2 ЛЕТАПІСАЎ 16:9 - Біблія (пераклад А.Бокуна)

⁹ Бо ГОСПАД вачыма Сваімі абыходзіць усю зямлю, каб умацоўваць тых, чыё сэрца цалкам з Ім. Дрэнна ты зрабіў. Бо цяпер будуць у цябе войны».

Біблія (пераклад В. Сёмухі)

⁹ бо вочы Госпада азіраюць усю зямлю, каб падтрымаць тых, чыё сэрца цалкам аддадзена Яму. Безразважліва ты ўчыніў цяпер. За тое ад сёньня будуць у цябе войны.

Кнігі Святога Пісання - Біблія - Біблія — пераклад Чарняўскага (выданне 2017 года)

⁹ Вочы бо Госпадавы сочаць за ўсёю зямлёю, і даюць мужнасць тым, хто шчырым сэрцам верыць у Яго. Дык неразумна паступаў ты ў гэтым, бо ад цяперашняга часу пачнуцца войны супраць цябе».

2 ЛЕТАПІСАЎ 16:9 Крыжаваныя спасылкі

1 ПЯТРА 3:12

Бо вочы Госпада — на праведных, і вушы Ягоныя — да просьбаў іхніх, але аблічча Госпада — супраць тых, якія робяць ліхое.

ВЫСЛОЎІ 15:3

Вочы ГОСПАДА на кожным месцы, яны бачаць добрых і ліхіх.

ЕРАМІІ 16:17

Бо вочы Мае — на ўсе шляхі іхнія, і яны не схаваныя перад абліччам Маім і не схаванае беззаконьне іхняе перад вачыма Маімі.

ВЫСЛОЎІ 5:21

Бо перад вачамі ГОСПАДА шляхі чалавека, Ён ведае ўсе крокі яго.

ПСАЛТЫР 34:15

Ухіляйся ад ліхога і рабі добрае; шукай супакою і імкніся да яго.

ЁВА 34:21

Бо вочы Ягоныя — над шляхамі чалавека, і Ён бачыць усе крокі ягоныя.

ГАБРЭЯЎ 4:13

І няма стварэньня, схаванага перад Ім, але ўсё аголена і адкрыта перад вачыма Таго, пра Якога нашае слова.

ЗАХАРЫІ 4:10

Бо тыя, якія пагарджалі днём малых [пачаткаў], бу­дуць радавацца і ўбачаць адвес з волава ў руцэ Зэрубабэля. А гэтыя сем — вочы ГОСПАДА, якія абыходзяць усю зямлю”.

ЕРАМІІ 32:19

Ты вялікі ў радзе і магутны ў справах. Вочы Твае адкрытыя на ўсе шляхі сыноў чалавечых, каб даць кожнаму паводле шляхоў ягоных і паводле пладоў учынкаў ягоных.

2 ЛЕТАПІСАЎ 6:20

Няхай будуць вочы Твае адчыненыя на Дом гэты ўдзень і ўначы, на месца, пра якое Ты сказаў, што імя Тваё пакладзеш там, каб чуць малітву, якою слуга Твой будзе маліцца на месцы гэтым.

ПСАЛТЫР 113:6

і схіляецца, каб паглядзець на неба і зямлю;

ПСАЛТЫР 37:37

Зважай на беззаганнага і глядзі на правага, бо канец [гэтага] чалавека ёсьць супакой.

ГАЛЯТАЎ 3:1

О, бяздумныя Галяты! Хто зачараваў не пакарацца праўдзе вас, перад вачыма якіх быў раней апісаны Ісус Хрыстос, [нібыта] ў вас укрыжаваны?

ЛУКАША 12:20

А Бог сказаў яму: “Неразумны! У гэту ноч душу тваю возьмуць у цябе; каму ж дастанецца тое, што ты прыдбаў?”

1 ЛЕТАПІСАЎ 21:8

І сказаў Давід Богу: «Моцна саграшыў я, што зрабіў рэч гэтую. І цяпер даруй беззаконьне слузе Твайму, бо я зрабіў вельмі неразумна».

4 ЦАРСТВАЎ 20:3

«О, ГОСПАДЗЕ! Узгадай, што я хадзіў перад абліччам Тваім у праўдзе і са шчырым сэрцам, і рабіў тое, што добрае ў вачах Тваіх». І плакаў Эзэкія плачам вялікім.

