ПСАЛТЫР 28:2 - Кнігі Святога Пісання - Біблія - Біблія — пераклад Чарняўскага (выданне 2017 года)

Выслухай голас малення майго, калі ўсклікаю да Цябе, калі ўздымаю рукі мае да святой святыні Тваёй.

Біблія (пераклад А.Бокуна)

Пачуй голас маленьня майго, калі я галашу да Цябе, калі ўзьнімаю рукі мае да давіру сьвятыні Тваёй.

Біблія (пераклад В. Сёмухі)

аддайце Госпаду славу імя Ягонага; пакланецеся Госпаду ў пышнай сьвятасьці Ягонай.

ПСАЛТЫР 28:2 Крыжаваныя спасылкі

3 ЦАРСТВАЎ 6:19

А Дабір ён зрабіў у сярэдзіне дома, ва ўнутранай частцы яго, каб там паставіць каўчэг запавету Госпада.

3 ЦАРСТВАЎ 6:5

і пабудаваў насупраць сцяны святыні кругавыя паверхі ў сценах дома вакол святыні і Дабіра, і зрабіў сцены кругом.

3 ЦАРСТВАЎ 8:38

то ўсякую малітву і просьбу кожнага чалавека з народа Твайго, Ізраэля, калі хто, устрывожаны карай у сэрцы сваім, працягне рукі свае да гэтай святыні,

2 ЛЕТАПІСАЎ 6:13

Зрабіў бо Саламон меднае падножжа і памясціў яго пасярод панадворка, а мела яно пяць локцяў даўжыні, і пяць локцяў шырыні, і тры локці вышыні, і стаў на яго; і затым, калі ўся супольнасць Ізраэля ўкленчыла і ўзняла рукі ў неба,

ПСАЛТЫР 125:5

А тых, што ўхіляюцца на свае крывыя дарогі, хай прагоніць Госпад разам з ліхадзеямі. Супакой над Ізраэлем!

ПСАЛТЫР 130:2

Госпадзе, выслухай голас мой. Хай будуць вушы Твае нахілены да голасу малення майго.

ПСАЛТЫР 134:2

Падыміце рукі вашы да святыні і дабраслаўляйце Госпада.

ПСАЛТЫР 138:2

Пакланюся Табе ў хораме Тваім святым; буду вызнаваць імя Тваё за міласэрнасць Тваю і праўду Тваю, бо ўзвялічыў Ты вышэй за ўсё імя прырачэння Твайго.

ПСАЛТЫР 140:6

Пыхліўцы хаваюць пятлю на мяне і шнуры расцягваюць, як сетку.

ПСАЛТЫР 141:1

Псальм. Давідаў. Госпадзе, клічу я Цябе, хутка памажы мне; паслухай голасу майго, калі прызываю Цябе.

ПСАЛТЫР 141:2

Хай малітва мая накіруецца да Цябе, як кадзіла, а паднятыя рукі мае, як вячэрняя ахвяра.

ПСАЛТЫР 143:6

Прасцёр я рукі мае да Цябе; душа мая — як зямля без вады ў Цябе.

ПСАЛТЫР 5:7

выгубіш усіх, якія гавораць няпраўду; мужам, прагным крыві і крывадушным, брыдзіцца Госпад.

ПСАЛТЫР 63:4

Бо міласэрнасць Твая лепшая за жыццё. Вусны мае будуць хваліць Цябе.

ПЛАЧ 2:19

Паўстань, лямантуй уночы, на пачатку варты ранняй, вылівай, як ваду, сэрца сваё ў прысутнасці Госпада; падымай да Яго рукі свае, за душу дзетак тваіх, якія млелі ад голаду на рагу вуліц усіх.

ДАНІІЛА 6:10

А Даніэль, калі даведаўся, што падпісаны дэкрэт, пайшоў у свой дом; і, паколькі меў ён у сваім верхнім пакоі адчыненыя вокны, накіраваныя на Ерузалім, штодзень тры разы падаў на калені, і маліўся, і славіў Бога свайго, таксама так, як звычайна рабіў гэта і раней.

ДАНІІЛА 6:11

Такім чынам, гэтыя мужы наляцелі грамадою і знайшлі Даніэля, які маліўся і прызываў Бога свайго.

1 ЦІМАФЕЯ 2:8

Дык хачу, каб мужчыны маліліся на кожным месцы, падымаючы чыстыя рукі без гневу і спрэчак.