1 Samuel 17:36 - Qullan Arunaka DC

³⁶ mä leonasa jan ukax mä ososa nayar katjañ munipanxa, jawq'askamaw jiwayirïta. Tatitur jan uñt'ir aka filisteo jaqirusti uka kipkwa lurä, jupan jakkir Diosan soldadonakapar arknaqatap layku.

Aymar Bibliia 1986

³⁶ Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.

Qullan Arunaca

³⁶ Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.

1 Samuel 17:36 Jak'a apnaqawi uñst'ayäwi

2 Crónicas 32:17

Senaquerib reyix ukxarux qillqatanak qillqäna, Israelan Tatit Diosapar ñanqhachasa, uka qillqatanakansti jupar jisk'achasaw säna: “Kunjämatix aka uraqin utjir yaqha markanakan diosanakapax amparaxat markanakapar qhispiyañatak jan ch'amanïkänxa, ukhamarakiw Ezequiasan Diosapax nayan amparaxat markapar qhispiyañatak jan ch'amanïkaniti” sasa.

Isaías 10:15

Tatitux siwa: Asiriankir reyix pantjasitawa, hachasa, lawa khuchhuñasa janiw apnaqiripat juk'amp askïkiti. ¡Kawkhansa utjatäna mä thujruxa, khititix apnaqki ukar apnaqatapaxa!

Isaías 36:15

Ezequiasatix ‘Diosar jaysañäni, jupaw qhispiyistani’ sapxätamxa,

Isaías 36:18

Ezequiasatix ‘Tatituw qhispiyistani’ sapxätamxa, jupampix jan k'arintayasipxamti. ¿Yaqha markanakarusti diosanakapax Asiriankir reyin amparapat qhispiyiti?

Ezequiel 28:10

Jaya markat jutir jaqinakaw jiwayapxätam, kunjämatix Tatitur jan uñt'irinakax jiwarapki ukhama. Naya, Tatituw uk arsta; arsutaxsti phuqhapunïwa’ ” sasa.

Ezequiel 32:19

¿Jumasti mayninakat sipansa wali sumätati? Jichhax jiwañamaw wakt'tam, kunjämatix juchararanakax jiwapki ukhama.’

Daniel (hebreo) 5:23

Jan ukasti, alaxpachankir Tatitut larustawa, jupan utapankir qirunakampi aptayanisax, jawsayat jaqinakamamp chikaw uka qirunakat vino umtaxa; ukhamarusa, qurita, qullqita, bronceta, hierrota, lawata, qalat lurat diosanakaruw yupaychtaxa; uka diosanakasti janiw uñjapkiti, janiw ist'apkisa, janirakiw kuns yatipkiti. Janiw jumax Diosar jach'añchktati, juma reyin jakañamax jupan amparapankiwa, kuntix lurkta ukanakasa jupïpan lurasi.

Zacarías 12:3

“Khä urux taqpach markanakatakiw Jerusalenax mä jathi qalar uñtat tukuni. Uka jathi qala unxtayañ munirinakarux tukjaniwa. Taqi markanakaw Jerusalén marka tukjañatak tantacht'asipxani,

Zacarías 2:8

8-9 (12-13) Taqi ch'amani Tatituw khithanitu, kawkïri markanakatix yänakam aparapktam uka markanakar juchañchañataki. Tatitux akham siwa: “Kawkïri markanakatix markaxar jan walinak lurapki ukanakarux mutuyäwa. Khititix markaxaru ñanqhachki ukaxa, nayarus ñanqhachkitaspa ukhamawa. Ukatpï, naya kipkaw uka markanakamp nuwasï, kipka uywatanakapampiw yänakapsa lunthatsuyarakï” Ukhamat taqi ch'amani Tatitux jach'a kankañap uñacht'ayani, ukat jumanakas Tatitun nayaru khithanitapxa amuyapxarakïta.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa:

1 Samuel 17:10

Jichhüruw nayax Israel markan ejercitoparu aka arunak sista: “¡Mä jaqi khithanipxita nayampi nuwasiñapataki!” sasa.

1 Samuel 17:26

Ukat Davidax jupa jak'ankki uka jaqinakar jiskt'arakïna: —¿Reyix kunsa churaspa aka filisteo jaqiru jiwaykaspa, israelitanakarus jan jisk'achaykaspa uka jaqiruxa? Ukhamasti, ¿khitirak Diosar jan uñt'iri uka filisteo jaqisti, jakkir Diosan ejercitopar arnaqañapatakisti? —sasa.

1 Samuel 17:35

nayax qhipapat arktirïta, usuchjasinsti lakapat ovej aparirïta,

1 Samuel 17:37

Tatitux nayarux leonana, oson amparapatsa qhispiyituwa. Ukhamarakiw aka filisteo jaqin amparapat qhispiyitani —sasa. Ukat Saúl reyix sarakïna: —Ukhamax saramaya, Tatitusti jumampirakïpan —sasa.

1 Samuel 18:17

Mä urusti Saúl reyix Davidarux sänwa: —Nayasti Merab sata jilïr phuchhaxa warmimäñapatakiw churäma, nayax jan axsarir nuwasirïñamak maysma, Tatitun nuwasïwipan nuwasiñataki —sasa. Saúl reyix janiw jupa pachpa Davidar jiwayañ amtkänti, jan ukasti filisteonakan jiwayañap munäna.

1 Samuel 31:4

Ukat Saúl reyix yanapiripar säna: —Espadam apsusim ukatsti jiwayxita, janiw Diosar jan uñt'ir jaqinakan nayar jiwayañap munkti, janirakiw nayat larusiñapsa munkti —sasa. Yanapiripasti jupar axsarasax janiw ukham lurañ munkänti. Ukat Saúl reyix jupapachaw espadap katusin uka patxar liwxattäna.