ПСАЛТЫР 125 - Кнігі Святога Пісання - Біблія - Біблія — пераклад Чарняўскага (выданне 2017 года)

1 Песня ўзыходжання.

¹ Песня ўзыходжання. Тыя, што здавераны ў Госпадзе, падобныя да гары Сіён: яна не зварухнецца, трывае на век.

² Ерузалім, горы каля яго, а Госпад — каля народа Свайго ад гэтага часу і навечна.

³ Бо не затрымаецца жазло несправядлівасці над доляй справядлівых, каб справядлівыя не працягвалі рук сваіх да несправядлівасці.

⁴ Спагадай, Госпадзе, добрым і шчырым сэрцам.

⁵ А тых, што ўхіляюцца на свае крывыя дарогі, хай прагоніць Госпад разам з ліхадзеямі. Супакой над Ізраэлем!