ЁВА 34:21 - Біблія (пераклад А.Бокуна)

²¹ Бо вочы Ягоныя — над шляхамі чалавека, і Ён бачыць усе крокі ягоныя.

Біблія (пераклад В. Сёмухі)

²¹ Бо вочы Ягоныя над шляхамі чалавека, і Ён бачыць увесь поступ яго.

Кнігі Святога Пісання - Біблія - Біблія — пераклад Чарняўскага (выданне 2017 года)

²¹ Бо вочы Яго — над дарогамі людзей, і Ён бачыць усе крокі іх.

ЁВА 34:21 Крыжаваныя спасылкі

ВЫСЛОЎІ 15:3

Вочы ГОСПАДА на кожным месцы, яны бачаць добрых і ліхіх.

ЁВА 31:4

Ці ж Ён ня бачыць шляхоў маіх і ня лічыць усе крокі мае?

ЕРАМІІ 16:17

Бо вочы Мае — на ўсе шляхі іхнія, і яны не схаваныя перад абліччам Маім і не схаванае беззаконьне іхняе перад вачыма Маімі.

ВЫСЛОЎІ 5:21

Бо перад вачамі ГОСПАДА шляхі чалавека, Ён ведае ўсе крокі яго.

ЕРАМІІ 32:19

Ты вялікі ў радзе і магутны ў справах. Вочы Твае адкрытыя на ўсе шляхі сыноў чалавечых, каб даць кожнаму паводле шляхоў ягоных і паводле пладоў учынкаў ягоных.

ПСАЛТЫР 139:23

Дасьледуй мяне, Божа, і спазнай сэрца маё, выспрабуй мяне і спазнай думкі мае!

БЫЦЦЁ 16:13

І назвала яна імя ГОСПАДА, Які прамаўляў да яе: «Ты — Бог, Які бачыць мяне». Бо сказала яна: «Ці ня тут я бачыла Таго, Які бачыць мяне».

ЕРАМІІ 17:10

Я, ГОСПАД, дасьледую сэрца і выпрабоўваю ныркі, каб аднагародзіць кожнаму паводле шляхоў ягоных і паводле пладоў учынкаў ягоных.

ПСАЛТЫР 34:15

Ухіляйся ад ліхога і рабі добрае; шукай супакою і імкніся да яго.

2 ЛЕТАПІСАЎ 16:9

Бо ГОСПАД вачыма Сваімі абыходзіць усю зямлю, каб умацоўваць тых, чыё сэрца цалкам з Ім. Дрэнна ты зрабіў. Бо цяпер будуць у цябе войны».

АМОСА 9:8

Вось, вочы Госпада ГОСПАДА — супраць валадарства грэху, і Я зьнішчу яго з аблічча зямлі, але зьнішчаючы, ня зьнішчу дом Якуба, кажа ГОСПАД.

ЁВА 10:4

Ці Ты маеш вочы цялесныя, або як чалавек бачыць, так і Ты бачыш?

ЁВА 11:11

Бо Ён ведае марнасьць чалавечую і бачыць злачынствы, і ўсё заўважае.

ЁВА 13:16

У гэтым будзе збаўленьне маё, бо ніводзін бязбожнік ня прыйдзе перад аблічча Ягонае.

ЁВА 14:16

Бо Ты палічыш нават крокі мае, і будзеш ласкавы адносна грахоў маіх.

ЁВА 24:23

[Бог] дае яму месца бясьпекі, і ён на гэта абапёрся, але вочы Ягоныя — на шляхах іхніх.

ПСАЛТЫР 33:15

Ён уфармаваў сэрца кожнага з іх, Ён зважае на ўсе ўчынкі іхнія.

ЕРАМІІ 23:24

Калі чалавек схаваецца ў схове, ці ж Я ня ўбачу яго? — кажа ГОСПАД. Ці ж Я не напаўняю неба і зямлю? — кажа ГОСПАД.