3 ЦАРСТВАЎ 20:7 - Кнігі Святога Пісання - Біблія - Біблія — пераклад Чарняўскага (выданне 2017 года)

І склікаў цар Ізраэльскі ўсіх старэйшын зямлі і сказаў: «Заўважце і паглядзіце, як ён наладжвае нам засаду, бо ён паслаў да мяне па жонак маіх, па сыноў, па срэбра і па золата, — і я не адмовіў яму».

Біблія (пераклад А.Бокуна)

І склікаў валадар Ізраіля ўсіх старшыняў зямлі, і сказаў: «Заўважце і паглядзіце, што ён шукае ліха, бо ён паслаў да мяне па жонак маіх, па сыноў маіх, па срэбра маё і золата маё, і я не адмовіў яму».

Біблія (пераклад В. Сёмухі)

І склікаў цар Ізраільскі ўсіх старэйшынаў зямлі і сказаў: прыкмячайце і глядзеце, ён намышляе ліхое; калі ён прысылаў да мяне па жонак маіх, і сыноў маіх, і срэбра маё і золата маё, я яму не адмовіў.

3 ЦАРСТВАЎ 20:7 Крыжаваныя спасылкі

3 ЦАРСТВАЎ 20:6

напэўна, заўтра гэтай жа парою я прышлю паслугачоў маіх да цябе, і абшукаюць яны твой дом, і дамы паслугачоў тваіх, і ўсё, што каштоўнае ў вачах тваіх, возьмуць яны ў рукі свае і забяруць”».

3 ЦАРСТВАЎ 20:8

І сказалі яму ўсе старэйшыны і ўвесь народ: «Не слухай і не згаджайся з ім».

3 ЦАРСТВАЎ 21:8

Такім чынам, напісала яна ліст ад імя Ахаба і запячаткавала яго пярсцёнкам яго, і паслала старэйшынам і магнатам, якія жылі разам з Наботам у яго горадзе.

3 ЦАРСТВАЎ 8:1

Тады сабраў Саламон усіх старэйшын Ізраэля, — усіх князёў пакаленняў, усіх кіраўнікоў родаў сыноў Ізраэля да цара Саламона ў Ерузалім, каб перанесці каўчэг запавету Госпада з горада Давідавага, гэта значыць з Сіёна.

4 ЦАРСТВАЎ 5:7

Калі цар Ізраэля прачытаў гэты ліст, то раздзёр шаты свае і сказаў: «Ці ж я Бог, каб мог забіваць ці вяртаць жыццё, што ён прысылае да мяне, каб я вылечыў чалавека ад яго праказы? Падумайце і паглядзіце, ці ён не зачэпкі шукае супраць мяне?»

1 ЛЕТАПІСАЎ 13:1

Давід раіўся з тысячнікамі і сотнікамі і з усімі кіраўнікамі,

1 ЛЕТАПІСАЎ 28:1

Такім чынам, сабраў Давід у Ерузаліме ўсіх князёў Ізраэля, кіраўнікоў пакаленняў і кіраўнікоў дружын, якія былі на службе ў цара, таксама тысячнікаў і сотнікаў, загадчыкаў маёмасці і статкаў цара, і сыноў сваіх, а таксама еўнухаў, і асілкаў ды ўсіх наймужнейшых людзей і тых, хто быў у войску Ерузаліма.

ЁВА 15:35

Бо ён пачаў пакуту і нарадзіў несправядлівасць, і нутро яго хітрасці рыхтуе».

ПСАЛТЫР 140:2

Вырві мяне, Госпадзе, ад ліхога чалавека, сцеражы мяне ад гвалтаўніка.

ПСАЛТЫР 36:4

Словы вуснаў яго — несправядлівасць і хітрасць, перастаў ён разумець, як чыніць дабро.

ПСАЛТЫР 62:3

Сапраўды, Ён — прыстанішча маё і збаўленне маё, абарона мая — не пахіснуся больш.

ПСАЛТЫР 7:14

І падрыхтаваў Ён Сабе смяротную зброю, стрэлы Свае зрабіў агнявымі.

ВЫСЛОЎІ 11:14

Дзе няма парадку — народ загіне, а збаўленне там, дзе шматлікія парады.

ВЫСЛОЎІ 11:27

Хто настойліва шукае дабра — шукае ласкі [Божай], а хто шукальнік ліха — да таго яно і прыйдзе.

ВЫСЛОЎІ 24:2

бо думаюць яны пра гвалт, іх вусны гавораць зласліва.

ВЫСЛОЎІ 6:14

Ліха задумваецца ў сэрцы яго, увесь час сее ён раздоры і бяду.

ДАНІІЛА 11:27

Таксама абодва цары будуць мець на сэрцы, каб рабіць ліхое, і пры адным стале лгаць, і не дасягнуць нічога, бо не надышоў яшчэ час вырашэння.