Apocalipsis 7:2 - Qullan Arunaka DC Ukatsti inti jalsu tuqit yaqha angelar jutaskir uñjarakta, jupasti jakaskir Diosan chimpupanïnwa. Uka angelasti wali jach'at art'äna maynïr pusi angelanakaru, uka angelanakasti munañanïñ kankañ katuqapxatayna aka uraqimpiru, jach'a qutampir jan walt'ayañataki, Aymar Bibliia 1986 Ucatsti uñjaractwa inti jalsu toketa mä angelaru jutasquiri, jupasti jacquir Diosan sellop apt'atänwa. Aca angelasti wali jach'at art'äna uca pusi angelanacaru, qhitinacatï ch'amanïña catokcatayna aca orake uqhamarac kotsa jan walinacampi tucjañataqui, Qullan Arunaca Ucatsti uñjaractwa inti jalsu toketa mä angelaru jutasquiri, jupasti jacquir Diosan sellop apt'atänwa. Aca angelasti wali jach'at art'äna uca pusi angelanacaru, qhitinacatï ch'amanïña catokcatayna aca orake uqhamarac kotsa jan walinacampi tucjañataqui, |
Inasa Tatit Diosamax ist'chi kuna arunaktix Asiriankir reyin khithanit yanapiripax jakkir Diosar ñanqhachasa siski uka, inachay Tatit Diosamax uka arunak ist'asin jupar mutuyaspa. Jichhasti Tatitut mayim jilt'ir israelitanakat khuyapayasiñapataki” sasa.
¡Chuymamar nay chimpuntasita, amparamar nay chimpuntasita! Munasiñax jiwañar uñtat jan t'unjkayawa; jumar munañasti amay imäwir uñtat jan kamachkayawa. ¡Munasiñasti ninar uñtataw aqaraki, ukasti qullan ninawa!
Nayaw Israelan Diosapätxa; nayarakiw inti jalsu tuqita atipt'ir Ciro reyirux jutayarakta. Uka reyin ejercitopax niyaw jutanti, ukkañkamax reyinakarux niyaw jisk'achjta, markanakapsa katuntayaraktwa. Ciro reyix espadapampiw q'al tukji, mä wichhu t'unar uñtata willitati.
juparusti sarakïnwa: “Jerusalén marka muytam, ukatsti uka markan jan wali luräwinakap layku llakt'ata jikxatasir jaqinakan parapar mä chimpu uchäta” sasa.
Taqi ch'aman Tatitux siwa: “Nayaw yatiyirixa khitanï, jupaw nayatak thakhi wakichani. Jumanakax thaqhapkta uka Tatitux, akatjamat utaparux mantanini. ¡Arust'äwir mantat yatiyirix niyaw purisinki!”
2 (20) Ukampisa, khitinakatix nayar axsartas sarnaqapkta ukanakatakixa, chiqapar uñjañaxax intir uñtataw k'ajani, qhanapasti jaqinakatakix qhispiyasiñ apanini. Jumanakasti kusisiñata jalnaqapxäta kunjämtix vaca qallunakax uyut mistusax jalnaqapki ukhama.
Simón Pedrosti sänwa: —Jumax Cristo Tatitütawa, jakkir Diosan Yuqapätawa —sasa:
Jesusasti janiw kuns arskänti. Ukat sacerdotenakan jilïripax jupar säna: —Jakkir Diosan sutipxaruw chiq arsuñamatak maysma. Sapxita: ¿Jumax Diosan Yuqapa Cristötati? —sasa.
Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.
Jupaw jiwasanakarux chimpt'istu, chuymasarusti Qullan Ajayu ucharakistu, kuntix churapxämaw siskistu uk katuqañax phuqhasiñapataki.
Cristonkasaw jumanakax suma yatiyäwin chiqpach arunakap ist'apxtaxa, qhispiyasiñ suma arupa, iyawsañat katxarusipxtaxa, ukatsti Cristox arsuwaykistu uka Qullan Ajay katuqapxaraktaxa.
