ВЫСЛОЎІ 5:21 - Біблія (пераклад А.Бокуна)

Бо перад вачамі ГОСПАДА шляхі чалавека, Ён ведае ўсе крокі яго.

Біблія (пераклад В. Сёмухі)

Бо перад вачыма Госпада ўсе шляхі чалавека, і Ён прастуе ўсе сьцежкі яго.

Кнігі Святога Пісання - Біблія - Біблія — пераклад Чарняўскага (выданне 2017 года)

Бо перад Госпадам — дарогі чалавека і Ён бачыць крокі яго.

ВЫСЛОЎІ 5:21 Крыжаваныя спасылкі

2 ЛЕТАПІСАЎ 16:9

Бо ГОСПАД вачыма Сваімі абыходзіць усю зямлю, каб умацоўваць тых, чыё сэрца цалкам з Ім. Дрэнна ты зрабіў. Бо цяпер будуць у цябе войны».

ЁВА 14:16

Бо Ты палічыш нават крокі мае, і будзеш ласкавы адносна грахоў маіх.

ЁВА 24:23

[Бог] дае яму месца бясьпекі, і ён на гэта абапёрся, але вочы Ягоныя — на шляхах іхніх.

ЁВА 31:4

Ці ж Ён ня бачыць шляхоў маіх і ня лічыць усе крокі мае?

ЁВА 34:21

Бо вочы Ягоныя — над шляхамі чалавека, і Ён бачыць усе крокі ягоныя.

ПСАЛТЫР 11:4

ГОСПАД у сьвятой сьвятыні Сваёй; пасад ГОСПАДА ў небе, вочы Ягоныя бачаць, павекі Ягоныя выпрабоўваюць сыноў чалавечых.

ПСАЛТЫР 119:168

Я захоўваю загады Твае і сьведчаньні Твае, бо ўсе шляхі мае перад Табою.

ПСАЛТЫР 17:3

Ты выспрабаваў сэрца маё, уначы адведаў і ачысьціў мяне, і не знайшоў нічога; думкі ліхія ня выйшлі з вуснаў маіх.

ВЫСЛОЎІ 15:3

Вочы ГОСПАДА на кожным месцы, яны бачаць добрых і ліхіх.

ВЫСЛОЎІ 4:26

Абдумай сьцежку для ног тваіх, і ўсе шляхі твае няхай будуць пэўныя.

ВЫСЛОЎІ 5:6

Як яна не разумее сьцежкі жыцьця, дык хістаюцца крокі яе, і ты ня можаш ведаць іх.

ЕРАМІІ 16:17

Бо вочы Мае — на ўсе шляхі іхнія, і яны не схаваныя перад абліччам Маім і не схаванае беззаконьне іхняе перад вачыма Маімі.

ЕРАМІІ 17:10

Я, ГОСПАД, дасьледую сэрца і выпрабоўваю ныркі, каб аднагародзіць кожнаму паводле шляхоў ягоных і паводле пладоў учынкаў ягоных.

ЕРАМІІ 23:24

Калі чалавек схаваецца ў схове, ці ж Я ня ўбачу яго? — кажа ГОСПАД. Ці ж Я не напаўняю неба і зямлю? — кажа ГОСПАД.

ЕРАМІІ 29:23

за тое, што яны ўчынілі агіду ў Ізраілі, і чужаложылі з жонкамі бліжніх сваіх, і прамаўлялі ў імя Маё слова хлусьні, якога Я ім не загадваў. Я ведаю [гэта], і Я — сьведка [гэтага], кажа ГОСПАД.

ЕРАМІІ 32:19

Ты вялікі ў радзе і магутны ў справах. Вочы Твае адкрытыя на ўсе шляхі сыноў чалавечых, каб даць кожнаму паводле шляхоў ягоных і паводле пладоў учынкаў ягоных.

АСІІ 7:2

І ня кажуць яны ў сэрцы сваім, што Я памятаю пра ўсю ліхоту іхнюю. Цяпер атачаюць іх учынкі іхнія, яны будуць перад абліччам Маім.

ГАБРЭЯЎ 4:13

І няма стварэньня, схаванага перад Ім, але ўсё аголена і адкрыта перад вачыма Таго, пра Якога нашае слова.

АДКРЫЦЦЁ 2:18

І анёлу царквы, што ў Тыятыры, напішы: “Гэта кажа Сын Божы, Які мае вочы Свае, як полымя агню, і ногі Свае, падобныя да сьпіжу:

АДКРЫЦЦЁ 2:23

і дзяцей ейных сьмерцю заб’ю, і даведаюцца ўсе цэрквы, што Я — Той, Які дасьледуе ныркі і сэрца, і Я дам вам кожнаму паводле справаў вашых.