ПСАЛТЫР 130 - Кнігі Святога Пісання - Біблія - Біблія — пераклад Чарняўскага (выданне 2017 года)

1 Песня ўзыходжання.

¹ Песня ўзыходжання. З глыбіняў прызываю я Цябе, Госпадзе;

² Госпадзе, выслухай голас мой. Хай будуць вушы Твае нахілены да голасу малення майго.

³ Калі будзеш аглядаць несправядлівасці, Госпадзе, хто ж вытрымае?

⁴ Бо ў Цябе — адпушчэнне [грахоў], каб мы шанавалі Цябе.

⁵ Пакладаюся на Госпада; трымалася душа мая слова Яго;

⁶ усклала надзею душа мая ў Госпадзе больш, чым вартаўнікі світання.

⁷ Хай ускладзе надзею Ізраэль у Госпадзе, бо ў Госпада — міласэрнасць і шчодрае адкупленне — у Яго.

⁸ І Ён адкупіць Ізраэль ад усіх несправядлівасцей яго.