Diosan Qullan Ajayuparux jan llakisiyapxamti, jumanakax uka Ajayumpi chimpuntatäpxtawa, ukhamat kunürutix jupax phuqhat qhispiyasiñ churapkätam ukürun Diosankirjam uñt'atäpxañamataki.
¿khiti jaqirak jiwasanakjam jakkir Diosan arup nina taypit parlaskir ist'asin, jan jiwkisti?
Jan ukasti jupanak pachpaw nanakan purinitaxat arsusipki, kunjämtix jumanakax yaqha diosanak apanukusax jakkir chiqpach Diosar luqtañatak kutikipstapkta,
Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.
Ukatsipan jumanakax Sión qulluru, jakkir Diosan alaxpach Jerusalén markaparu, Diosar yupachañatak tantachat waranqa waranq angelanakaruw jak'achasipxtaxa,
Aka yatiyäwi arunak ullaririx kusisiñaniwa. Diosat katuqat arunak ist'irinakasa, akan qillqatäki uka arunakarjam sarnaqirinakas kusisiñanïpxarakiwa, uka arunakan phuqhasiñap urux niy jak'ankxiwa.
Ukatsti ch'aman kankañan yaqha angelaruw uñjta, alaxpachat qinayan llawuntat saraqasinkiri; p'iqipxansti mä kürmiw utjäna, ajanupax intir uñtataw qhanäna, kayunakapasti nina lawranakar uñtatänwa.
Uka paqallqu q'ixu q'ixunakan ist'ayasitapatsti, nayax qillqañampïskäyätwa, ukampis alaxpachat mä aru ist'ta, uka arusti situwa: “Amuki imxäsim kuntix uka paqallqu qhixu qhixunakax parlki ukxa, janirak qillqamti” sasa.
Suxtïr angelasti Éufrates jach'a jawirxaruw qirup warxatäna, ukatsti uka jawiran umanakapax q'alaw wañsüna, inti jalsu tuqit jutir reyinakan sarakipapxañapataki.
Ukatsti mä wali munañan angelaruw uñjarakta, wali jach'at art'as jiskt'askiri: “¿Khitirak aka qillqat jist'arañataki, sellonaksa ch'iyarañatak askïspasti?” sasa.
Ukatsti yaqha angelarakiw jutäna, qurit lurat incienso q'apichañ apt'ata, jupasti altar nayräxaruw sayt'asïna. Uka angelasti walja incienso katuqi, qhapaq qunuñ nayraqatankir quri altarxan luqtañataki, qullan markan mayisïwinakapamp chika luqtañataki.
Uka arusti trompeta phust'katayna uka suxtïr angelaruw säna: “Éufrates jawir thiyan chinuntatäkis uka pusi angelanakar antutnukxam” sasa.
Ukanakasti uraqinkir quranakaru jan ñanqha lurapxañapatakiw ixwa katuqapxäna, janirak kuna ch'uxñanakarusa, kuna quqanakarus ñanqha lurapxañapataki, jan ukasti, khitinakatix Tatitun chimpupampi paranakapan jan chimpt'atäpki uka jaqinakaruk t'aqhisiyañataki.
Ukat Davidax jupa jak'ankki uka jaqinakar jiskt'arakïna: —¿Reyix kunsa churaspa aka filisteo jaqiru jiwaykaspa, israelitanakarus jan jisk'achaykaspa uka jaqiruxa? Ukhamasti, ¿khitirak Diosar jan uñt'iri uka filisteo jaqisti, jakkir Diosan ejercitopar arnaqañapatakisti? —sasa.
mä leonasa jan ukax mä ososa nayar katjañ munipanxa, jawq'askamaw jiwayirïta. Tatitur jan uñt'ir aka filisteo jaqirusti uka kipkwa lurä, jupan jakkir Diosan soldadonakapar arknaqatap layku.