2 Corintios 1:22 - Qullan Arunaka DC

²² Jupaw jiwasanakarux chimpt'istu, chuymasarusti Qullan Ajayu ucharakistu, kuntix churapxämaw siskistu uk katuqañax phuqhasiñapataki.

Aymar Bibliia 1986

²² Mä sellompjamaraquiw jiwasanacarojj chimpt'istu, chuymasarusti Kollan Ajayu ucharaquistu, cuntejj churapjjämaw sisquistu uc catokañajj phokhasiñapataqui.

Qullan Arunaca

²² Mä sellompjamaraquiw jiwasanacarojj chimpt'istu, chuymasarusti Kollan Ajayu ucharaquistu, cuntejj churapjjämaw sisquistu uc catokañajj phokhasiñapataqui.

2 Corintios 1:22 Jak'a apnaqawi uñst'ayäwi

Ezequiel 9:4

juparusti sarakïnwa: “Jerusalén marka muytam, ukatsti uka markan jan wali luräwinakap layku llakt'ata jikxatasir jaqinakan parapar mä chimpu uchäta” sasa.

Juan 3:33

Kawkïritix iyawski ukaxa: Diosan arsutapax “Chiqawa” siwa;

Juan 6:27

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

Romanos 4:11

Abrahamax uka qhipat circuncisión katuqaski, mä chimpükaspas ukhama, Diosax iyawsäwip laykux niyaw aski jaqit katuqxäna. Ukhamat Abrahamax taqi iyawsirinakan awkipaxa, janisay circuncisión katuqapkchïn ukasa; Diosax uka kipkarakiw jupanakarux aski jaqinakat katuqaraki.

Romanos 8:23

Janiw akapach sapaki t'aqhiskiti, jan ukasti, jiwasaxa, Qullan Ajay nayraqat katuqirinakax t'aqhisiraktanwa. Jiwasanakax chuyma manqhisan t'aqhistan Diosan jiwasanakar wawanakapjam katuqatäñas uru suyt'asa, janchinakasax qhispiyat uñjaskani uka uru.

Romanos 8:9

Ukampis jumanakax janiw janchin munañaparjam jakxapxtati, jan ukasti, Ajayun munañaparjamaw jakxapxtaxa, Diosan Ajayupaw jumanakan jakxi. Khititix Criston jan Ajayupanïki ukanakax janiw Cristonkirïkiti.

2 Corintios 5:5

Diosaw ukham wakicharapistu, uk phuqhañatakisti jupaw Qullan Ajayu churistu.

Efesios 4:30

Diosan Qullan Ajayuparux jan llakisiyapxamti, jumanakax uka Ajayumpi chimpuntatäpxtawa, ukhamat kunürutix jupax phuqhat qhispiyasiñ churapkätam ukürun Diosankirjam uñt'atäpxañamataki.

1 Tesalonicenses 4:8

Ukhamasti khititix aka yatichäwir jisk'achki ukax janiw khiti jaqirus jisk'achkiti, jan ukasti Diosaruw jisk'achaski, khititix Qullan Ajayup churkistu ukaru.

2 Timoteo 2:19

Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.

Apocalipsis 2:17

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirinakarusti, maná sat imantat t'ant'at manq'ayä; ukatsti mä janq'u qala churarakï, uka qalansti mä machaq sutiw qillqt'ata, uka sutsti janiw khitis yatkiti, uka qala katuqirikiw yati.’ sasa.

Apocalipsis 7:3

akham sasa: “¡Jan kuna ñanqhsa uraqir lurapxamti, janirak jach'a qutarusa, janirak quqanakarusa, Tatit Diosasan luqtirinakapar paranakapat chimpuntañkama!” sasa.

Apocalipsis 9:4

Ukanakasti uraqinkir quranakaru jan ñanqha lurapxañapatakiw ixwa katuqapxäna, janirak kuna ch'uxñanakarusa, kuna quqanakarus ñanqha lurapxañapataki, jan ukasti, khitinakatix Tatitun chimpupampi paranakapan jan chimpt'atäpki uka jaqinakaruk t'aqhisiyañataki.