1 ЦАРСТВАЎ 13:13

І сказаў Самуэль Саўлу: «Неразумна ты зрабіў. Ты не захаваў прыказаньне ГОСПАДА, Бога твайго, якое Ён загадаў. Бо цяпер замацаваў бы ГОСПАД валадараньне тваё над Ізраілем на вякі.

3 ЦАРСТВАЎ 15:32

І была вайна паміж Асам і Баашам, валадаром Ізраіля, усе дні іхнія.

1 КАРЫНФЯНАЎ 15:36

Неразумны! Тое, што ты сееш, не ажыве, калі не памрэ.

2 ЛЕТАПІСАЎ 15:17

Але ўзгоркі не былі зьнішчаныя ў Ізраілі, аднак сэрца Асы было цалкам [з Госпадам] усе дні ягоныя.

МАЦЬВЕЯ 5:22

А Я кажу вам, што ўсякі, хто гневаецца на брата свайго дарэмна, падлягае суду; а хто скажа брату свайму: “Нікчэмны”, падлягае сынэдрыёну, а хто скажа: “Дурань”, падлягае гееньне вогненай.

ЕРАМІІ 5:21

“Паслухай гэта, прашу, народ бяз розуму і бяз сэрца, які мае вочы, і ня бачыць, мае вушы, і ня чуе.

2 ЦАРСТВАЎ 24:10

І задрыжэла сэрца Давіда пасьля таго, як ён палічыў народ, і сказаў Давід ГОСПАДУ: «Цяжка саграшыў я гэтым учынкам. І цяпер, ГОСПАДЗЕ, прашу, даруй віну слугі твайго, бо вельмі я неразумна зрабіў».

2 ЛЕТАПІСАЎ 16:10

І зазлаваўся Аса на відушчага, і кінуў яго ў вязьніцу, бо ён быў загневаны на яго з гэтай прычыны. І ўціскаў Аса [некаторых] з народу ў гэты час.

ЁВА 31:4

Ці ж Ён ня бачыць шляхоў маіх і ня лічыць усе крокі мае?

ПСАЛТЫР 33:15

Ён уфармаваў сэрца кожнага з іх, Ён зважае на ўсе ўчынкі іхнія.

ЕРАМІІ 5:1

Аббяжыце вуліцы Ерусаліму, паглядзіце і прасачыце, і абшукайце на пляцах ягоных, ці знойдзеце чалавека, ці няма таго, хто чыніць суд, шукае праўды, і Я прабачу ім.

ЕРАМІІ 5:3

ГОСПАДЗЕ, ці ж вочы Твае ня [зьвернуты] да праўды? Ты ўдарыў іх, а ім не баліць, Ты панішчыў іх, а яны адмовіліся прыняць настаўленьне; яны закамянілі абліччы свае горш за скалу і адмовіліся навярнуцца.

БЫЦЦЁ 31:28

А ты не дазволіў мне пацалаваць сыноў маіх і дочак маіх. Гэта ты дрэнна зрабіў.

2 ЛЕТАПІСАЎ 15:19

І не было вайны да трыццаць пятага году валадараньня Асы.

2 ЛЕТАПІСАЎ 19:9

І загадаў ён ім, кажучы: «Гэтак будзеце рабіць у страху перад ГОСПАДАМ, верна і са шчырым сэрцам.

ЭЗДРЫ 5:5

І было вока Бога іхняга над старшынямі Юдэйскімі, і тыя не спынілі іх, [чакаючы], пакуль яны пашлюць паведамленьне Дарыю, і тады прыйдзе пісьмовая пастанова ў справе гэтай.

ЁВА 28:24

Бо Ён разглядае краі зямлі, і бачыць усё, што пад небам.

ПСАЛТЫР 33:14

з месца, дзе Ён жыве, Ён паглядае на ўсіх жыхароў зямлі.

ПСАЛТЫР 33:18

Вось, вока ГОСПАДА над тымі, якія баяцца Яго, якія спадзяюцца на міласэрнасьць Ягоную,

ІСАІ 31:1

Гора тым, якія зыходзяць у Эгіпет па дапамогу. Яны абапіраюцца на коней, спадзяюцца на калясьніцы, бо іх шмат, і на коньнікаў, бо яны вельмі моцныя, але не глядзяць на Сьвятога Ізраіля і ГОСПАДА не шукаюць.