ЭФЭСЯНАЎ 6:4 - Біблія (пераклад В. Сёмухі)

⁴ І вы, бацькі, не дакучайце дзецям вашым, а гадуйце іх у навуцы і настаўленьні Гасподнім.

Біблія (пераклад А.Бокуна)

⁴ І вы, бацькі, не раздражняйце дзяцей вашых, але выхоўвайце іх у дысцыплінаваньні і напамінаньні Госпадавым.

Кнігі Святога Пісання - Біблія - Біблія — пераклад Чарняўскага (выданне 2017 года)

⁴ І вы, бацькі, не раздражняйце дзяцей вашых, але ўзгадоўвайце іх у навуцы і напамінанні Госпадавым.

ЭФЭСЯНАЎ 6:4 Крыжаваныя спасылкі

БЫЦЦЁ 18:19

бо Я выбраў яго на тое, каб ён наказаў сынам сваім і дому свайму пасьля сябе, хадзіць шляхам Гасподнім, чынячы праўду і суд; і спраўдзіць Гасподзь над Абрагамам, што сказаў пра яго.

1 ЛЕТАПІСАЎ 28:20

І сказаў Давід сыну свайму Саламону: будзь цьвёрды і мужны, і прыступай да справы, ня бойся і не жахайся, бо Гасподзь Бог, Бог мой, з табою; Ён не адступіць ад цябе і не пакіне цябе, пакуль ня ўчыніш усёй дзеі, якая патрабуецца для дома Гасподняга.

1 ЛЕТАПІСАЎ 29:19

А Саламону, сыну майму, дай сэрца правільнае, каб захоўваць запаведзі Твае, адкрыцьці Твае і пастановы Твае, і выканаць усё гэта і пабудаваць дом, дзеля якога я зрабіў прыгатаваньне.

ВЫСЛОЎІ 19:18

Карай сына свайго, пакуль ёсьць надзея, і не абурайся крыкам ягоным.

ВЫСЛОЎІ 22:15

Глупства прывязалася да сэрца юнака; але дубец выхаваньня адвядзе яе ад яго.

ВЫСЛОЎІ 22:6

Наставі юнака на пачатку шляху яго: ён ня збочыць зь яго, калі і састарыцца.

ВЫСЛОЎІ 29:15

Дубец і засьцярога даюць мудрасьць; а занядбаны хлопчык робіць сорам сваёй маці.

ВЫСЛОЎІ 29:17

Карай сына твайго, і ён дасьць табе спакой, і прынясе радасьць душы тваёй.

ІСАІ 38:19

Жывы, толькі жывы Цябе ўславіць, як сёньня я: бацька абвесьціць дзецям ісьціну Тваю.

ЭФЭСЯНАЎ 6:3

«Хай будзе табе добра, і будзеш доўга жыць на зямлі».

ДРУГІ ЗАКОН 4:9

Толькі сьцеражыся і старанна хавай душу тваю, каб табе не забыць тых дзеяў, якія бачылі вочы твае, і каб яны ня выходзілі з сэрца твайго праз усе дні жыцьця твайго; і распавядзі пра іх сынам тваім і сынам сыноў тваіх, -

ДРУГІ ЗАКОН 6:7

і перадавай іх дзецям тваім і кажы пра іх, седзячы ў доме тваім і йдучы дарогаю, і кладучыся і ўстаючы;

КАЛАСЯНАЎ 3:21

Бацькі, не дакучайце дзецям вашым, каб яны не падалі духам.

2 ЦІМАФЕЯ 1:5

трымаючы ў памяці шчырую веру тваю, якая раней жыла ў бабулі тваёй Лаідзе і ў маці тваёй Яўніцы; упэўнены, што яна і ў табе.

2 ЦІМАФЕЯ 3:15

пры гэтым ты змалку ведаеш сьвятыя Пісаньні, якія могуць умудрыць цябе ў збавеньне вераю ў Хрыста Ісуса.

ІСУСА 24:15

Калі ж не спадоба вам служыць Госпаду, дык выберыце сабе сёньня, каму служыць, ці багам, якім служылі бацькі вашыя, што былі за ракою, ці багам Амарэяў, у зямлі якіх жывяце; а я і дом мой будзем служыць Госпаду.

СУДЗЬДЗЯЎ 13:12

І сказаў Маной: дык вось, калі спраўдзіцца слова тваё, як нам абыходзіцца зь дзіцём гэтым і што рабіць зь ім?