ВЫСЛОЎІ 6:14 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁴ Ліха задумваецца ў сэрцы яго, увесь час сее ён раздоры і бяду.

Біблія (пераклад А.Бокуна)

¹⁴ хавае ліхоту ў сэрцы сваім, увесь час прыдумляе благое, сваркі расьсявае.

Біблія (пераклад В. Сёмухі)

¹⁴ хітрына ў сэрцы ў яго, ён намышляе ліхое ва ўсякі час, сее разлад.

ВЫСЛОЎІ 6:14 Крыжаваныя спасылкі

ПСАЛТЫР 140:2

Вырві мяне, Госпадзе, ад ліхога чалавека, сцеражы мяне ад гвалтаўніка.

ПСАЛТЫР 140:3

Яны задумваюць у сэрцы ліхое, цэлы дзень узнімаюцца на бойкі.

ПСАЛТЫР 36:4

Словы вуснаў яго — несправядлівасць і хітрасць, перастаў ён разумець, як чыніць дабро.

ВЫСЛОЎІ 14:22

Ці не блукаюць тыя, што чыняць ліха? Міласэрнасць і праўда — для тых, хто робіць дабро.

ВЫСЛОЎІ 16:27

Чалавек бязбожны падбухторвае да ліха, і ў вуснах яго — быццам агонь, што палымнее.

ВЫСЛОЎІ 17:20

Той, у каго крывадушнае сэрца, — не знойдзе дабра; а хто хітруе ў размове — трапіць у бяду.

ВЫСЛОЎІ 2:14

[ад тых,] хто весяліцца, калі робіць злачынства, і радуецца з найгоршых рэчаў:

ВЫСЛОЎІ 21:8

Нясталы шлях — чужы для чалавека; а хто чысты, таго справа верная.

ВЫСЛОЎІ 22:8

Хто сее несправядлівасць, той збярэ ліха, і розга гневу яго скончыцца.

ВЫСЛОЎІ 24:8

Хто думае зрабіць ліха, таго назавуць зламыснікам.

ВЫСЛОЎІ 3:29

Не задумвай ліха супраць сябра свайго, калі ён з даверам сядзіць побач з табою.

ВЫСЛОЎІ 3:32

бо агіднасць для Госпада — усякі крывадушны чалавек, а з сумленнымі — сяброўства Яго.

ІСАІ 32:7

У ашуканца ашуканствы — найгоршыя: ён бо перадумвае спосабы, каб загубіць пакорлівых словамі хлусні, хоць нават калі бедны дакажа справядлівасць.

ІСАІ 57:20

Бязбожнікі ж — быццам узбуранае мора, якое не можа супакоіцца, і хвалі яго выкідаюць іл і балота.

ЕЗЭКІІЛЯ 11:2

І сказаў мне Госпад: «Сын чалавечы, вось мужы, у думках якіх злачыннасць і якія ў гэтым горадзе распаўсюджваюць найгоршыя парады,

АСІІ 8:7

Раз вецер будуць сеяць, жаць будуць буру; калі не будзе ў ёй коласа, расліна не дасць мукі, а калі і дала — чужыя з’ядуць яго.

МІХЕЯ 2:1

Гора тым, якія задумваюць беззаконне і абдумваюць ліхоцце на ложках сваіх! На світанні здзяйсняюць задуманае, бо на тое стае моцы ў руках іх.

РЫМЛЯНАЎ 16:17

Прашу вас яшчэ, браты, каб асцерагаліся тых, што чыняць нязгоду і перашкоды супраць навукі, якой вы навучыліся. Ухіляйцеся ад іх!