МАЦЬВЕЯ 25:21 - Кнігі Святога Пісання - Біблія - Біблія — пераклад Чарняўскага (выданне 2017 года)

Гаворыць яму гаспадар яго: “Добра, паслугач добры і верны; у малым быў ты верны, дам табе ўладу над многім; увайдзі ў радасць гаспадара твайго”.

Біблія (пераклад А.Бокуна)

А пан ягоны прамовіў да яго: “Добра, добры і верны слуга! У малым ты быў верны, над многім цябе пастаўлю; увайдзі ў радасьць пана твайго”.

Біблія (пераклад В. Сёмухі)

Сказаў жа яму гаспадар ягоны: «добра, раб добры і верны! у малым ты быў верны, над многім цябе пастаўлю; увайдзі ў радасьць гаспадара твайго».

МАЦЬВЕЯ 25:21 Крыжаваныя спасылкі

ВЫСЛОЎІ 14:35

Дапушчаны да цара — разумны слуга, а гнеў выклікае той, хто дзейнічае ганебна.

ВЫСЛОЎІ 28:20

Чалавек верны багаты ў дабраславенствы, а хто жадае хутка ўзбагаціцца — не застанецца без пакарання.

МАЦЬВЕЯ 24:45

Хто, думаеш, з’яўляецца верным і разумным паслугачом, якога паставіў гаспадар над падданымі сваімі, каб ён у вызначаны час даваў ім меру пшаніцы?

МАЦЬВЕЯ 24:47

Сапраўды кажу вам, што паставіць яго над усёй сваёй маёмасцю.

МАЦЬВЕЯ 25:23

Гаворыць яму гаспадар яго: “Добра, паслугач добры і верны; ты быў у малым верны, дам табе ўладу над многім; увайдзі ў радасць гаспадара твайго”.

МАЦЬВЕЯ 25:46

І пойдуць яны на вечную муку, а справядлівыя – у жыццё вечнае».

ЛУКАША 12:44

Сапраўды кажу вам: над усім, чым валодае, паставіць ён яго.

ЛУКАША 16:10

Хто верны ў малым, і ў вялікім верны. А хто ў малым нягодны, і ў вялікім нягодны.

ЯНА 12:26

Хто б хацеў Мне служыць, хай ідзе за Мною, і дзе Я, там будзе і паслугач Мой; калі хто Мне служыць, шануе яго Айцец.

ЯНА 14:3

І калі адыду ды прыгатую вам месца, зноў прыйду і прыму вас да Сябе, каб і вы былі там, дзе Я.

ЯНА 17:24

Ойча, хачу, каб тыя, якіх Ты Мне даў, былі са Мной там, дзе Я, каб бачылі славу Маю, якую Ты Мне даў, бо Ты Мяне палюбіў перад стварэннем свету.

РЫМЛЯНАЎ 2:29

але той, хто ўнутры юдэй і абразанне якога ў сэрцы па духу, а не паводле літары; такому і пахвала не ад людзей, а ад Бога.

1 КАРЫНФЯНАЎ 4:5

Дык ніяк не судзіце заўчасна, пакуль не прыйдзе Госпад, Які асвеціць тое, што ў цемры скрыта, ды выявіць намеры сэрцаў. Тады кожнаму будзе пахвала ад Бога.

2 КАРЫНФЯНАЎ 10:18

Бо не той выпрабаваны, хто сам сябе хваліць, але той, каго Госпад хваліць.

2 КАРЫНФЯНАЎ 5:9

І таму імкнемся, ці пасяляючыся, ці высяляючыся, падабацца Яму.

ПІЛІПЯНАЎ 1:23

Цягне мяне адно і другое: жадаю адысці і быць з Хрыстом, бо гэта шмат лепшае,

1 ЦІМАФЕЯ 3:13

Тыя, што добра спаўняюць служэнне, здабываюць сабе пачэсную ступень ды вялікую ўпэўненасць у веры, якая ёсць у Хрысце Ісусе.

2 ЦІМАФЕЯ 2:12

калі церпім, дык з Ім валадарыць будзем, калі зрачомся Яго, дык і Ён нас зрачэцца;

ГАБРЭЯЎ 12:2

гледзячы на пачынальніка і завяршыцеля веры, Ісуса, Які замест радасці, што была перад Ім, перанёс крыж, не дбаючы пра ганьбу, і сеў праваруч пасада Божага.

АДКРЫЦЦЁ 2:10

Нічога не бойся з таго, што трэба табе перанесці. Вось жа, мае намер укінуць некаторых з вас д’ябал у вязніцу, каб вас выпрабаваць, і будзеце цярпець гора на працягу дзесяці дзён. Будзь верны аж да смерці, і дам табе вянец жыцця.

АДКРЫЦЦЁ 21:7

Хто пераможа, атрымае гэта як спадчыну, і буду яму Богам, і ён будзе Мне сынам.

АДКРЫЦЦЁ 3:21

Хто пераможа, таму дам сядзець са Мною на Маім пасадзе, як Я перамог і сеў з Айцом Маім на Яго пасадзе.

АДКРЫЦЦЁ 7:17

бо Ягня, Які пасярод пасада, пасвіць іх будзе і вадзіць да крыніцы водаў жыцця, і абатрэ Бог кожную слязу з вачэй іх».