ЁВА 15:21 - Кнігі Святога Пісання - Біблія - Біблія — пераклад Чарняўскага (выданне 2017 года)

²¹ Шум страху заўсёды ў вушах яго, быццам, нават калі супакой, на яго нападае нішчыцель.

Біблія (пераклад А.Бокуна)

²¹ Ён заўсёды чуе крык жахлівы вушамі сваімі, і калі падаецца, што ўсё спакойна, на яго нападае нішчыцель.

Біблія (пераклад В. Сёмухі)

²¹ гук жахаў у вушах ягоных; сярод міру ідзе на яго згубнік,

ЁВА 15:21 Крыжаваныя спасылкі

4 ЦАРСТВАЎ 7:6

Бо ў лагеры сірыйскім даў Госпад чуць грукат калясніц, і коней, і вялікага войска; і казалі яны адзін аднаму: «Вось, цар Ізраэля наняў супраць нас цароў хетэяў і егіпцян, каб ішлі на нас».

ЭСТЭР 7:6

Эстэр сказала: «Аман — гэты вораг і найгоршы наш непрыяцель». Чуючы гэта, ён затрывожыўся адразу ж перад абліччам цара і царыцы.

ЁВА 15:24

Будзе баяцца ён бяды і нястачы, яны паваляць яго, як цара, які рыхтуецца да бітвы.

ЁВА 18:11

Адусюль палохаюць яго жахі і агортваюць ногі яго.

ЁВА 18:14

Выдаляецца надзея яго з палаткі яго, і Ты штурхаеш яго да цара жахаў.

ЁВА 20:21

Нічога не заставалася ад спажывання яго, і таму не застанецца нічога з маёмасці яго.

ЁВА 22:10

Дзеля таго акружаны ты пасткамі і трывожыць цябе страх неспадзяваны.

ЁВА 24:17

Калі ж нечакана заззяе зараніца, яны лічаць яе ценем смерці; калі нават развіднее — [для іх] гэта страхі ценю смяротнага.

ЁВА 27:20

Ахопіць яго нястача, як вада, ноччу прыцісне яго навальніца.

ПСАЛТЫР 92:7

Неразумны чалавек не спазнае і бязглузды не зразумее гэтага.

ВЫСЛОЎІ 10:24

Чаго баіцца грэшнік, тое і прыйдзе да яго, а жаданне справядлівага здзейсніцца.

ВЫСЛОЎІ 28:1

Бяжыць бязбожнік, калі ніхто не гоніца за ім, а справядлівы — як леў адважны.

ЕРАМІІ 6:26

Дачка народа Майго, апраніся ў зрэбніцу ды качайся ў попеле; учыні сабе жалобу, горкі плач, як па сыне адзіным, бо знянацку нападзе на нас нішчыцель.

ЛЯВІТ 26:36

А тым, якія з вас застануцца, Я папушчу страх у сэрцы іх у зямлі варожай. Будзе палохаць іх шум лятучага ліста так, што будуць уцякаць, як ад меча, і, хоць ніхто не будзе за імі гнацца, упадуць.

1 КАРЫНФЯНАЎ 10:10

І не наракайце, як і некаторыя з іх наракалі і пагінулі ад нішчыцеля.

1 ФЕСАЛОНІКІЙЦАЎ 5:3

Бо калі скажуць: «Супакой і бяспека», тады раптам прыйдзе на іх загуба, як родавыя мукі на цяжарную, і не ўцякуць.

АДКРЫЦЦЁ 9:11

Маюць яны над сабой валадаром анёла бездані, які па-гебрайску завецца Абадон, а па-грэцку Апаліён.