3 ЦАРСТВАЎ 20:7 - Біблія (пераклад А.Бокуна)

⁷ І склікаў валадар Ізраіля ўсіх старшыняў зямлі, і сказаў: «Заўважце і паглядзіце, што ён шукае ліха, бо ён паслаў да мяне па жонак маіх, па сыноў маіх, па срэбра маё і золата маё, і я не адмовіў яму».

Біблія (пераклад В. Сёмухі)

⁷ І склікаў цар Ізраільскі ўсіх старэйшынаў зямлі і сказаў: прыкмячайце і глядзеце, ён намышляе ліхое; калі ён прысылаў да мяне па жонак маіх, і сыноў маіх, і срэбра маё і золата маё, я яму не адмовіў.

Кнігі Святога Пісання - Біблія - Біблія — пераклад Чарняўскага (выданне 2017 года)

⁷ І склікаў цар Ізраэльскі ўсіх старэйшын зямлі і сказаў: «Заўважце і паглядзіце, як ён наладжвае нам засаду, бо ён паслаў да мяне па жонак маіх, па сыноў, па срэбра і па золата, — і я не адмовіў яму».

3 ЦАРСТВАЎ 20:7 Крыжаваныя спасылкі

3 ЦАРСТВАЎ 20:6

Заўтра ў гэты час я прышлю слугаў маіх да цябе, і яны перашукаюць дом твой, і дамы слугаў тваіх, і ўсё, чаго зажадаюць вочы іхнія, возьмуць яны ў рукі свае і забяруць”».

3 ЦАРСТВАЎ 20:8

І сказалі яму ўсе старшыні і ўвесь народ: «Ня слухай і не згаджайся з ім».

3 ЦАРСТВАЎ 21:8

І напісала яна лісты ў імя Ахава, і запячатала іх пячаткай ягонай, і паслала лісты старшыням і магнатам, якія жылі з Наботам у горадзе ягоным.

3 ЦАРСТВАЎ 8:1

Тады сабраў Салямон старшыняў Ізраіля, усіх князёў пакаленьняў, усіх начальнікаў [дамоў] бацькоў сыноў Ізраіля да валадара Салямона ў Ерусалім, каб перанесьці Каўчэг Запавету ГОСПАДА з гораду Давіда, з Сыёну.

4 ЦАРСТВАЎ 5:7

І сталася, калі валадар Ізраіля прачытаў ліст гэты, ён разьдзёр шаты свае і сказаў: «Ці ж я — Бог, каб забіваць і вяртаць жыцьцё, што ён прысылае да мяне, каб я аздаравіў чалавека ад праказы ягонай? Падумайце і паглядзіце, ці ён не зачэпкі шукае супраць мяне?»

1 ЛЕТАПІСАЎ 13:1

І радзіўся Давід з тысячнікамі, сотнікамі, з усімі правадырамі.

1 ЛЕТАПІСАЎ 28:1

І сабраў Давід у Ерусалім усіх князёў Ізраіля, князёў каленаў і начальнікаў харугваў, якія служылі валадару, і начальнікаў над тысячамі, і начальнікаў над сотнямі, і князёў над усёй маёмасьцю, і над статкамі валадара, і над сынамі ягонымі разам з урадоўцамі і мужнымі [ваярамі], і ўсімі ваярамі магутнымі.

ЁВА 15:35

Бо ён зачаў ліхоту і нарадзіў марнасьць, і нутро ягонае падман рыхтуе».

ПСАЛТЫР 140:2

Ратуй мяне, ГОСПАДЗЕ, ад чалавека ліхога, ад чалавека злачыннага захоўвай мяне!

ПСАЛТЫР 36:4

Словы вуснаў ягоных — злачынства і падступнасьць, ён не захацеў разумець, каб рабіць добрае.

ПСАЛТЫР 62:3

Толькі Ён — скала мая і збаўленьне маё, умацаваны замак мой, дык я не пахіснуся.

ПСАЛТЫР 7:14

і паклаў на яго прылады сьмерці, стрэлы Свае Ён робіць распаленымі.

ВЫСЛОЎІ 11:14

Дзе няма добрай рады, народ прападае, а пры мностве дарадцаў — выратаваньне.

ВЫСЛОЎІ 11:27

Хто імкнецца да дабра, той шукае зычлівасьці, а хто шукае зла, да таго яно прыйдзе.

ВЫСЛОЎІ 24:2

бо пра злачыннасьць думае сэрца іхняе, і пра ліхоту вусны іхнія гавораць.

ВЫСЛОЎІ 6:14

хавае ліхоту ў сэрцы сваім, увесь час прыдумляе благое, сваркі расьсявае.

ДАНІІЛА 11:27

І сэрцы абодвух гэтых валадароў будуць рабіць ліха, і яны будуць гаварыць хлусьню за адным сталом, і ня будуць мець посьпеху, бо яшчэ не канец вызначанаму часу.