ПІЛІПЯНАЎ 2:26 - Кнігі Святога Пісання - Біблія - Біблія — пераклад Чарняўскага (выданне 2017 года)

бо ён тужыў па вас усіх і быў засмучаны, што вы чулі пра яго хваробу.

Біблія (пераклад А.Бокуна)

бо ён жадаў [бачыць] усіх вас і тужыў, што вы пачулі пра нядужасьць ягоную.

Біблія (пераклад В. Сёмухі)

бо ён моцна хацеў бачыць вас і цяжка журыўся, што да вас дайшлі чуткі пра ягоную хваробу.

ПІЛІПЯНАЎ 2:26 Крыжаваныя спасылкі

2 ЦАРСТВАЎ 13:39

І перастаў дух цара гневацца на Абсалома, бо ўжо супакоіўся па смерці Амнона.

2 ЦАРСТВАЎ 24:17

І Давід, калі бачыў анёла, які забіваў людзей, маліў Госпада: «Я зграшыў, я дзейнічаў бязбожна; а яны, гэтыя авечкі, што яны зрабілі? Прашу, хай рука Твая павернецца на мяне і на дом бацькі майго!»

ЁВА 9:27

Калі скажу я: “Забудуся пра смутак свой, змяню аблічча сваё і стану я вясёлы”,

ПСАЛТЫР 69:20

Ты ведаеш ганьбу маю, і сорам мой, і знявагу маю. Перад Табою — усе тыя, што прыгнятаюць мяне;

ВЫСЛОЎІ 12:25

Сум у сэрцы чалавека будзе прыгнятаць яго, а развесяліць яго добрая размова.

ІСАІ 61:3

каб прызначыць [радасць] тым, хто плача на Сіёне, і даць ім вянок замест попелу і намашчэнне радасці замест смутку, плашч хвалы замест тужлівага духу. І назавуць іх тэрэбінітамі справядлівасці, насаджэннем Госпада дзеля ўслаўлення.

МАЦЬВЕЯ 11:28

Ідзіце да Мяне ўсе, што працуеце і стаміліся пад цяжарам, і Я дам вам супакой.

МАЦЬВЕЯ 26:37

І, узяўшы Пётру і двух сыноў Зебядзеевых, пачаў сумаваць і журыцца.

ДЗЕІ 21:13

Тады Паўла адказаў: «Што вы робіце, плачучы і разрываючы маё сэрца? Я гатовы не толькі ў вязніцу, але і на смерць у Ерузаліме дзеля імя Госпада Ісуса».

РЫМЛЯНАЎ 1:11

Я прагну бачыць вас, каб перадаць вам падарунак духоўны і падмацаваць вас,

РЫМЛЯНАЎ 12:15

Радуйцеся з тымі, хто радуецца, плачце з тымі, хто плача.

РЫМЛЯНАЎ 9:2

што вялікі смутак у мяне і няспынны боль у сэрцы маім.

1 КАРЫНФЯНАЎ 12:26

Такім чынам, калі церпіць адзін член, церпяць з ім усе члены. Падобна, калі славіцца адзін член, радуюцца з ім усе члены.

2 КАРЫНФЯНАЎ 9:14

і ў сваіх маленнях за вас выяўляюць прыхільнасць да вас дзеля шчодрай у вас ласкі Бога.

ГАЛЯТАЎ 6:2

Насіце цяжары адзін аднаго і гэтым выканайце закон Хрыстоў.

ЭФЭСЯНАЎ 3:13

Таму вось прашу вас, не падайце духам з-за турбот маіх пра вас, якія ёсць слава ваша.

ПІЛІПЯНАЎ 1:3

Дзякую Богу майму, усякі раз успамінаючы вас,

ПІЛІПЯНАЎ 1:8

Сведка мне Бог, як сардэчна імкнуся да ўсіх вас у Ісусе Хрысце.

ПІЛІПЯНАЎ 2:25

Палічыў я неабходным паслаць да вас Эпафрадыта, брата, і супрацоўніка, і супольніка змагання майго, вашага ж пасланца і дапаможцу ў маёй патрэбе,

ПІЛІПЯНАЎ 2:27

Бо расхварэўся ён тут аж да смерці, але Бог пашкадаваў яго, і не толькі яго, але, па праўдзе, і мяне, каб я не меў смутку да смутку.

ПІЛІПЯНАЎ 4:1

Гэтак, браты мае найдаражэйшыя і вельмі пажаданыя, радасць і вянок мой, стойце так у Госпадзе, улюбёныя.

1 ПЯТРА 1:6

З гэтага радуйцеся, хоць цяпер мусіце пасмуткаваць крыху дзеля шматлікіх выпрабаванняў,