1 ЛЕТАПІСАЎ 29:15 - Кнігі Святога Пісання - Біблія - Біблія — пераклад Чарняўскага (выданне 2017 года)

Пілігрымы мы перад Табою і чужынцы, як былі ўсе бацькі нашыя; дні нашыя, як цень над зямлёю, і няма надзеі.

Біблія (пераклад А.Бокуна)

Бо мы — прыхадні перад абліччам Тваім, як усе бацькі нашыя. Дні нашыя на зямлі, як цень, і няма трываласьці.

Біблія (пераклад В. Сёмухі)

бо староньнія мы прад Табою і прыхадні, як і ўсе бацькі нашыя, як цень дні нашыя на зямлі, і няма нічога моцнага.

1 ЛЕТАПІСАЎ 29:15 Крыжаваныя спасылкі

БЫЦЦЁ 21:34

І быў Абрагам чужынцам у зямлі філістынцаў многія дні.

БЫЦЦЁ 23:4

«Я ў вас чужынец і пасяленец, дазвольце мне прыдбаць магілу побач з вамі, каб мог я пахаваць сваю памерлую».

БЫЦЦЁ 28:4

І хай дасць Ён табе дабраславенні Абрагама табе і патомству твайму разам, каб валодаў ты зямлёю вандравання твайго, якую паабяцаў Бог дзеду твайму».

БЫЦЦЁ 36:7

Былі яны вельмі багатыя, і разам не маглі яны жыць. Не змяшчала іх зямля качавання іх дзеля мноства статкаў.

БЫЦЦЁ 47:9

Ён адказаў: «Дзён пілігрымавання майго — сто трыццаць гадоў, кароткіх і ліхіх; не дасягнулі яны нават дзён бацькоў маіх, на працягу якіх яны пілігрымавалі».

1 ЛЕТАПІСАЎ 29:14

Хто я, хто народ мой, каб маглі мы Табе ўсё гэта скласці ў ахвяру? Тваё ўсё гэта і тое, што з рукі Тваёй мы атрымалі, аддалі Табе.

1 ЛЕТАПІСАЎ 29:16

Госпадзе, Божа наш, усё гэта багацце, якое мы прыгатавалі, каб пабудаваць дом святому імю Твайму, — з рукі Тваёй і Тваё ёсць усё.

ЁВА 14:10

А чалавек, які слабее і памірае, адыходзіць, і я пытаюся: “Дзе ён?”

ЁВА 14:2

ён расце, быццам кветка, і вяне, і мінае, як цень, і не застаецца.

ЁВА 8:9

Мы — учарашнія і нічога не ведаем, бо дні нашыя на зямлі, быццам цень.

ПСАЛТЫР 102:11

з прычыны гневу і раздражнёнасці Тваёй, бо, узнёсшы, Ты скінуў мяне.

ПСАЛТЫР 119:19

Госць я на зямлі, не хавай ад мяне загадаў Тваіх.

ПСАЛТЫР 144:4

Чалавек стаўся падобны да марнасці, дні яго мінаюць, як цень.

ПСАЛТЫР 39:12

Ушчуваннем за правіннасць пакараў Ты чалавека і ўчыніў так, што змарнелі, быццам ад молі, усе памкненні яго. Бо марнасць — кожны чалавек.

ПСАЛТЫР 39:13

Выслухай маленне маё, Госпадзе, лямантаванне маё ўспрымі вушамі. Не будзь глухім да слёз маіх, бо я — прыхадзень у Цябе, вандроўнік, як усе продкі мае.

ПСАЛТЫР 90:9

Бо ўсе нашы дні прамінаюць у гневе Тваім, спыняюцца гады нашыя, быццам дыханне.

ЭКЛЕЗІЯСТА 6:12

Бо хто ведае, што добра для чалавека ў жыцці, у нямногіх днях марнасці сваёй, якія пражывае, як цень? Або хто зможа выявіць яму, што будзе пасля яго пад сонцам?

ЛЯВІТ 25:23

Зямлю не належыць прадаваць назаўсёды, бо яна — Мая, а вы — прышэльцы і пасяленцы ў Мяне.

ЯКАВА 4:14

вы не ведаеце, якім будзе заўтра жыццё ваша. Бо яно – пара, што на хвіліну з’яўляецца, а потым прападае.

1 ПЯТРА 2:11

Умілаваныя, прашу вас, як прыхадняў і падарожнікаў, паўстрымацца цялесных пажаданняў, якія ваююць супраць душы.