ВЫСЛОЎІ 12:25 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁵ Сум у сэрцы чалавека будзе прыгнятаць яго, а развесяліць яго добрая размова.

Біблія (пераклад А.Бокуна)

²⁵ Смутак у сэрцы чалавека прыгнятае яго, а добрае слова разьвяселіць яго.

Біблія (пераклад В. Сёмухі)

²⁵ Смутак на сэрцы падаўляе чалавека, а добрае слова разьвесяляе яго.

ВЫСЛОЎІ 12:25 Крыжаваныя спасылкі

ПСАЛТЫР 38:6

Сасмярдзелі і нагнаіліся раны мае праз дурноту маю.

ПСАЛТЫР 42:11

Уздрыгваюць косці мае, а тыя, што прыцясняюць мяне, зняважылі мяне і кажуць мне штодзень: «Дзе Бог твой?»

ВЫСЛОЎІ 12:18

Ёсць той, што гаворыць неабдумана, і ён, быццам мечам, ударае, а язык мудрых — здароўе.

ВЫСЛОЎІ 12:26

Справядлівы вядзе сябра да праўды, а шлях бязбожнікаў падмане іх.

ВЫСЛОЎІ 14:10

Сэрца ведае гаркоту душы сваёй, і ў радасць яго не ўмяшаецца чужы.

ВЫСЛОЎІ 15:13

Сэрца радаснае весяліць твар, у смутку душы дух падае.

ВЫСЛОЎІ 15:15

Усе дні ў бедных — ліхія, а вясёлы ў сэрцы — быццам заўсёды на застоллі.

ВЫСЛОЎІ 15:23

Весяліцца чалавек з адказу вуснаў сваіх, і спрыяльная размова — найлепшая.

ВЫСЛОЎІ 15:30

Святло вачэй радуе душу, добрая слава ўдобрывае косці.

ВЫСЛОЎІ 16:24

Складная мова — соты мядовыя, слодыч для душы і здароўе для цела.

ВЫСЛОЎІ 17:22

Радасны дух робіць жыццё квітнеючым, дух сумны высушвае косці.

ВЫСЛОЎІ 18:14

Дух чалавечы пераносіць немач сваю, але хто зможа падтрымаць зруйнаваны дух?

ВЫСЛОЎІ 25:11

Залатыя яблыкі на срэбраным посудзе — слова, сказанае ў свой час.

ВЫСЛОЎІ 27:9

Маззю і фіміямам цешыцца сэрца і прывабнасцю сябра ў парадзе ад душы.

ІСАІ 50:4

Госпад Бог надзяліў мяне языком вымоўным, каб здолеў я падтрымаць таго, хто знямогся ў слове; кожную раніцу Ён абуджае, абуджае вуха маё, каб слухаў я Яго, як вучань.

ЗАХАРЫІ 1:13

Ды адказаў Госпад анёлу, які гаварыў да мяне, словамі добрымі, словамі суцяшальнымі.