar léigidh Día go ttréigfemisne an TIGHEARNA, dfoghnamh do dhéeibh eile;

¹⁷ Oír sé ar TIGHEARNA Día thug súas sinn, agus ar naithre as crích na Hégipte, ó thigh na daóirsi, agus noch do rinne na comharthuidhe móra sin ann gach uile shlighe a ndeachamar, agus a measc gach uile phobal tré ar ghabhamar:

¹⁸ Agus do chuir an TIGHEARNA amach romhuinn na daóine uile, eadhon na Hamorítigh do áitreabh annsa dúithche: uimesin mar an gcéadna foigheonuimne don TIGHEARNA; óir isé ar Ndía é.

¹⁹ Agus a dubhairt Iosua rís an bpobal, Ní fhéadthaoi foghnamh don TIGHEARNA: óir is Día náomhtha é; is Día éudmhar é; ní mhaithfidh sé bhur ccionta no bhur bpeácuidh dhaóibh.

²⁰ Má thréigthi an TIGHEARNA, agus dée coimhidhtheach dadhradh, annsin imeochtha seision agus do dhéana sé dochar dhaóibh, agus díobháighfidh sé sibh, tar éis a ndeárna sé do mhaith dhibh.

²¹ Agus a dubhairt an pobal re Iosua, Ní headh; achd foigheonam don TIGHEARNA.

²² Agus a dubhairt Iosua ris an bpobal, Is fiadhnuise sibh féin bhur naghaidh féin, gur thoghbhair an TIGHEARNA dhíbh, do dhéanumh seirbhíse dhó. Agus a dubhradarsan, Is fiadhnuisi sinn.

²³ Annois uimesin, ar seision, cuiridh uáibh na dée coimhidhtheacha atá eadruibh, agus iompoíghidh bhur gcroidhe chum an TIGHEARNA Día Israel.

²⁴ Agus a dubhairt an pobal ré Iosua, Ar TTIGHEARNA Día isé adhrum, agus dá ghuth uimhleocham.

²⁵ Marsin do rinne Iosua cunnradh ris an bpobal an lásin, agus do chuir síos statúid agus órdughadh dhóibh a Sechem.

²⁶ ¶ Agus do scríobh Iosua na briathraso a leabhar dhlighe Dé, agus do thóg cloch mhór, agus do chuir na seasamh annsin í faói dharuigh, do bhí láimh ré sanctora an TIGHEARNA.

²⁷ Agus a dubhairt Iosua ris an bpobal uile, Féachuidh, biáidh an chlochso mar fhiadhnuisi aguinn; óir do chúala sí bríathra an TIGHEARNA uile noch do labhair sé rinne: biáidh sí ann sin mar fhiadhnuisi oruibhsi, deagla go séanfadh sibh bhur Ndía.

²⁸ Mar sin do léig Iosua don phobal imtheachd, gach éanduine dhá oighreachd féin.

²⁹ ¶ Agus tárla an diaigh na neitheannsa, gur éug Iosua mhac Nun, óglach an TIGHEARNA, ar mbeith dhó céud agus deich mbliadhna daóis.

³⁰ Agus do aidhlaiceadar é a ttéoruinn a oighreachda féin a Ttimnat‐serah, noch atá a slíabh Ephraim, ar an ttáobh thuaigh do chnoc Gaas.

³¹ Agus do rinne Israel serbhís don TIGHEARNA ar feadh láetheadh Iosua, agus uile láethe na sinnsior do mhair a ndiaigh Iosua, agus agá raibh fios uile oibreach an TIGHEARNA, noch do rinne sé ar son Israel.

³² ¶ Agus cnámha Ióseph, noch do thugadar clann Israel súas as an Négipt, do adhlaiceadar íad a Sechem, an sa bpíosa fearainn do cheannuigh Iacob ó mhacuibh Hámor athair Shechem ar chéad píosa airgid: agus tháinic na oíghreachd chum cloinne Ioseph.

³³ ¶ Agus déug Eleásar mhac Aaron; agus do adhlaiceadar é a ccnoc do bhean ré Phínehas a mhac, noch tugadh dhó a sliabh Ephraim.