ЭФЭСЯНАЎ 6:4 - Кнігі Святога Пісання - Біблія - Біблія — пераклад Чарняўскага (выданне 2017 года)

І вы, бацькі, не раздражняйце дзяцей вашых, але ўзгадоўвайце іх у навуцы і напамінанні Госпадавым.

Біблія (пераклад А.Бокуна)

І вы, бацькі, не раздражняйце дзяцей вашых, але выхоўвайце іх у дысцыплінаваньні і напамінаньні Госпадавым.

Біблія (пераклад В. Сёмухі)

І вы, бацькі, не дакучайце дзецям вашым, а гадуйце іх у навуцы і настаўленьні Гасподнім.

ЭФЭСЯНАЎ 6:4 Крыжаваныя спасылкі

БЫЦЦЁ 18:19

Бо выбраў Я яго, каб загадваў сынам сваім і радні сваёй па сабе, каб пільнаваліся дарогі Госпадавай і чынілі справядлівасць і суд, каб выканаў Госпад Абрагаму ўсё тое, што сказаў яму».

1 ЛЕТАПІСАЎ 28:20

Таксама казаў Давід свайму сыну Саламону: «Дзейнічай мужна, і набярыся сілы, і спаўняй, не бойся і не трывожся; бо Госпад, Бог мой, будзе з табой, і не пакіне цябе, і не адвернецца, пакуль не выканаеш усё, што патрэбна для пабудовы дома Госпадава.

1 ЛЕТАПІСАЎ 29:19

Саламону ж, сыну майму, дай таксама сэрца дасканалае, каб захоўваў прыказанні Твае, сведчанні Твае і законнасць Тваю, і хай зробіць усё і пабудуе святыню, на якую я ўсё прыгатаваў».

ВЫСЛОЎІ 19:18

Карай сына свайго, пакуль ёсць надзея, ды не праймайся крыкам яго.

ВЫСЛОЎІ 22:15

У сэрцы юнака змяшчаецца бязглуздасць, і розга настаўлення прагоніць яе.

ВЫСЛОЎІ 22:6

Настаўляй юнака ў пачатку дарогі яго; нават калі састарэе, ён не сыдзе з яе.

ВЫСЛОЎІ 29:15

Дубец і выкрыванне даюць мудрасць; а юнак, які пакідаецца на сваю волю, асаромлівае маці сваю.

ВЫСЛОЎІ 29:17

Навучай свайго сына: ён і супакоіць цябе, і дасць асалоду душы тваёй.

ІСАІ 38:19

Жывы, толькі жывы будзе славіць Цябе, як і я сёння: бацька абвесціць дзецям праўду Тваю.

ЭФЭСЯНАЎ 6:3

каб добра было табе і каб быў ты даўгавечным на зямлі.

ДРУГІ ЗАКОН 4:9

Дык пільна беражы сябе самога і душу сваю, і не забудзь падзей, якія бачылі вочы твае, і хай не выйдуць яны з сэрца твайго ва ўсе дні жыцця твайго. Ты навучыш гэтаму дзяцей і ўнукаў сваіх

ДРУГІ ЗАКОН 6:7

Паўтарай іх дзецям тваім, гавары іх, седзячы ў доме тваім, ідучы па дарозе, засынаючы і абуджаючыся.

КАЛАСЯНАЎ 3:21

Бацькі, не раздражняйце дзяцей вашых, каб яны не слабелі духам.

2 ЦІМАФЕЯ 1:5

і прыпамінаю веру не фальшывую, якая ёсць у табе, якая жыла найперш у бабулі тваёй Лаідзе і маці тваёй Эўніцы, ды я перакананы, што і ў табе.

2 ЦІМАФЕЯ 3:15

бо з дзіцячых гадоў пазнаў ты Пісанні Святыя, якія могуць цябе навучыць на збаўленне праз веру ў Хрыста Ісуса.

ІСУСА 24:15

Калі ж вам не падабаецца служыць Госпаду, то выбірайце сабе цяпер, каму служыць хочаце: ці багам, якім служылі бацькі вашы ў Месапатаміі, ці багам амарэяў, у зямлі якіх вы жывяце: а я і дом мой будзем служыць Госпаду».

СУДЗЬДЗЯЎ 13:12

Кажа яму Маноах: «Калі споўніцца слова тваё, як нам сябе паводзіць з хлопцам і што маем рабіць?»