ПСАЛТЫР 90:10 - Кнігі Святога Пісання - Біблія - Біблія — пераклад Чарняўскага (выданне 2017 года)

Колькасць нашых гадоў — семдзесят або, у здароўі, восемдзесят, а большая частка іх — праца і марнасць, бо хутка праходзяць, а мы адлятаем.

Біблія (пераклад А.Бокуна)

Дзён гадоў нашых — гадоў семдзясят, а як пры сіле — гадоў восемдзясят; і найлепшае ў іх — гарапашнасьць і ліхоцьце, бо прамінаюць яны шпарка, і мы адлятаем.

Біблія (пераклад В. Сёмухі)

ліха цябе не спаткае, і пошасьць жытла твайго не зачэпіць;

ПСАЛТЫР 90:10 Крыжаваныя спасылкі

БЫЦЦЁ 47:9

Ён адказаў: «Дзён пілігрымавання майго — сто трыццаць гадоў, кароткіх і ліхіх; не дасягнулі яны нават дзён бацькоў маіх, на працягу якіх яны пілігрымавалі».

БЫЦЦЁ 6:3

І сказаў Бог: «Не вечна будзе прабываць Дух Мой у чалавеку, бо ён — цела; будзе дзён яго сто дваццаць гадоў».

2 ЦАРСТВАЎ 19:35

Маю сёння восемдзесят гадоў; ці хопіць мне розуму, каб разабраўся я, што салодкае, а што горкае? Ці можа пацешыць паслугача твайго ежа і пітво? Або ці магу я яшчэ слухаць голас спевакоў і спявачак? Пашто паслугач твой мае быць лішнім цяжарам гаспадару майму, цару?

2 ЦАРСТВАЎ 19:36

Крыху пройдзе паслугач твой з табой ад Ярдана. І за што ўзнагароджваць цару мяне такою ласкаю?

3 ЦАРСТВАЎ 1:1

І цар Давід састарэўся і меў вельмі шмат гадоў; і не мог ён сагрэцца, хоць накрывалі яго коўдрамі.

ЁВА 14:10

А чалавек, які слабее і памірае, адыходзіць, і я пытаюся: “Дзе ён?”

ЁВА 20:8

Як сон, што адлятае, ён не знойдзецца, праміне ён, як начное марыва.

ЁВА 24:24

Падняліся яны невысока і не ўтрымаюцца, і паніжаны будуць, як усе, і прападуць, і, як вярхі каласоў, будуць зрэзаны.

ЁВА 5:7

але чалавек спараджае працу, як птушкі ўзнімаюцца ў палёт.

ПСАЛТЫР 78:39

І прыпамінаў сабе, што яны — толькі цела, подых імклівы і незваротны.

ІСАІ 38:12

Жытло маё прынята і перанесена далёка ад мяне, як палатка пастухоў; звіў Ён, як ткач, жыццё маё, ад кроснаў адарваў мяне. Ад рання да вечара мяне марнуеш.

ЛЯВІТ 27:7

Ад шасцідзесяці гадоў і вышэй за мужчыну даецца пятнаццаць сікляў, а за жанчыну — дзесяць.

ЛУКАША 12:20

Але Бог сказаў яму: “Бязглузды! У гэтую ноч запатрабуюць душу тваю ад цябе, а тое, што прыгатаваў, чыё будзе?”

ДРУГІ ЗАКОН 34:7

Майсей меў сто дваццаць гадоў, калі памёр, але вочы яго не прыцміліся і не змарнела сіла яго.

ЯКАВА 4:14

вы не ведаеце, якім будзе заўтра жыццё ваша. Бо яно – пара, што на хвіліну з’яўляецца, а потым прападае.

ІСУСА 14:11

але я дужы як тады, калі пасланы быў дзеля выведвання, колькі ў мяне тады было сілы, столькі і цяпер маю для таго, каб ваяваць ды ісці ў паход і вяртацца.