Iósua 1 - An Bíobla Naomhtha 1817 (Bedell)

Caibidil I. Do ainmnigh, 2 agus do shocruigh Día Iosua a nionaid Mhaoisi. 8 Agus do theagúisg a dhleasdannas dó.

¹ Annois tar éis bháis Mhaóise seirbhiseach an TIGHEARNA tarla ann, gur labhair an TIGHEARNA re Iosua mac Nun óglach Mhaóise, ghá rádh,

² Déug Maóise mó sherbhíseach; a nois ar a nadhbhar sin éirigh, imthigh a nonn tar an Iordáinse, thú féin, agus an pobalsa uile, don tír do bheirimse dhóibh, eadhon do chloinn Israel.

³ Gach uile bhall air a sailteoraidh bonn bhur ccoise, thug mé sin dáoibh, mar a dubhairt mé ré Maóise.

⁴ On nfásachsa agus ón lebanonsa go nuige a nabhuinn mhóir, sruth Euphrátes, iomlán fhearainn na Hititeach, agus go nuige a nfaírge mhoir, leath ré dul faoi na gréine, budh é bhur ttéoran.

⁵ ¶ Ní fhéadfuidh éanduine seasamh ad aghuidh ar feadh láethe do bheatha: mar do bhí mé lé Maóise, is mar sin bhías mé leachdsa: ní fhailleocha mé ort, ní mó thréigfios mé thú.

⁶ Bí láidir agus lánchródha: óir roinnfe tú ar an bpobalsa maroighreachd an fearann, do gheall mé dá naithribh do thabhairt dóibh.

⁷ Amhain bísi láidir agus rochurata, chor go gcoimhéadfa tú do dhéanamh do réir an dlighe uile, noch do aithin mo sherbhíseach Maóise dhiot: na hiompóigh uadh ar an láimh dheis nó chlé, chor go mbía tú sona gidh bé ar bith áit a racha tú.

⁸ Ní dhealochuidh an leabharsa an dlighe red bhéul; achd biáidh tú ag meabhair ann do ló agus doidhche, chor go ttiubhra tú haire do nuile ní da bhfuil sgriobhtha ann do dhéanamh: óir ann sin do dhéana tú do shlighe suthuin, agus éireochuidh leachd go maith annsin.

⁹ Nách ar aithin misi dhíot? Bí láidir agus lán bhéodha; ná bíodh eagla ort, agus ná bí meata: óir atá do THIGHEARNA Día maille leachd gidh bé áit a racha tú.

¹⁰ ¶ Ann sin do aithin Iosua do oifigeachuibh an phobail, dhá radh,

¹¹ Eírghidhe ar feadh an tslóigh, aithnighídh don phobal, dhá rádh, Ullmhuighidh lónn daóibh féin; óir fa chionn thrí lá rachthaói a nonn tar an Iordansa, do dhul do shealbhúghadh na tíre, do bheir bhur TTIGHEARNA Día dhaóibh re na shealbhughadh mar oighreachd.

¹² ¶ Agus do labhair Iosua ris na Reubinítibh, agus ris na Gadítibh, agus re leiththreibh Mhanasseh, dhá rádh,

¹³ Cuimhnighidh na bríathra do aithin Maóise óglach an TIGHEARNA dhíbh, ghá rádh, Thug bhur TTIGHEARNA Día suáimhnios daóibh, agus thug sé an dúithche so dhíbh.

¹⁴ Fanfuid bhur mná, bhur ndaóine beaga, agus bhur náirnéis, ansa dúithche thug Maóise dhíbh don táobhso do Iordan; ach rachthaoi féin thairis armtha roimhe bhur ndearbhráithríbh, gach a bhfuil láidir aguibh, agus cuideochtháoi léo;

¹⁵ Nó go ttuga an TIGHEARNA suaimhneas da bhur ndearbhraithribh, mar thug sé dhíbhsi, agus go sealbhuighidsion mar an gcéadna an tír bheir bhur TTIGHEARNA Día dhóibh: annsin fillfidhe dá bhur bhfearann sealbha, noch thug Máoise óglach an TIGHEARNA dhíbh don táoibhsi do Iordan leath ré heírghe greine, agus biáidh aguibh.

¹⁶ ¶ Agus do fhreagradarsan Iosua, ghá rádh, A nuile ní aitheonus tusa dhínn do dhéanam é, agus gidh bé ait a gcuirfe tú sinn racham ann.

¹⁷ Do réir mar do éisteamar re Maóise ann sna huile neithibh, mar sin uimhleocham dhuitsi: amháin go mbia do THIGHEARNA Día leachdsa, mar do bhí sé lé Máoise.

¹⁸ Gidh bé chuirfios a naghuidh haithnesi, agus nach éistfe ré do bhríathruibh a ngach éinní aitheonus tú dhé, cuirfighear chum báis é: amháin bí laídir, agus deighmheisnigh.