Juan 6:27 - Qullan Arunaka DC

²⁷ Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

Aymar Bibliia 1986

²⁷ Jan irnakapjjamti tucusir mank'ataquejja, jan ucasti wiñay jacañ churiri mank'ataqui irnakapjjam. Aca mank'sti naya Jaken Yokapaw churapjjäma, Dios Awquisti nayaruraquiw ajllisitu —sasa.

Qullan Arunaca

²⁷ Jan irnakapjjamti tucusir mank'ataquejja, jan ucasti wiñay jacañ churiri mank'ataqui irnakapjjam. Aca mank'sti naya Jaken Yokapaw churapjjäma, Dios Awquisti nayaruraquiw ajllisitu —sasa.

Juan 6:27 Jak'a apnaqawi uñst'ayäwi

Salmos 2:7

Tatitun arsutap yatiyä: Jupax situwa: “Jumaw nayan wawaxätaxa: jichhüruw jumarux jakañ chursma.

Salmos 40:7

7 (8) Ukat nayax sista: “Akankasktwa” sasa, kamisatix qillqatax nayxat parlki ukarjama.

Proverbios 9:5

“Jach'a manq'äwixar jutapxam, nayan wakicht'at vino umt'ir jutapxam.

Eclesiastés 6:7

Jaqix manq'añatakix jan inakt'asaw irnaqi, ukampis janiw sisthapkiti.

Isaías 42:1

“Akaxay, luqtirixaxa, khitirutix nayax uywaskta ukaxa, ajllisitaxawa, jupanarak kusistxa. Ajayuxsa jupxaruw uchta, ukhamat kunatix chiqapäki ukanak taqi markanakar apaniñapataki.

Isaías 55:2

¿Kunatsa qullqinakam kunatix jan t'ant'äki ukar inamay churasipkta? ¿Kunatsa qullqinakam kunatix jan askïki ukar inamay tukjasipkta? Sum ist'apxita, ukat suma manq'anak manq'apxäta, suma muxsa manq'anak manq'apxäta.

Jeremías 15:16

Jumax nayar parlxaykista ukapachaxa, arunakam nayax manq'jam manq'antäyäta; uka arunakamaw chuymaxarux kusisiyarakïna, taqi ch'amani Dios Tatitu, nayax juman wawamätwa.

Habacuc 2:13

Taqi ch'amani Tatitusti, luratanakamxa, jan inakt'atanakamsa inamayaruw tukuyani, taqi luratanakamas ninampi tukjatäniwa.

Mateo 17:5

Pedron parlañapkamasti, mä lliphipkir qinayaw jupanakxarux muyuntäna, uka qinay taypitsti, mä aruw ist'asïna: “Akaw munat Wawaxaxa, nayax juparuw ajllista: jupar ist'apxam” sasa.

Mateo 25:46

Uka jaqinakasti wiñay t'aqhisiñaruw sarapxani, aski jaqinakasti wiñay jakañaruw sarapxarakini.”

Mateo 3:17

Alaxpachatsti mä aruw ist'asïna akham siri: “Akapï munat Wawaxaxa, khitirutix nayax ajlliskta ukaxa” sasa.

Mateo 6:19

“Akapachan jan walja yänak imapxamti, uka yänakax ina ch'usaruw tukusispa, thuthaw q'al thuthantaspa, jan ukax lunthataw lunthatsurakispa.

Mateo 8:20

Jesusasti juparux sarakïnwa: —Qamaqinakax putunakaniwa, jamach'inakas tapanakanirakiwa, ukampis Jaqin Yuqapan janiw kawkhar p'iqip waynuqt'añapas utjkiti —sasa.

Marcos 1:11

Ukatsti mä aruw alaxpachat ist'asïna: “Jumätaw nayan munat Wawaxaxa, jumampix wali kusisitapunïtwa” sasa.

Marcos 9:7

Ukapachaw mä qinayax jupanakar ch'iwxattäna. Uka qinay taypitsti mä aruw ist'asïna: “Akaw nayan munat Wawaxaxa. Jupar ist'apxam” sasa.

