ВЫСЛОЎІ 10:24 - Кнігі Святога Пісання - Біблія - Біблія — пераклад Чарняўскага (выданне 2017 года)

Чаго баіцца грэшнік, тое і прыйдзе да яго, а жаданне справядлівага здзейсніцца.

Біблія (пераклад А.Бокуна)

Тое, чаго баіцца бязбожнік, прыйдзе на яго, а прагненьні праведных споўняцца.

Біблія (пераклад В. Сёмухі)

Чаго баіцца бязбожнік, тое спасьцігне яго, а жаданьне праведнікаў збудзецца.

ВЫСЛОЎІ 10:24 Крыжаваныя спасылкі

ЁВА 15:21

Шум страху заўсёды ў вушах яго, быццам, нават калі супакой, на яго нападае нішчыцель.

ЁВА 3:25

Бо страх, якога я баяўся, прыйшоў да мяне, і тое, перад чым я трымцеў, настала.

ПСАЛТЫР 145:19

РЭС. Спаўняе ён просьбу тых, што шануюць Яго, і пачуе іх кліканне, і збавіць іх.

ПСАЛТЫР 21:2

Госпадзе, цар парадуецца з магутнасці Тваёй. О, як вельмі пацешыцца ён і з Тваёй помачы!

ПСАЛТЫР 37:4

Знайдзі радасць у Госпадзе, і дасць Ён табе тое, чаго патрабуе сэрца тваё.

ВЫСЛОЎІ 1:26

Такім чынам, і я буду смяяцца з вашай пагібелі і кпіць буду, калі прыйдзе да вас трывога.

ВЫСЛОЎІ 1:27

Калі накінецца, як бура, страх, і пагібель узнікне, быццам віхура, калі апануе вас бяда і цесната.

ВЫСЛОЎІ 15:8

Ахвяры бязбожнікаў — агідныя для Госпада; абяцанні справядлівых — мілыя Яму.

ІСАІ 66:4

так і Я выберу ім долю іх ліхую, і тое, чаго яны баяцца, напушчу на іх, бо Я клікаў — і не было каму адказаць, гаварыў — а не слухалі, і дапускаліся ліхоты на вачах Маіх, ды, што Мне не падабалася, выбралі».

ЕЗЭКІІЛЯ 11:8

“Баіцеся меча, і Я ўзвяду на вас меч, — кажа Госпад Бог.

ДАНІІЛА 4:28

Калі яшчэ слова было на вуснах цара, пачуўся голас з неба: «Табе кажуць, цару Набукаданосару, цараванне тваё спынілася;

МАЦЬВЕЯ 5:6

Шчасныя тыя, што прагнуць і смагнуць справядлівасці, бо яны насыцяцца.

ЯНА 14:18

Не пакіну вас сіротамі, прыйду да вас.

ЯНА 16:24

Дасюль нічога не прасілі ў імя Маё. Прасіце і атрымаеце, каб радасць ваша была поўнай.

ГАБРЭЯЎ 10:27

але толькі нейкае страшнае чаканне суда і жар агню, які павінен будзе пажэрці супраціўнікаў.