1 КАРЫНФЯНАЎ 9:5 - Кнігі Святога Пісання - Біблія - Біблія — пераклад Чарняўскага (выданне 2017 года)

Або не маем улады браць з сабою жонку, сястру, падобна як гэта робяць іншыя Апосталы, і браты Госпадавы, і Кіфа?

Біблія (пераклад А.Бокуна)

Ці ня маем улады хадзіць з сястрою жонкаю, як і пазасталыя апосталы, і браты Госпадавы, і Кіфа?

Біблія (пераклад В. Сёмухі)

Альбо ня маем улады мець спадарожніцаю сястру жонку, як і астатнія апосталы, і браты Гасподнія, і Кіфа?

1 КАРЫНФЯНАЎ 9:5 Крыжаваныя спасылкі

ПЕСЬНЯ 4:12

Замкнуты сад — сястра мая, нявеста, замкнуты сад, калодзезь запячатаны.

МАЦЬВЕЯ 13:55

Ці ж гэта не Сын цесляра? Ці ж Маці Яго не завуць Марыяй, а братоў Яго – Якубам і Язэтам, Сімонам і Юдай?

МАЦЬВЕЯ 8:14

А калі Ісус зайшоў у дом Пётры, убачыў цешчу яго, што ляжала ў гарачцы.

МАРКА 1:30

Цешча ж Сімона ляжала ў гарачцы, і адразу кажуць Яму пра яе.

МАРКА 6:3

Ці ж гэта не цясляр, сын Марыі, ці не брат Якуба і Язэта, Юды і Сімона? Ці ж і Яго сёстры не тут з намі?» І горшыліся з Яго.

ЛУКАША 6:15

Мацвея і Тамаша, Якуба Алфеева, і Сімона, якога завуць Зэлотам,

ЛУКАША 8:20

І паведамілі Яму: «Маці Твая і браты Твае стаяць звонку, жадаючы Цябе пабачыць».

ЯНА 1:42

і прывёў яго да Ісуса. А Ісус, глянуўшы на яго, сказаў: «Ты Сімон, сын Ёны; будзеш называцца Кіфа, што значыць Пётра».

ЯНА 2:12

Пасля таго пайшоў Сам, і Маці, і браты, і вучні Яго ў Кафарнаўм, і там заставаліся некалькі дзён.

ДЗЕІ 1:14

Яны ўсе аднадушна трывалі ў малітве і прашэнні разам з жанчынамі і Марыяй, Маці Ісуса, ды братамі Яго.

РЫМЛЯНАЎ 16:1

Даручаю вам Фебу, сястру нашу, якая ёсць служкаю царквы, што ў Кенхрах,

1 КАРЫНФЯНАЎ 1:12

Я кажу тое, што кожны ў вас кажа: «Я Паўлаў», «Я Апалосаў», «Я Кіфаў», «А я Хрыстоў».

1 КАРЫНФЯНАЎ 7:15

А калі бязверны хоча разлучыцца, хай разлучаецца. Брат або сястра ў гэткіх выпадках не прынявольваюцца. Да згоды паклікаў нас Госпад.

1 КАРЫНФЯНАЎ 7:39

Жонка звязана законам, пакуль яе муж жыве, а як муж яе памрэ, можа выйсці за каго захоча, толькі ў Госпадзе.

1 КАРЫНФЯНАЎ 7:7

Бо жадаю, каб усе людзі былі, як я, але кожны мае свой уласны дар ад Бога: адзін так, адзін інакш.

1 КАРЫНФЯНАЎ 7:8

Нежанатым жа і ўдовам кажу: добра ім заставацца так, як я.

ГАЛЯТАЎ 1:19

З іншых Апосталаў не бачыў ніводнага, апрача Якуба, брата Госпадава.

1 ЦІМАФЕЯ 3:2

Епіскапу належыць быць беззаганным, мужам аднае жонкі, цвярозым, разумным, сумленным, гасцінным, вучыцельным;

1 ЦІМАФЕЯ 4:3

забараняючых жаніцца, ужываць у ежу стравы, якія стварыў Бог і даў тым, што пазналі праўду, каб дзякавалі Богу.

1 ЦІМАФЕЯ 5:2

старэйшага ўзросту жанчын – як мацерак, а маладых – як сясцёр з усёй чысцінёй.

ЦІТА 1:6

калі хто без заганы, муж аднае жонкі, мае веруючых дзяцей, не вінавачаных у распусце або непаслухмянасці.

ГАБРЭЯЎ 13:4

Няхай ва ўсіх будзе ў пашане шлюб і ложак беззаганны, бо распуснікаў і чужаложнікаў судзіць будзе Бог.