Lucas 3:22

Qullan Ajayusti mä palomar uñtataw jupxar qhanpach saraqanïna, ukatsti mä aruw alaxpachat ist'asïna: —Jumaw nayan munat Wawaxätaxa, khitirutix nayax ajlliskta ukaxa —sasa.

Lucas 9:35

Ukapachaw qinay taypit mä arux ist'asïna, akham sasa: “Akaw munat Wawaxaxa, jupar ist'apxam” sasa.

Juan 10:28

Nayax wiñay jakañ churta, janiw kunapachas jiwapkaniti, janirakiw khitis amparaxat apaqkitaniti.

Juan 11:42

Jumax ist'apunistawa, jichhasti, akankir jaqinak laykuw maysma, juman nayar khithanitam iyawsañapataki —sasa.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 15:24

Janitix nayax jupanak taypin jan khitis lurki ukanak jan lurkiriskäyätxa, janiw kuna juchanïpkasapänsa; ukampis jichhax taqi ukanak uñjxapxiwa, ukhampachas nayarusa, Awkixarus uñisisipkakituwa.

Juan 17:2

Jumaw Yuqamarux taqi jaqinakxar munañanïñ churtaxa, jupar arkirinak churkta ukanakar wiñay jakañ churañataki.

Juan 3:15

khitinakatix jupar iyawsapkani ukanakan jan chhaqhañapataki, jan ukasti wiñay jakañanïñapataki.

Juan 3:33

Kawkïritix iyawski ukaxa: Diosan arsutapax “Chiqawa” siwa;

Juan 6:40

Awkixan munañapasti akawa: Taqi khititix Diosan Yuqapar uñt'ki, jupar iyawskaraki ukax wiñay jakañanïñapawa; nayasti tukuy urun jupanakar jiwatat jaktayä —sasa.

Juan 6:47

Qhanak sapxsma, khititix nayar iyawskitu ukax wiñay jakañaniwa.

Juan 6:51

Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.

Juan 6:53

Jesusasti jupanakarux sänwa: —Qhanak sapxsma, jumanakatix Jaqin Yuqapan janchipat jan manq'apkäta, janirak wilapsa umapkäta ukax, janiw jakañanïpkätati.

Juan 6:54

Khititix nayan janchix manq'ki, wilaxsa umkaraki ukax wiñay jakañaniwa; juparusti nayaw qhipa urun jiwatat jaktayä.

Juan 6:58

Alaxpachat saraqanir t'ant'at parlta. Aka t'ant'ax janiw nayra awkinakamax maná t'ant'a manq'apkän ukhamäkiti, jupanakasti manq'apkchïna ukas jiwarasipkakïnwa; ukampis khititix aka t'ant'a manq'kani ukax wiñayatakiw jakani —sasa.

Juan 6:62

Ukhamasti ¿kunarakïspa Jaqin Yuqapar kawkhantix nayrax utjkän ukar makhatir uñjapxasma ukasti?

Juan 6:68

Simón Pedrosti juparux sänwa: —Tatay, ¿khitin ukarurak sarapxästi? Juman arunakamax wiñay jakañ arunakawa.

Juan 8:18

Ukhamasti, nayax, naya pachpat arsusta, khithankitu uka Awkisti nayat arsuraki —sasa.

Hechos 10:38

Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.

Hechos 2:22

“Israelitanaka, aka arunak sum ist'apxita: Diosax jumanak taypin Nazaretankir Jesusan munañanïtap uñacht'äwayi, jupa tuqi jach'a muspharkañ luräwinaka, unañchäwinak lurasa, uka luratanaksti jumanakax sum yatipxtaxa.

Romanos 4:11

Abrahamax uka qhipat circuncisión katuqaski, mä chimpükaspas ukhama, Diosax iyawsäwip laykux niyaw aski jaqit katuqxäna. Ukhamat Abrahamax taqi iyawsirinakan awkipaxa, janisay circuncisión katuqapkchïn ukasa; Diosax uka kipkarakiw jupanakarux aski jaqinakat katuqaraki.

Romanos 6:23

Juchan waxt'äwipax jiwañakiwa, Diosan waxt'äwipasti wiñay jakañawa, Jesucristo Tatitusana.

1 Corintios 6:13

Sapxarakiwa: “Manq'ax purakatakiwa, purakasti manq'atakirakiwa” sasa. Ukax chiqakïskiwa, ukampis Diosaw paypach tukjani. Ukatsipana, janchix janiw wachuq jucha lurañatakïkiti, jan ukasti, Tatitutakiwa, Tatitusti janchitakirakiwa.

1 Corintios 9:2

Mayninakatakix inas nayax jan apostolüksti; ukampis jumanakatakix apostolütwa, jumanakan Tatitunkapxatamaw nayan apóstol kankañax uñachayi.

2 Corintios 4:18

Janiw kuntix uñjktan ukar chuyma churktanti, jan ukasti, kuntix jan uñjktan ukaruw chuym katuyastan; kunatix uñjaski ukanakax tukusirikiwa, ukampis kunatix jan uñjaski ukanakasti janiw tukusirïkiti, wiñayatakiwa.

Gálatas 5:6

Cristo Jesusampi mayakïstanxa, janiw kunatakis wakiskiti circuncisión katuqañasa, jan katuqañasa. Jan ukasti, iyawsañanïñaw juk'amp askixa, uka iyawsañasti munasiñan jakayarakistani.

Deuteronomio 30:13

Janirakiw jach'a quta khurkatankkisa juman sañamataki: ‘¿Khitiraki jiwas lanti quta khurkatar makhataspa, ukatsti aptanisin jiwasar uñacht'ayistaspa ukat ukarjam sarnaqañasatakisti?’ sasa.

Filipenses 2:13

Diosaw suma amtäwinak churapxtam, jupa pachparakiw uka lurañanak phuqhañan jupan munañaparjam yanapasipktam.

Colosenses 1:29

Ukatakiw nayax ch'am tukus irnaqta, kuna ch'amtix Tatitux churkitu uka ch'amampi.

Colosenses 2:22

Taqi aka yatichäwinakasti tukusirikiwa, jaqin arsutapakïtap layku, jaqin yatichäwipakïtap layku.

Colosenses 3:2

Alaxpach yänakat lup'ipxam, jan akapach yänakat lup'ipxamti.

1 Tesalonicenses 1:3

Dios Awkisan nayraqatapan iyawsañampi irnaqapxatamata, munasiñampi yanapapxatamata, t'aqhisiñanakan Jesucristo Tatitusar suyt'atanakamat sapa kutiw amtasipxta.

2 Timoteo 2:19

Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.

Hebreos 12:16

Jumanakat jan khitis wachuq juchan sarnaqkpati, kunatix qullanäki ukarux janirak jisk'achpati; Esaú chachasti ukham luräna, mä juk'a manq'a laykukiw jilïr kankañap aljasïna.

Hebreos 4:11

Uka samarañar mantañatakix wal ch'amañchasiñasaw wakisi, jan khitis khä jan iyawsirinakjam sarnaqaskañapataki.

Santiago 1:11

Kunapachatix intix jalsusin wal lupt'anki ukkhaxa, uka alix wañsuwa, panqaras willirtarakiwa, ukatsti suma uñnaqapas tukusiwa. Qamir jaqix ukhamarakiw luräwinakapampi chik tukusini.

1 Pedro 1:24

Diosan arunakapax siwa: “Taqi jaqix qurar uñtatakiwa, jach'a kankañapasti quran panqarapar uñtatakiwa. Qurax wañsukiwa, panqaras willirtxakiwa,

2 Pedro 1:17

Jesusaw Dios Awkit muspharkay aytat kankañ katuqäna, kunapachatix Diosan arupax jupar parlkäna qhapaq kankañapana, akham sasa: “Akaw munat Wawaxaxa, jupaw nayarux kusisiyitu” sasa.